Jeremías 2:8 - Bible in Tzeltal de Oxchuc y Tenejapa

⁸ Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Bible in Tzeltal Bachajón

⁸ Te sacerdotehetic ma hichuc la yalic: ¿Banti ay te Jehová? ma xchihuquic; soc te mach'atic yich'ojic te Ley ma ba la sna'bonic jba; te jcananetic la stoy sbahic ta jtojol, te jalwanejetic c'opojic ta scuenta te sbihil Baal soc la st'unic bahel te bintic ma xtuhunique.

Jeremías 2:8 Referans Kwoze

Habacuc 2:18

¿Bistuc te loc'omba te ju'em ta pasele? ¿Bistuc te bila pasbil, te ja' nax ya yac' ta nopel lot? Te loc'ombaetic ma xc'opojic; ¿bit'il c'an smuc'ulin yo'tan te winic la spase?

Jeremías 10:21

Te j'alwanej ya yal: —Te jcanan-chijetic yu'un te lum, ma sna'ic q'uinal; ma sleic te Cajwaltique. Ja' swentail te la staiquix falta, melel pujq'uemiquix bael ta spisil te chijetic yu'unique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

San Juan 16:3

Jich ya spasic yu'un xujt' ma sna'beyic sba te Jtate, soc ma sna'bonic jba uuc.

Oseas 4:6

Te lum cu'un ma'yuc bi sna'oj, ja' swentail te la yich'ix jinele. Sacerdote, ja'at la ach'oj bael te bila ay ta na'ele, jich yu'un te jo'on ya jch'ojat loq'uel ta sacerdoteil. Melel ya xch'ay ta awo'tan te p'ijubtesel yu'un te Dios awu'une; jich me ya xch'ay ta co'tan te ats'umbale.

San Juan 8:55

Ja'uc me to, ma x'ana'beyic sba. Yan te jo'one, ya jna'bey sba. Te yacuc cal te ma jna'bey sbae pajal jpas-lototic ta jpisiltic te jichuque. Ja'uc me to, ya jna'bey sba ta mero melel. Soc ja' ya quich' ta muc' te bila ya yale.

San Lucas 11:52

“Te ja'ex jts'ibojometique ¡ya me awil awocolic! Melel la apojbeyic syaweal te p'ijil-o'tanile. Ma ba ya x'ochex tey a te ja'exe, soc ma x'awaq'uic ochel te mach'atic yo'tan ya sc'an x'ochique —xi' te Jesuse.

San Mateo 16:26

¿Bila ya xloc' yu'un a te winic teme ya yu'unin spisil te balumilale teme ch'ayel ya xbajt' soc te xch'ulele? ¿Bila ya yac'bey ta sjelol te xch'ulel teme ch'aye?

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 12:10

Bayal jtsobwanej-controinwanejetic la sjinbonic te ts'usubile, la spech'bonic jilel ta teq'uel. La sc'atp'unbonic ta jochol taquin q'uinal, ja' te q'uinal te jmulanej ta leque.

Jeremías 7:8

Te ja'ex ya awich'ic ta muc' te lo'layel c'op te ma xtuun ta jyalele.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Isaías 30:5

spisil ya me sta q'uexlal yu'un te nación te ma'yuc sc'oplal ta jc'axel. Ma'yuc coltayel, ma'yuc bila ya staic a, ja' nax ya xch'ay sbaic a, soc ja' nax ya sta swocolic a—xi' te Cajwaltique.

Isaías 29:10

Melel te Cajwaltic sticunejbeyex tel ta atojolic buen sc'ubulil wayel. Te j'alwanejetic ja' me sitic c'oem te lume; ja'uc me to, te Cajwaltic smacojbey ta pac' c'oem te sitique.

Isaías 28:7

Ay yantic sts'eunaj ta beel yu'un te vino soc ya xchuc sba yacan yu'un te tulan uch'balil, ja' te sacerdoteetic soc te j'alwanejetique, ya spasic ts'eunajel ta scaj te tulan uch'balil. Ya xbolobic yu'un te vinoe; ma xtojob ta beel yu'un te tulan uch'balil. Mero sts'eunajic a te c'alal ay bila ya x'ac'bot yilique, ayic ta yacubel te c'alal ya yaiyic chajbanwaneje.

1 Reyes 18:40

Ja' yu'un jich albotic yu'un te Elías: —Tsacaic te j'alwanejetic yu'un Baal. Ma me xcol jtuluc —xi'. Te mach'atic tey ayic a, la stsaquic. Te Elías la yic' bael ta beja' Cisón, tey c'o smil a.

1 Reyes 18:29

Pero c'alal c'ax ta olil c'aal, manchuc me tey yacalic ta aw a, soc tey yacalic ta wilawetel jichuc mach'a ma sna' q'uinal, ja' to te c'alal la sta yorail ya yich' aq'uel milbil smajt'an te Cajwaltic, pero ma'yuc chicnaj sujt'ib te sc'opique. Ma'yuc mach'a la sjac', soc ni ayuc mach'a la yaiy.

1 Reyes 18:22

Te Elías c'opoj xan, jich la yal: —Jo'on xanix jtuquel cuxulon te j'alwanejon yu'un te Cajwaltique; yan te j'alwanejetic yu'un Baal ay lajuneb yoxwinic xcha'bajc' (450) stuquelic.

1 Samuel 12:21

Ma xach'uunic lotil diosetic te melel ma'yuc bi ya yac'beyex soc ma xcoltaywan, melel ma Diosuc stuquelic.

1 Samuel 2:12

Te snich'nab Elí mero amen yo'tanic, ma ba la yich'ic ta muc' te Cajwaltique,

Deuteronomio 33:10

Te Jacob, ja' te lum Israel, ya yac'bey snopic te mandaliletique. Ta scajtijib ta chiq'uel amajt'an ya yaq'uic majt'anil pom soc majt'anil chambalametic ta atojol.

Jeremías 9:14

Tulan la yac' sbaic bael tey a te bay la sc'an yo'tanic, la xch'uunic te lotil diosetic, jich bit'il p'ijubtesotic jilel yu'un te sme'-statique.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

Ezequiel 34:2

—Ja'at winic, c'opona ta jwenta te jcanan-chijetic c'oem yu'un Israel, albeya te ma ba lec co'tan ta stojolique. Jich xawalbey: “Jich ya yal te Cajwaltique: ‘Ay me swocolic te jcanan-chijetic yu'un Israel, te ja' nix ya scanantay sbaic stuquelique. Te bila ya sc'an ya scanantay te jcanan-chijetic, ja' ta stsojbol te chijetique.

Job 35:10

Pero ma ja'uc ya sleic te Dios te ja' pasotic yu'une, te ja' stuquel te ya yac' quiptic te c'alal ijc'uben ya xjul ta jtojoltic te wocole,