Jeremías 2:7 - Bible in Tzeltal de Oxchuc y Tenejapa

⁷ Jo'on la quiq'uex tel li' ta lequil q'uinal to, swenta yu'un ya alo'beyic sit te awalts'unubil soc te mero lec te bila ya yac' tey a. Ja'uc me to, ja' tal aboltesbonic sc'oplal te lumq'uinal te ja'exe, la awac'bonic woclajuc co'tan yu'un yilayel te lumq'uinal cu'une.

Bible in Tzeltal Bachajón

⁷ Ho'on la jquiq'uex tal ta lequil q'uinal scuenta yu'un yac awe'beyic sit te awal ts'unubic soc te bintic lec tey a. Pero tal abohlobtesbonic sc'oblal te q'uinal cu'un soc la awaq'uic te ilobtic sba c'oht te bin quich'oje.

Jeremías 2:7 Referans Kwoze

Jeremías 16:18

Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Números 13:27

La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

Ezequiel 36:17

—Te c'alal nainemic ta slumalic a te israeletique, la sboltesbeyic sc'oplal ta scaj te amen te yat'elique. Te bit'il nainique, mero amen soc xiweltic sba ta jtojol.

Jeremías 3:9

Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Jeremías 3:1

Te Cajwaltic jich ya yal: —Teme ya sujt'es yinam te winique: te ants teme ya xba yic' sba soc yan winic, jich ma spas te ya x'ic'ot xan yu'un te sbabial winique. Melel teme jich ya spase, mero chujc'ul sc'oplal ya xc'ot ta spamal q'uinal. Ja'uc me to, jich c'oemat ja'at Israel. La apas mulwej soc bayal winiquetic, ¿ya to bal ac'an sujt'at tel ta jtojol? Jo'on Ajwalilon, jich ya cal.

Miqueas 2:10

Jajch'anic me, beenanic xan, melel in q'uinal to ma swentauc cux-o'tanil; yu'un c'ax bolobenix, jc'axel ts'ilajem ta jyalel.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Nehemías 9:25

Soc la yu'uninic buen yaxal q'uinaletic, nanatic nojelic ta bitic mero t'ujbilic, pozoetic, ts'usubiletic, ts'unbil olivoetic, soc yantic te'etic te lec ta lo'el site. We'-uch'ic, mero la snojes xch'ujt'ic, chican te bay c'alal la smulan yo'tanique. Buen jujp'ic, soc bin nax yo'tanic yu'un te bila mero muc' te spasemal awo'tan la awac'bey ta stojolique.

Deuteronomio 21:23

ma me xju' ya xjil ta sjunal ajc'ubal tey a, puersa me ya yich' muquel ta yorail nix te bi c'aalil te la yich' milele. Melel mero boloben sc'oplal yu'un Dios te mach'a jip'il ta muc'ul te'e. Ma me xju' ya awac' te ma lecuc sc'oplal ya xc'ot te lumq'uinal ya yac'beyex awu'uninic te Cajwaltic te Dios cu'untique.

Deuteronomio 6:18

Ja' me xapasic te bila yich'oj swentail soc te bila lec ta ilel ya yil te Cajwaltique, swenta yu'un jich me lec ya xc'oex a, soc jich me ya xc'ot ta awentaic te buen lequil q'uinale, te jc'axel yaloj te Cajwaltic te ya yac'bey te antiguo jme'-jtatique,

Jeremías 3:2

“Ilawil ta lec ta bay t'axalix te witsetique: ¿Ay bal junuc te banti ma ba la awac' aba ta c'oponel tey a? La anajc'an aba ta maliywanej jichuc árabe ta jochol taquin q'uinal, la anajc'an aba ta bay ti'be ta smaliyel mach'atic ya smulanat. La aboltesbon te lumq'uinal yu'un amulwej soc te bila amen la apase.

Jeremías 32:23

Ja'uc me to, c'alal ochic bael ta lumq'uinal te la yu'uninic, ma la xch'uunbat te ac'ope, ni ma la spasic te p'ijubtesel la awac'beye, ni ma la spasic jtebuc te amandal la awalbeye. Jich yu'un la aticunbey tel ta stojolic te bila amene.

Jeremías 32:30

Xjajch'ibal nix tel a, te lum Israel soc te lum Judá spasojic nix tel a te bila ma smulan co'tane; te israeletic ma ba yijq'uitayej ta sbolc'optaybelonic ta swenta te yajcananic te ja'ic nix spasoj stuquelique. Jo'on Ajwalilon, jich ya cal.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Oseas 9:3

Efraín ya sujt' bael ta Egipto, soc ta Asiria ya me swe'elin we'elil te ilaybile. Ma me xju' ya x'ainic xan ta bay slum-sq'uinal te Cajwaltique.

Deuteronomio 32:9

melel te bila ay yu'un te Cajwaltique, ja' te lum yu'une, ja' me te sts'umbal Jacob.

Nehemías 9:26

“Pero la xc'axintayic te mandaliletic awu'une, la stoy sbaic ta atojol, la xch'ayic te mandaliletic awu'une. Soc la smilic te j'alwanejetic awu'une, te jamal albot smulic yu'une, te albot yu'un te yacuc sujt'ic xan ta atojole. Jich mero muc' bi la spasic ta atojol, jich la yaq'uic ilinuc awo'tan yu'un.

Isaías 19:25

Te Cajwaltic te Spisil ya xju' yu'un, ya me yac'bey bendición, jich me ya yal: —Ya cac'bat bendición Egipto te lumat cu'un, soc ja'at Asiria te cat'elat, soc ja'at Israel te mero cu'unat atuquel —xi' ta yalel.

Ezequiel 20:24

melel ma ba la spasbonic te mandaliletic cu'une. La xch'aybonic te mandaliletic cu'une, soc la sboltesbonic te sc'aalelal cux-o'tan cu'une. Ja' nax bajt' sitic ta stojol te loc'ombaetic scuyojic ta Dios yu'un te sme'-statique.

Ezequiel 23:35

“Ja' yu'un jo'on Ajwalilon te jich ya cale: Melel la ach'ayon ta awo'tan soc la awalac'patiyon. Ja' yu'un ya me awil awocol ta castigo yu'un te la awac'bey awo'tan te mulile, soc te la awac' aba ta jmulawil antse —xi' te Cajwaltique.