Jeremías 2:6 - Bible in Tzeltal de Oxchuc y Tenejapa

⁶ Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Bible in Tzeltal Bachajón

⁶ Ma ba la yalic: ¿Banti ay te Jehová te la sloq'uesotic tal ta Egipto, te la yic'otic bahel ta jochol taquin q'uinal, ta taquin q'uinal soc hemeltic, ta taquin lum soc yaxinal lajel, ta lumq'uinal te mayuc mach'a c'axem tey a soc mayuc mach'a ya xnahinic tey a? ma xchihuquic.

Jeremías 2:6 Referans Kwoze

Deuteronomio 32:10

La sta ta jochol taquin q'uinal, ta mero taquin q'uinal te majbil ta tulan ic'. La spet bael soc la yac'bey sp'ijil yo'tanic, la scanantay ta mero lec, jich bit'il ya scanantay te xch'ulel site.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

San Mateo 4:16

te ants-winiquetic te ayic ta ijc' q'uinale, tilemix muc'ul luz ta stojolic. Sacubenix q'uinal ta stojol te mach'atic ayic ta yaxinal te lajele”, te xie.

Oseas 12:13

Ta swenta jtul j'alwanej te Cajwaltic la sloq'ues tel ta Egipto te lum Israel; ta swenta jtul j'alwanej la scanantay te lume.

Jeremías 5:2

Manchuc me ya stabeyic ta alel sbiil te cuxul Diose, ja'uc me to, ma'yuc swentail ya xc'ot te bila ya yalique —xi' te Cajwaltique.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 2:2

—Baan, albeya te lum Jerusalén, awtaya, swenta yu'un ya me yaiyic stojol ta lec: “¡Jich ya yal sc'op te Cajwaltique! Ya jna' te c'alal ach'ixat to a, jun awo'tan ta jtojol, te c'alal la quic' quinaminate, c'ux la awaiyon ta awo'tan. La ats'aclinon ta jochol taquin q'uinal, ja' te lumq'uinal te mero ma'yuc bila ya xju' ta ts'unel tey a.

Isaías 64:7

Ma'yuc mach'a te ya sc'oponate, ma'yuc mach'a ya spas tulan te ya sc'anbat coltayele. Ja' swentail te la anac' aba ta jtojoltic, soc la apijt'esotic ta scaj te bila amen jpasojtique.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Salmos 77:5

Ya xtal ta co'tan te jujun c'aal soc te ja'wiletic ta namey tale;

Salmos 23:4

Manchuc me ya xc'axon ta chujc'ul yijc'al q'uinal, ma'yuc xiwel ya caiy ta co'tan, melel te ja'at Cajwal ajoinejon. Te abastón soc te anajt'il garrabato ja' ya yac'bonic smuc'ul co'tan.

Job 35:10

Pero ma ja'uc ya sleic te Dios te ja' pasotic yu'une, te ja' stuquel te ya yac' quiptic te c'alal ijc'uben ya xjul ta jtojoltic te wocole,

Job 3:5

Ayuc bit'il tal buen pimil axinal te ijc'ubtesot yu'une, o ijc'al tocal te potsot yu'une, o ja'uc majc' sit c'aal a te ya yac' xiwel te jichuque.

2 Reyes 2:14

Ora la smaj ta ja' te smeyil nujc'ul, jich la yal: “¿Banti ay te Cajwaltic, te Dios yu'un Elías?” xi'. Yac to ta smajel a te ja', ora la sjam sba ta juju-jejch'. Te Eliseo cha'c'ax xan tey ta slumil te ja'e.

Jueces 6:13

Te Gedeón la sjac': —Pasbon perdón, cajwal, te yu'unuc joinejticuc te Cajwaltic, ¿bistuc yac ta c'axel jwocoltic? ¿Banti ay spisil te jchajp at'eliletic yu'un, te la yalbotic sc'oplal te antiguo jme'-jtatique, te la sloq'uesotic tel ta Egipto a? Pero te Cajwaltic la yijq'uitayotiquix jilel, la yac'otiquix ta sc'ab te madianetique —xi'.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Deuteronomio 1:19

“Te c'alal loc'otic tel ta Horeb, tojotic bael ta witsetic yu'un amorreoetic, jich la jch'uunbeytic a te smandal te Cajwaltic te Dios cu'untique. La jbeentaytic spisil te xiweltic sba jochol taquin q'uinal te la awilique, asta c'ootic ta Cades-barnea.

Jeremías 13:16

Ich'aic ta muc' te Cajwaltic te Dios awu'unique, te c'alal ma to xtal yu'un te ijc' q'uinal te ya ac'ojch'in awacanic ta bay ijc' q'uinal ta witstiquil; c'alal ma to sc'atp'un ta ijc' q'uinal, c'alal ma to sc'atp'un ta mero pimil ajc'ubal te saquil q'uinal ya amaliyic te ja'exe.

Jeremías 51:43

Te lumetic yu'une, c'atp'ujic ta jochol q'uinal xiweltic sba, taquin q'uinal, soc tan a jil. Ma'yuc mach'a ya xnainix, ma'yuc mach'a ya xc'axix tey a.

Deuteronomio 8:2

Na'ulayaic ta spisil te cha'winic (40) ja'wil la yaq'uex ta beel ta muc'ul jochol taquin q'uinal te Cajwaltic te Dios cu'untique. Te bit'il jich la spasbeyexe, yu'un me la yac'beyex apejc'an abaic ta stojol swenta prueba, swenta yu'un jich me ya sna'beyex awo'tanic a teme ya ach'uunbeyic, o ma ba ya ach'uunbeyic te mandaliletic yu'une.

Jeremías 5:12

Israel soc Judá la smuc ta yo'tanic te Cajwaltique. La yalic: “Ma'yuc te Diose. Ma'yuc bila amen ya xtal ta jtojoltic, ma xtal guerra ta jtojoltic, ni ma'yuc wi'nal”, xiic.

Amós 2:10

“Ja'uc me to, la jloq'uesex tel ta Egipto, soc la quiq'uex ta beel cha'winic (40) ja'wil ta jochol taquin q'uinal swenta yu'un ja' ya cac'beyex te sq'uinal amorreoetique.