Jeremías 2:36 - Bible in Tzeltal de Oxchuc y Tenejapa

³⁶ ¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Bible in Tzeltal Bachajón

³⁶ ¿Bin yu'un te ora nax yac ayanijtes te behetic awu'une? Ya me xq'uexawat ta scuenta Egipto, hich te bin ut'il q'uexawat yu'un Asiria.

Jeremías 2:36 Referans Kwoze

Jeremías 31:22

¿Bi ora ya xlaj awo'tan te bayuc ya xbaate, te jich jowejemat te bit'il jtul ach'ix te jowejeme? Jo'on Ajwalilon, ay bila jchicnantesej yach'il ta balumilal: Ay jtul ants ya xba sta xan sba soc te smamlale —xi'.

Oseas 5:13

“C'alal ya yil sba te ay ta chamel te Efraín, soc c'alal ya yil yejch'en te Judá, te Efraín ya xbajt' ta Asiria ta sc'anel coltayel ta stojol te mero muc'ul ajwalil. Ja'uc me to, ma me xju' yu'un slamantesel te xchamele, soc ma xju' yu'un xpoxtayel te ejch'enetic yu'une.

Oseas 12:1

“Te Efraín puro ic' ya yipan, spisil c'aal ya st'un bael te ic' te ya xtal ta stojol sloq'uib c'aal. Ya xtoy bael te lotetic soc te uts'inwanej yu'unique. Ya spas trato soc Asiria soc ya sticun majt'anil aceite ta Egipto —xi' te Diose.

Jeremías 2:23

¿Bistuc te jich ya awale: “Ma ba bolobenon, ni ma ba yacon ta xch'uunel lotil diosetic,” te xaate? Aiya awaiy stojol, ja' xan te awat'el la apas ta xatal q'uinale, nopa awaiy ta spisil te bila apasojique. Ja'at pajalat soc te yantsilel camello te bayuc nax ya xbajt' ta animale;

2 Crónicas 28:16

Jich c'aal a, te muc' ajwalil Acaz la sticun abatetic yu'un ta stojol te muc' ajwalil yu'un Asiria, swenta sc'anel coltayel yu'un.

Oseas 14:3

Asiria ma xju' ya scoltayotic; soc ma xju' xcolotic yu'un te caballoetique. “Dios cu'untic”, ma me xoocotic ta stojol te bila jpasojtic ta jc'abtique. Melel ja'at nax atuquel, Cajwal, te ya ana'bon yo'bolil jba te me'ba alalone —xaat me ta stojol te Diose.

Oseas 10:6

Ya me x'ich'ot bael te alal toro c'alal ta Asiria, swenta yu'un ya yich' ac'beyel te muc'ul ajwalile. Jich me ya xjil ta q'uexlal te Efraín; te Israel ya me xq'uexaw yu'un te yajcanane.

Oseas 7:11

Te Efraín jich c'oem te bit'il stsumut, ma sna' q'uinal, mero ma'yuc sp'ijil. Ya sc'anic coltayel ta Egipto, soc ora ya xba sc'anic coltayel ta Asiria.

Ezequiel 29:7

Te c'alal ya c'an yich' yip ta atojole, te ja'ate c'asat, la awejch'entesbey sbaquel xmoch; te c'alal ya c'an yich' yip ta atojole, c'asat, jich la awac' yaluquic.

Lamentaciones 5:6

Swenta yu'un yacuc xnoj jch'ujt'ic yu'un te we'elile, ya jach jc'abtic ta stojolic te egipcioetic soc te asiriaetique.

Lamentaciones 4:17

Lubenic te jsitique, tojol la cat'elintic smaliyel coltayel. Tojol chapalotic ta smaliyel te jpam lum te ma xju' yu'un coltaywaneje.

Jeremías 37:7

te mach'atic ticunbil tele: —Albeyaic te muc' ajwalil yu'un Judá te la sticunex ta ajojc'obelone, te bayal soldadoetic yu'un faraón te ayiquix tel ta be ta swenta scoltaybelexe, sujt'iquix bael ta Egipto.

Jeremías 2:33

“Mero lec ya ana'bey sbelal stuquel c'alal ya ale te mach'a ya amon aba soque. Ja'at maestra-antsat yu'un te bila ma lecuque.

Jeremías 2:18

Ta ora yo'tic, ¿bi ya ata a te ya xbaat ta Egipto? ¿Yu'un bal ja' ya xba awuch'bey ya'lel te muc'ul ja' Nilo? ¿Bi ya ata a te ya xbaat ta Asiria? ¿Ja' bal ya xba awuch'bey ya'lel te muc'ul ja' Éufrates?

Isaías 20:5

Te israeletic ya me xnoj xiwel ta yo'tanic, soc ya me yaiyic q'uexlal ta yo'tanic, te smuc'ulinej yo'tanic te Etiopía soc te Egipto, te toyol nax q'uinal la yaiyic yu'une.

Jeremías 46:12

Te nacionetic, sna'ojiquix te la awich'ix pejc'anele, ta spamal q'uinal chican awawic; ja' nix ya sten sbaic te soldadoetique, soc pajal ya sbalan sbaic ta lum —xi' te Cajwaltique.

Ezequiel 16:28

Pero ma ba tic' la awaiy a, la awac' xan aba ta spasel mulil soc asiriaetic, ni ja'uc tic' la awaiy a.

Jeremías 22:20

Te Cajwaltic la yal: —¡Judá, jichat te bit'il t'ujbil ants, moan ta wits Líbano soc awunan! ¡Toya moel ac'op ta witstiquil yu'un Basán! ¡Awunan tel c'alal ta ch'in witsetic yu'un Abarim, melel spisil te mach'atic smulanejate, la yich'iquix tsalel!

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.