Jeremías 2:34 - Bible in Tzeltal de Oxchuc y Tenejapa

³⁴ Te ac'u' boloben ta spisil yu'un xch'ich'el te me'baetic te ma'yuc smulique, ma'yuc bay yac ta spasel mulil la ata.

Bible in Tzeltal Bachajón

³⁴ Ta ac'u' apac' ya xchicnaj sch'ich'el te pobrehetic te mayuc smulic, aunque mayuc bin chopol la atahbe. Aunque hich ay, hich yac awal:

Jeremías 2:34 Referans Kwoze

2 Reyes 21:16

Te Manasés la sjoin te yajwal Judá ta spasel te muliletic. Soc ay to xan yan a te bitic amen la spasbey ta sit te Cajwaltique: bayal mach'atic tojol la smalbey xch'ich'el. Noj c'oem ta bayal ch'ich' yu'un ta sjunal te Jerusalén.

Jeremías 19:4

Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Éxodo 22:2

“Teme ch'ayal yo'tan tsacot te j'elec' ta bay nae, teme ejch'enaj soc teme laje, te mach'a milawane, ma xju' ya smulin te bit'il laje.

Ezequiel 24:7

Te lume nojel ta malbil ch'ich'. Te ch'ich'e, ma ba malem ta lum swenta yu'un ya xmucot ta ts'ubil lum, ja' malbil ta sba ton.

Ezequiel 20:31

Te bit'il ya awac'bey smajt'an, soc ya awac' awal-anich'nabic ta majt'anil ta milel ta c'ajc', jich yacalex to ta aboltesbel abaic ta swenta a te loc'ombaetic yu'unique. Jich ayex, israeletic, pero puersa ay to bila ya ac'anic ya ajojc'obonic. Melel jo'on te cuxul Ajwalilon, ya cal ta jamal te ma'yuc bila ya jc'an ya ajojc'obonique.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 7:31

Ta bay xatal yu'un Ben-hinom la spasbeyic scajtijib majt'anil ta Tófet swenta yu'un ya xchiq'uic tey a te alalqueremetic ach'ixetic yu'unique, te ma'yuc bay calojbey mandal ta pasel, ma'yuc bay talem ta co'tan ni jtebuc.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

Isaías 57:5

Ta yet'al c'antulanetic soc spisil te'etic te pimic yabenale tey ya apasic a te bitic ma xtuune, soc tey ya amilbey alaletic te awajcananic ta bay beja'etic, ta lom ch'entiquil.

Isaías 59:3

Te ja'exe boloben ac'abic yu'un ch'ich'; boloben sbic'tal ac'abic yu'un te milawe. Te awe'ic ya yal loq'uel lot; te awaq'ue ya yal loq'uel mulil.

Jeremías 2:33

“Mero lec ya ana'bey sbelal stuquel c'alal ya ale te mach'a ya amon aba soque. Ja'at maestra-antsat yu'un te bila ma lecuque.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Lamentaciones 1:9

Boloben te sc'u'e, ma la sna' te ay swocol ya xc'ot yu'une. Ma'yuc ta ch'uunel yaiyel te bit'il yalemixe; ma'yuc mach'a ya smuc'tesbey q'uinal yaiy. Ya yal: “Ilawilon, Cajwal, peq'uelonix, soc toyol yac'oj sba ta jtojol te jcontroe”, xi'.

Lamentaciones 4:14

Yacalic ta ts'otlajanel ta beel jichuc ma'sitetic ta calleetic yu'un te lume; mero c'ax bolobenic yu'un ch'ich', ma'yuc mach'a ya sc'an ya spicbey te sc'u'e.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.

Ezequiel 22:25

Melel te ajwaliletic yu'un te lumq'uinale, jich c'oemic te bit'il león-chojetic te ya x'awunique, soc te ya stuch' ta ti'el te ti'bal yu'une. Ya sbic' ta sq'uinalic c'oem te ants-winiquetic, soc ya yelc'anbey staq'uinic soc yantic sc'ulejalic. Ya yaq'uic jiluc ta me'ba antsil tsobol antsetic.

Éxodo 22:1

“Teme ay mach'a ya yelc'an jcojt' wacax, o jcojt' chij, teme ya smil, o ya xchon, jo'cojt' me ya sujt'esbeyix sjelol teme wacaxe. Yan teme chije, chancojt' me ya sujt'esbey sjelol stuquel.

Ezequiel 23:45

Pero te winiquetic toj yo'tanic ya me yalic ta jamal te castigo ya sc'an ya xc'ot ta stojolic te jmulawiletic soc te jmilawaletique. Melel jmulawiletic, soc ay xch'ich'el sc'abic yu'un milaw —xi'.