Jeremías 2:33 - Bible in Tzeltal de Oxchuc y Tenejapa

³³ “Mero lec ya ana'bey sbelal stuquel c'alal ya ale te mach'a ya amon aba soque. Ja'at maestra-antsat yu'un te bila ma lecuque.

Bible in Tzeltal Bachajón

³³ ¡Mero yac ana'be sbehlal slehel te mach'a yac amon aba soque! ¡Te chopol antsetic ay bin ya xhu' ya snopic ta acuenta!

Jeremías 2:33 Referans Kwoze

Ezequiel 16:47

Ja'at la anopbey te stalele, soc ja' nix ba apasbey te yat'el ilaybil sbae. Ma tic'uc la awaiy a, c'axem jich la apas a te bit'il la spas stuquelique.

Ezequiel 16:27

“Jich la jtoy jc'ab, la cac'bat castigo: La jcombat ta atojol bitic ya xtuun awu'un, la cac'at ta sc'ab lumetic yu'un filisteoetic te ya yilayate, scaj te ilinemic ta atojol yu'un te q'uexlaltic sba te awat'ele.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Jeremías 2:23

¿Bistuc te jich ya awale: “Ma ba bolobenon, ni ma ba yacon ta xch'uunel lotil diosetic,” te xaate? Aiya awaiy stojol, ja' xan te awat'el la apas ta xatal q'uinale, nopa awaiy ta spisil te bila apasojique. Ja'at pajalat soc te yantsilel camello te bayuc nax ya xbajt' ta animale;

2 Crónicas 33:9

Ja'uc me to, te Manasés la yac' beenuquic ta amen be c'oem te Judá soc te yajwal Jerusalén, bajt' yo'tanic ta spasel spisil muliletic, c'ax jich te bit'il la spasic te yantic lumetic te la yich'ic loq'uel jinel ta stojol te israeletique.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Jeremías 2:32

Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Jeremías 2:34

Te ac'u' boloben ta spisil yu'un xch'ich'el te me'baetic te ma'yuc smulique, ma'yuc bay yac ta spasel mulil la ata.