Jeremías 2:32 - Bible in Tzeltal de Oxchuc y Tenejapa

³² Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Bible in Tzeltal Bachajón

³² ¿Ya bal xch'ay ta yo'tan te ach'ix te sch'ahlele? o te ach'ix te ya xnuhpun, ¿ya bal xch'ay ta yo'tan te sch'ahlel sc'u'e? Pero te pueblo cu'un bayelix c'ahc'al te ch'ayon ta yo'tane.

Jeremías 2:32 Referans Kwoze

Salmos 106:21

La xch'ay ta yo'tanic te Diose, te jcoltaywanej yu'unique, te mero c'ax muc' te bitic la spas ta lum Egipto.

Jeremías 13:25

Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Jeremías 3:21

“Ay c'opetic chican ta witstiquil ta jochol taquin q'uinal: Ja'ic te israeletic, te ya x'oq'uic ta sc'anel te yacuc xna'bot yo'bolil sbaique. Jowejic bael a ta bay toj be, soc la xch'ayon ta yo'tanic, jo'on te Ajwalilon te Dioson yu'unique.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Isaías 17:10

melel la ach'ay ta awo'tan te Dios te la scoltayate, ma la ana' te ja' anjibal awu'un te jun nax awo'tan tey a. Ja'at ya apas te yawil nichimetic te t'ujbile, ya ats'unbey snichimal ta swenta yich'jibal ta muc' te yan diose;

Oseas 8:14

Israel ya spas palacioetic yu'un ajwalil; ja'uc me to, ya xch'ay ta yo'tanic te mach'a jpaswanej yu'une. Judá ya spas bayal ta jpam lumetic te tulanic sts'ajc'ule; ja'uc me to, ya cac'bey tiluc sc'aal te ya xtanub ta c'ajq'uel te muc'ul naetic yu'une —xi' te Cajwaltique.

Isaías 61:10

¡Bayal me yutsil co'tan ta c'axem to xan yu'un te Cajwale! Mero bin nax co'tan yu'un te Dios cu'une, melel la yac'bonix te jcoltayel yu'une, la yac'onix ta tsalaw. Jichon te bit'il mach'a ya xnujbin te ya yich' scorona; jichon te bit'il ach'ix te ya xnujbinix te ya xch'al sba ta c'anal taq'uinetique.

Salmos 9:17

Te mach'atic amenic soc te ma'yuquic ta stojol Dios, ja' nix te mach'atic ya xch'ay ta yo'tanic te Diose, ya me xlajinot ta jc'axel yu'un yip te lajele.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Jeremías 13:10

Ja' in lum to te amen yo'tane ma sc'an xch'uunbon te jmandale, q'uejel yac'oj sbaic bael soc stulanil te yo'tanique. Bajt'ic ta stojol lotil diosetic, yac'oj sbaic ta abatinel yu'un soc ta xch'uunel. Pajalic soc te xchujq'uil ach'ujt' te ma'yuquix yutsil ta jyalele.

Apocalipsis 21:2

Jo'on Juanon la quil te ch'ul muc'ul lum te ja' te yach'il Jerusalén. La quil yac ta coel tel ta ch'ulchan te loc' tel ta stojol te Diose. Buen chapal jich te bit'il ya xch'al sba soc sc'u'-spac' te ach'ix ya xnujbine.

Ezequiel 22:12

Te alumale ay ya xchon sbaic yu'un ya smilic yantic. Ya sc'anbey sjol staq'uin te c'alal ya yac' ta majanele, ya slo'lay ta sc'ajc'al te spat-xujq'ue, ya xch'ayon ta yo'tanic. Jo'on Ajwalilon te jich caloje.

Génesis 24:22

C'alal laj yo'tanic ta yuch'el ja' te camello, te winic la sloq'ues jun ch'ocowil pasbil ta oro te la yac'bey ta sni', te ay niwan waqueb gramo yalal, soc cheb xan staq'uinal snuc' sc'ab pasbil ta oro te c'axem ta jo'winic (100) gramo te yalale.

2 Samuel 1:24

“Yantsil-nich'nab Israel, oq'uetayaic te Saúl, te la yac'beyex ac'u'inic t'ujbil tsajal pac', soc te la yac'beyex ac'u'inic lino-paq'ue, te la xch'albeyex ac'u'ic ta ch'albil oro.

Génesis 24:53

Soc la sloq'ues bayal majt'aniletic pasbil ta oro, ta plata, soc c'u'il-pac'aletic, la yac'bey te Rebeca. Soc la yac'bey buen t'ujbil majt'aniletic te xi'lele soc te sme'e.

Génesis 24:30

yu'un la yil bit'il yich'oj ch'ocowil ta sni' soc cheb staq'uinal snuc' sc'ab te yijts'in ach'ixe. Soc spisil la yaiy stojol te bila c'o yal te ach'ixe: “Jich me la yalbon te winique”, te xi' c'oel la yaiye. Jich te winique, teq'uel ta sts'eel scamello c'o sta ta bay pozo.

Isaías 57:11

“¿Mach'atic a te diosetic te axi'oj soc te awich'oj ta muc', te ma tojuc awo'tan ta jtojol yu'une, soc te jc'axel la ach'ayon ta awo'tan yu'une? Te c'alal ma ba la awich'on ta muc', ma ba c'opojon, ma'yuc bila la cal yu'un.

Jeremías 2:33

“Mero lec ya ana'bey sbelal stuquel c'alal ya ale te mach'a ya amon aba soque. Ja'at maestra-antsat yu'un te bila ma lecuque.

Deuteronomio 32:15

Mero jujp' te Jesurún, xwilawet nax yu'un sbujts' q'uinal yaiy, (mero x'oquet nax yu'un sjujp'el), la xch'ay ta yo'tan te Diose, ja' te Jpaswanej yu'une; la yilay te Jcanantaywanej yu'un, la yilay te Jcoltaywanej yu'une.

Jueces 8:34

Ch'ay ta yo'tanic te Cajwaltic te Dios yu'unic, te coltayotic yu'un ta sc'ab scontroic te joytayotic yu'une.

Jeremías 23:27

Te swaichic ya yalbey sbaic juju-jtul, ay ta yo'tanic te yacuc xch'ayon ta yo'tan a te lum cu'une, jich nix te bit'il ch'ayon ta yo'tanic te antiguo sme'-static, te bajt'ic ta stojol Baal.