Jeremías 2:26 - Bible in Tzeltal de Oxchuc y Tenejapa

²⁶ “Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Bible in Tzeltal Bachajón

²⁶ Hich te bin ut'il ya xq'uexaw j'elec' te c'alal ya xchicnaj, hich ya xq'uexawic te sna Israel, ha'ic soc te ajwaliletic, príncipaletic sacerdotehetic soc te jalwanejetic yu'unic,

Jeremías 2:26 Referans Kwoze

Jeremías 32:32

ta swenta spisil smulic staojic ta jtojol, ta scaj sbolil yat'elic te lum Israel soc te lum ta Judá. Jich nix te muc' ajwaliletic, te jtsobwanejetic, te sacerdoteetic, te j'alwanejetic yu'unique, soc spisil te ants-winiquetic Judá soc Jerusalén.

Esdras 9:7

Nameyix soc c'alal ora ayotic ta mero tulan mulil. Ta scaj te bila amen la jpastique, soc nix te muc' ajwaliletic soc sacerdoteetic cu'untique, ta jpisiltic ochotic ta sc'ab muc' ajwaliletic ta yantic nacionetic. La quich'tic ejch'entesel, la quijq'uitay jlumaltic, elc'anot jbiluctic soc la quich'tic ilayel, soc jich nix ayotic c'alal ora in to.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Jeremías 48:27

Moab, ¿ma bal lajuc alaban Israel? La awal spisil ora te ma lecuc awo'tan yu'un, jich c'oem ta awo'tan te bit'il j'eleq'ue.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Isaías 1:29

Ya me xq'uexawex ja'ex yu'un te jijte'etic soc te yawil nichimetic te toyol ya amulanic te banti ya ach'uunic te loc'ombaetique.

Ezequiel 16:54

Pero ya me xc'ax awu'un te ya awich' pejc'anele, soc te ya xcujch' awu'un te q'uexlaletic yu'un te bitic la apase, ja'at me jmuc'tesej-q'uinal ya xc'oat yu'un.

Ezequiel 22:26

Te sacerdoteetic yu'un te lumq'uinal, ya yixlanbonic te p'ijubtesel cu'une. Ya sjinbonic sc'oplal te bila ch'ultesbil ya cale; pajal sc'oplal c'oem yu'unic te bila ch'ultesbil soc te bila ma ch'ultesbiluque. Soc ma ba ya yac'bey snop yantic bit'il ay ta na'el te bila lec sc'oplal soc te bila boloben sc'oplale. Ma xyac' yo'tanic ta sna'el soc ta yich'el ta muc' te sc'aalelal cux-o'tanil cu'une, soc la sboltesbonic jc'oplal ta yolilic.

Zacarías 5:4

Te Cajwaltic te Spisil ya xju' yu'un jich yaloj ta jamal: “Jo'on ya jticun te castigo swenta yu'un ya me x'och ta sna te mach'a ya x'elc'aje, soc ya me x'och ta sna te mach'a ay bila ya stojol-tabon ta alel ta lot te jbiile. Te castigo tey me ya x'ain a, asta ja' to teme laj te sts'amte'al soc te tonetic yu'un te snae”, xi' me —xi' te ch'ul abate.

Salmos 97:7

Ma'yuquic ta q'uinal ya yaiyic te mach'atic xch'uunejic te loc'ombaetic, ja' te mach'atic stoyoj sbaic yu'une. Spisil te bitic cuybil ta Dios ya stinan sbaic ta stojol.

Isaías 44:9

Ma xtuunic te mach'atic ya spasic te loc'ombaetique, soc ma xtuunic te loc'ombaetic te bayal sc'oplal ta yo'tanique. Te mach'atic ya xjajch' xch'uunic, ja' ma'sitetic c'oemic, te ma sna'ic q'uinal ta jyalele. Ja' swentail te jc'axel ya xch'ayic ta q'uinal yu'un te q'uexlale.

Isaías 44:11

Spisil te mach'atic ya xch'uunique, ya xq'uexawic yu'un. Te mach'atic yat'elinejic spasel te loc'ombaetique, winiquetic nax. Teme spisilic ya x'ochic ta tejc'anel ta ich'el ta c'op, peq'uel me ya xjilic, soc ya me xq'uexawic yu'un ta c'axem to xan.

Jeremías 4:9

Te Cajwaltic jich ya yal: —Te c'alal ya xc'ot sc'aalelal, te muc' ajwalil soc te jtsobwanejetic ya xnijq'uic yu'un xiwel, te sacerdoteetic ya me yaiyic bayal xiwel, te j'alwanejetic jchajp nax me q'uinal ya yaiyic yu'un te xiwtesele —xi'.

Jeremías 22:22

Ya stasot bael yu'un ic' c'oem spisil te jtsobwanejetic awu'une; te mach'atic smulanejate, ya x'ic'otic bael ta yan lum. Ya me xjilat ta q'uexlal soc peq'uel ya xc'oat ta scaj spisil te bila amen apasoje.