Jeremías 2:25 - Bible in Tzeltal de Oxchuc y Tenejapa

²⁵ “Israel, ma me x'alajin awacan soc ma me xawac' xtaquinaj anuc' yu'un snutsel yantic diosetic. Pero ya awal: “Ma'uc. Ma xju' ya sujt'on ta jpat. Mero ya jmulan te yantic diosetic; ya to me jle xan”, xaat.

Bible in Tzeltal Bachajón

²⁵ Ma me xbehenat te mayuc atep soc ma me xawac' ya xtaquij anuc'. Pero hich la awal: Mayuc bin ya xhu' ta pasel, como ha c'ux ta co'tan te yan diosetic, ya me jt'un bahel, xchihat.

Jeremías 2:25 Referans Kwoze

Deuteronomio 32:16

La spasbeyic te bila amen ta sit te Diose, la sjachbeyic yilimba, melel la xch'uunic loc'ombaetic ilaybil sba.

Jeremías 18:12

Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Romanos 8:24

Colemotiquix ta swenta te bila yacotic ta smaliyele. Yan teme la quiltiquix ta sitique, jich ma'yuquix bi ya jmaliytic abi. Melel teme chicanix ya quiltique, ¿bistuc xan ya jmaliytic?

Lamentaciones 4:4

Bayal taquinti'il ya yaiyic te chu'ul alaletique, te yaq'uic ya slab sba ta yutil yeic. Ya sc'an swe'elic te alaletique; ja'uc me to, ma'yuc mach'a ya yac'bey.

Jeremías 14:10

Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Jeremías 13:22

Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Isaías 57:10

Lubat yu'un bayal beel, ma la ana' stojol ta spisil te ma'yuc stuule. Ay ta ac'ab te bila ipajemat a, jich yu'un ma ba lubat.

Isaías 2:6

Cajwal, la awijq'uitay te ants-winiquetic awu'une, ja' te lum yu'un Jacob. Te q'uinale nojel tey a te mach'atic ay bi ya sna'ic yalel ta sc'opic te talemic ta stojol sloq'uib c'aal, soc nix te mach'atic p'ijic ta sc'opic jich te bit'il ay ta yolilal te filisteoetique. Te lume ya xchap sc'opic soc te jyanlumetique.

2 Crónicas 28:22

Te bit'il la sta uts'inel te Acaz; ja'uc me to, cha'toy xan ta bolobel yo'tan ta stojol te Cajwaltique. Awaiy bit'il ay yo'tan te muc' ajwalil Acaz.

Deuteronomio 28:48

Puersa me ya awac' aba ta abatinel yu'un te acontrotac ya sticunbat tel ta atojol te Cajwaltique. Ya me xc'ax awocol yu'un wi'nal, yu'un taquinti'il, soc ma ba ya ata ac'u'-apac', ma me ayuc bila ya xwejt' awu'un. Te Cajwaltic ya me yac'bat mero tulan awocol ta mozoinel, asta ya xlajat ta jc'axel.

San Lucas 16:24

Jich jajch' yawtay: “Tatic Abraham, c'uxtayawon. Ticunbon tel te Lázaroe. Ac'a yajch'es tel jch'ixuc sni'il sbic'tal sc'ab ta ja', yu'un ya xtal sictesbon cac' a. Melel bayal ayon ta woclajel ta c'ajc' li'to”, xi' ta aw.

San Lucas 15:22

“Ja'uc me to, te state la yalbey mandal ta ora te abatetic yu'une: “Ich'bonic tel ta ora te lequil c'u'ule. Ac'bonic slap a. Ac'bonic xch'ocow ta sc'ab, soc ac'bonic xanab slap.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.

Jeremías 2:31

(Ja' nix jichex, te jcaj alnich'anex ayex ta q'uinal ta ora to, aiybeya awaiyic stojol sc'op te Cajwaltique.) Israel, ¿yu'un bal jochol taquin q'uinalon ta atojol? ¿Jich bal acuyojon te bit'il q'uinal te nojel nax yu'un te ijc' q'uinale? Lum cu'un, ¿bi yu'un ya awal: “Ayotic ta libre; mero ma sujt'otiquix bael ta atojol”, te xaate?

Jeremías 13:21

“¿Bi ya awal, Jerusalén, c'alal ya awich' wentainel yu'un winiquetic te ja'at nix la ap'ijubtese? Ya me yac'beyex xc'uxul, jich bit'il te ants te ya x'ayin yale.

Jeremías 22:20

Te Cajwaltic la yal: —¡Judá, jichat te bit'il t'ujbil ants, moan ta wits Líbano soc awunan! ¡Toya moel ac'op ta witstiquil yu'un Basán! ¡Awunan tel c'alal ta ch'in witsetic yu'un Abarim, melel spisil te mach'atic smulanejate, la yich'iquix tsalel!

Lamentaciones 1:2

Ma xcom ta oq'uel jujun ajc'ubal; xbalet nax ya'lel sit ta yelaw. Ma'yuc jtuluc te mach'atic la smulan ta sbabial te ya xmuc'tesbot q'uinal yaiy yu'une. Spisilic te sjo'taque, chebaj yo'tanic ta stojol, te c'atp'ujic ta scontrotac.

Ezequiel 20:32

Jich c'oem ta awo'tanic te ja' pajal ya xc'oex soc te yantic nacionetic ta balumilale, te ya xch'uunic te' soc ton, pero ma me jichuc ya xc'ot.

Oseas 2:5

Te sme'e la sboltes sba ta mulwej; q'uexlaltic sba te bit'il jich la yal: “Ya xba jle te mach'atic ya smulanone, te mach'atic ya yac'bon jwe'el soc ja', soc te ya jta a te stsotsil chij soc lino, te aceite soc te bila ya cuch' yu'un te jwe'ele”, te xie.

Malaquías 3:14

Te awalojique: “Te abatinel ta stojol Dios ma'yuc swentail. ¿Bila ya xloc' cu'untic a te ya jpastic te bila ya yal ta mandal, soc te ya yich' lapel c'u'il swenta mel-o'tan ta stojol te Cajwaltic te Spisil ya xju' yu'une?

2 Crónicas 28:23

La yac'bey milbil smajt'an te lotil diosetic ta Damasco, te ja' nax ac'ot ta jinel yu'une. La scuy te ya xcoltayot yu'unic teme ya yac'bey milbil smajt'ane, melel coltayotic yu'un ta sc'op te muc' ajwaliletic yu'un Siria. Ja'uc me to, ja' nax sjinjibal a c'ot soc ta spisil Israel.

Jeremías 22:21

La jc'oponat jo'on ta yorail te yacat ta esmajel a; ja'uc me to, ma la awaiybon stojol jc'op.