Jeremías 2:24 - Bible in Tzeltal de Oxchuc y Tenejapa

²⁴ ja'at pajalat soc te yantsilel ja'mal burro te animal ya xbajt' ta witse, ya nax xjujch'ilay q'uinal te ya yich' ic' yu'un te bila ya sc'ane. C'alal chijubene, ma'yuc mach'a ya xju' yu'un scomel. Teme ya sle te state, ma ba ya xlub, puersa ya sta ta yorail te chijubele.

Bible in Tzeltal Bachajón

²⁴ yantsilel ha'mal burrohat te c'ahyem ta jochol taq'uin q'uinal, te ya yich' ta ic' te c'alal chijuben, ¿mach'a ya xhu' yu'un scomel? Mach'ayuc ya xlehot yu'un, ma ba ya xluhb, como ya sta ta yorahil te schijubel.

Jeremías 2:24 Referans Kwoze

Jeremías 14:6

Te ja'mal burroetic, ya xcojt'ajic ta t'axal witstiquil, ya yich'ic ic' jich bit'il ja'mal ts'i'etic; ya x'ijc'ub q'uinal ya yilic, melel ma'yuc aquiltic ya swe'elinic —xi' te Cajwaltique.

Oseas 5:15

“Ora ya sujt'on bael ta bay cawil, ja' to me c'alal ya sna'ic te smulique. Jich me ya xtal sleonic. Ja' me ya yalbonic wocol a te c'alal ayiquix ta woclajele —xi'.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

Job 11:12

Te bi c'aalil ya xyanaj te ja'mal burroe, ja' to me ya sna' q'uinal a te bol-o'tan winique.

Oseas 8:9

Ba sc'oponic te Asiria, jich bit'il ya stoy sba ja'mal burro. Efraín la yac' majt'anil swenta smanel c'oem a te mach'a ya xmulanot yu'une.

Job 39:2

¿Ya bal ana' jayeb c'aal yic'oj a te ya xtojc' te yalique?

Ezequiel 16:33

Spisil te jmulawil antsetic ya yich'ic ac'beyel stojolic; pero te ja'ate la awac'bey smajt'an ta spisil te mach'atic tal smulanate. La awac'bey stojolic, swenta yu'un jich talic ta yantic parte ta spasel mulil soc te ja'ate.