Jeremías 2:16 - Bible in Tzeltal de Oxchuc y Tenejapa

¹⁶ Te yajwal Menfis soc Tafnes la swuybat ajol.

Bible in Tzeltal Bachajón

¹⁶ Te winiquetic yu'un Menfis soc Tafnes la swuybat ajol.

Jeremías 2:16 Referans Kwoze

Jeremías 46:14

—Pucaic ta alel ta spamal sq'uinal Egipto, ta Migdol, ta Menfis soc ta Tafnes: “¡P'ijanic me, chapaluquex me! Te puñale ya nix me spas bolteswanej ta ajoyobal a”, utaic me.

Jeremías 44:1

Sc'op Cajwaltic tal ta stojol Jeremías ta swenta te judioetic te nainemic ta lumetic ta sq'uinal Egipto, ta Migdol, ta Tafnes soc Menfis, soc ta stojol sur:

Isaías 19:13

Te jtsobwanejetic yu'un Zoán, ma sna'ic q'uinal ta jyalel, te jtsobwanejetic yu'un Menfis la yac' sbaic ta lo'layel, te ajwaliletic yu'un sejpelsejp sq'uinal la yiq'uiquix bael ta lotil be te Egipto.

Deuteronomio 33:20

Sc'oplal Gad, jich la yal: —¡Bayal me yutsil sc'oplal Dios te la yac'bey muc' sq'uinal te Gad! Te Gad pacal jichuc me' león-choj, ya me sts'oc loq'uel c'abaletic, soc jololetic.

Ezequiel 30:16

Ya me cac'bey sc'aal te Egipto, te lum Sin ya me smetulay sba yu'un xc'uxul. Ya me yich' jutel te sjoyob ts'ajc'ul te lum Tebas. Te lum Menfis ta mero c'aaleltic me ya yich' aq'uel guerra.

Ezequiel 30:13

“Jo'on Ajwalilon te jich ya cale: Ya me jin te loc'ombaetique, ya me jlajin te lotil diosetic yu'un lum Menfis. Te Egipto ma me ayuquix bi ora ya x'och ajwalil yu'un, ya me jnojes ta buen tulan xiwel te lumq'uinal yu'une.

Jeremías 46:19

Chajbana abaic yu'un te chuquel baele, yajwalex Egipto, melel te Menfis ya xc'atp'uj ta jochol q'uinal, jinem ts'ajq'uetic te ma'yuc mach'a ya xnainix tey ae.

Isaías 8:8

ya xc'ax bael ta stojol Judá, ya xmucot jilel ta ja', ya me xc'ot c'alal ta snuc' te ja'e. Jich me ya xc'ot te bit'il mut te slich'oj te xiq'ue, ya me snojesbat spisil te aq'uinale, ja'at Emanuel —xi'.

2 Reyes 23:33

Te faraón Necao la xchuc ta lum Ribla ta sq'uinal Hamat, swenta yu'un jich ma x'at'ej ta muc' ajwalil ta Jerusalén a. Pasot ta mandal te nación Judá te ya stoj spatan taq'uin te Necao, oxmil soc jo'lajunwinic (3,300) kilo plata, soc oxlajuneb xcha'winic (33) kilo oro.

2 Reyes 18:21

Te ya quile, ja' smuc'ulinej awo'tan te ja' ya awich' awip ta Egipto. Lec ay, pero te Egipto jich c'oem te bit'il c'ajem jalal te wojch'oltique. Teme ay mach'a ya yich' yip a, ya x'och ta sc'ab, asta ya xc'ax ta jejch'. Jich me c'oem te faraón abi, te muc' ajwalil ta Egipto, ta stojol te mach'atic ja' ya smuc'ulin yo'tanique.

Jeremías 48:45

“Ay ma'yuquix yipic ya x'anic bael ta sleel anjibal ta Hesbón; ja'uc me to, te Hesbón, te slumal te namey q'uinal muc' ajwalil Sehón, yaquix ta tilel. Te c'ajq'ue ya spuquix sba, soc ya xc'ajc' te witstiquil yu'un Moab, ja' me te toyba lume.

Oseas 9:6

Ja'ic anic bael yu'un te jinele; ja' ya x'ic'otic yu'un Egipto, ta lum Menfis ya me yich'ic muquel. Ta bay te yawil plata yu'unique ya me xchicnaj jot'awal-ch'ix, soc ta bay campamento yu'unic ay me ch'ixetic.

Isaías 59:13

Jelawotic soc ma tojuc co'tantic ta stojol Cajwaltic; ma la jc'an jt'untic te Dios cu'untique. La jpastic uts'inwanej soc muquen xchajbanel controinwanej; la jchajbantic aiyej ta swenta slo'layel a te yantique.