Jeremías 2:15 - Bible in Tzeltal de Oxchuc y Tenejapa

¹⁵ ¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Bible in Tzeltal Bachajón

¹⁵ Te chojetic awonic ta scontrahinel, tulan awonic soc la sjinic hilel te sq'uinale; chic'bilic te pueblohetic yu'un, mayuc mach'a ya xnahin tey a.

Jeremías 2:15 Referans Kwoze

Jeremías 4:7

Te león-choj loq'uix tel ta xch'en, te mach'a ya sjin te nacionetic yaquix tel ta beel; loq'uix tel ta slumal, swenta yu'un ya sjinbat te alumale, swenta yu'un jochol ya yijq'uitaybat jilel. Jc'axel ma'yuc stuul ya xjil te lumetic awu'une.

Jeremías 50:17

“Te Israel jich c'oem te bit'il chij te ch'ayeme, te nutsbil ta jyalel yu'un te león-chojetique. Ta sbabial ja' la sti'bey sbaq'uetal c'oem te muc' ajwalil yu'un Asiria; ta patil te muc' ajwalil yu'un Babilonia, ja' la snulbeyix ta c'uxel c'oem te sbaquele.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Isaías 5:29

Te yawique, jich bit'il ya x'awun león-choj, ya xc'ux ye yu'un sc'ajc'al, soc ya stsac ta ora te bila ya stae, ya yich' bael, ma'yuc mach'a ya xju' ya spojbey.

Isaías 1:7

Te alumale jochol taquin q'uinal jilel, yaquix ta tilel ta c'ajq'uel te lumetic awu'unique. Ta mero asit-awelawic te ja'exe ya swe'elinbat acontroic te bitic ats'unojique. Spisil c'atp'ujix jilel ta jochol taquin q'uinal, jich bit'il lum Sodoma te c'alal la yich' jinele.

Sofonías 3:6

Ya yal te Cajwaltique: —Jinojix te nacionetique; la jinbeyix coel te ts'ajq'uetic yu'un. Jochol la quijq'uitayix te calleetic yu'une; ma'yuquix ants-winiquetic ya xc'axic tey a. Jc'axel ma'yuquix bila ay ta lumetic; ma'yuquix, ni jtuluc yajwal.

Sofonías 2:5

¡Ya me awil awocolic ants-winiquetic te talemex ta Creta te nainemex ta sti'il mar! Dios ya yalbeyex ac'oplalic ta scontroinbelex: —Canaán, slumalat filisteoetic, ya me jlajinat soc ma'yuc mach'a ya quijq'uitaybat.

Sofonías 1:18

Ta sc'aalelal yilimba te Cajwaltique, te ants-winiquetic ma xcoltayotic yu'un te plata soc te oro yu'unique. Melel te sc'aal yilimba Cajwaltic ya xlilaj ta c'ajq'uel yu'un spisil te lumq'uinale. Spisilic te mach'atic ayic ta balumilal ajc' nax ya yich'ic jinel ta jyalel.

Nahúm 2:11

¿Banti ay te muc'ul lum te pajal soc xch'en te león-chojetique soc xch'en te alal león-chojetique? Te león-chojetic soc te yalataque jun nax yo'tanic ta neelal; ma'yuc mach'a la xiwtes.

Amós 3:12

Jich ya yal te Cajwaltique: —Jich bit'il jcanan-chij ya spojbey loq'uel ta ye león-choj cheb yacan te xchije, o xejt' xan te xchiquine, jich me ya xcol xan loq'uel te israeletic te nainemic ta Samaria, ja'ic te mach'atic ya xwayic ta t'ujbil wayibaletic te la staic ta Damasco —xi' sc'oplalic.

Amós 3:8

¿Ay bal mach'a ma xnijc' yo'tan yu'un xiwel, teme awun te león-choje? ¿Ay bal mach'a ma xc'opoj ta j'alwanej teme la yal mandal te Cajwaltique?

Amós 3:4

Teme ya x'awun león-choj ta ja'mal, yu'un ay bila la stsaquix abi. Teme x'awet nax te yal león-choj ta nailch'en, yu'un ay bila stsacoj.

Oseas 11:10

Ja'ic me ya st'unic te Cajwaltic, te ya x'awun jichuc león-choj. Tulan me ya x'awun, jich te mach'atic ay yu'une yac me ta nijq'uel ya xtalic ta stojol smalib c'aal.

Oseas 5:14

Jich bit'il león-choj te ya xlumtaywan, jich me ya cac'bey guerra te Efraín soc te Judá. Ya me jtsac, wuyultic me ya xjil cu'un; ya me jtas bael, ma'yuc mach'a ya xcoltayot yu'un.

Ezequiel 5:14

Jo'on me ya jinat, ya me jbusanat ta jinel, ja'at Jerusalén. Ya me cac' pejc'ajanic ta stojol te lumetic ayic ta ajoyobale, swenta yu'un ya yilic te mach'atic ya xc'axique.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Jeremías 34:22

Ya me calbey mandal te ya xcha'sujt'ic tel ta stojol te lum ta yaq'uel guerra. Ya me stsaquic, soc ya me yac'beyic sc'aal. Ta bay yantic lumetic ta sq'uinal Judá, ya me jpas te ya xjojch'aj ta jyalel, ma'yuc yajwal ya xjil. Jo'on Ajwalilon, jich ya cal —xi' te Cajwaltique.

Jeremías 33:10

Te Cajwaltic ya yal: —Te ja'ex ya awalic te jocholix jilel ta jyalel in q'uinal to, te ma'yuc ants-winiquetic ni chambalametic ta ac'opique; te calleetic ta Jerusalén soc te lumetic yu'un Judá te jojch'ajiquix ta jyalele, te ni ma'yuc bi ya x'ain tey a, ni ants-winiquetic, ni chambalametic cuxulic tey ae, te xaexe. Lec ay, ya me awaiy xan stojol

Jeremías 26:9

¿Bi yu'un ya xjelawat ta yalel c'op ta swenta Cajwaltic ta templo? ¿Bi yu'un ya awal te jich me ya xjil te bit'il Silo te lume, soc te ya me yich' jinel soc ma'yuquix yajwal ya xjil, te xaate? —la yutic. Ta spisil lum la stsob sbaic tel ta templo, la sjoytayic te Jeremiase.

Jeremías 25:30

“Ja'at, Jeremías, ala me loq'uel ta jwenta ta spisil in bitic to. Albeya: “Te Cajwaltic tulan ya xc'opoj tel jichuc chawuc c'alal ta toyol, c'alal ta ch'ul awilal ta bay nainem. Ya x'awun, jich bit'il te mach'atic ya steq'uic ts'usub, ta scontroinel te jtsojp chijetic yu'une, soc ta scontroinel spisil mach'atic yajwal te balumilale.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Isaías 24:1

Aiya awaiy stojol, te Cajwaltic jochol me ya yijq'uitay jilel te lumq'uinale, ya me sjin jilel, soc sojc'oltic nax me ya yijq'uitay jilel, soc ya me spuc bael te ants-winiquetique.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Isaías 5:9

Te Cajwaltic te Spisil ya xju' yu'une, yalojbonix ta jamal: —Bayal me naetic ya yich'ic jinel; manchuc teme muc' yutsilalic ta jyalel, xujt' ma'yuc yajwal ya xjil.

Salmos 57:4

Pacalonix ta lum ya caiy, ayonix ta yolil león-chojetic ya caiy, ja' te león-chojetic ya sti'ic ants-winiquetique; te sbaquel yeique pajal soc lanzaetic, pajal soc yat'ejibal t'imalte'etic, te yeique pajal soc ye puñal.

Job 4:10

Manchuc me x'awlajanic ta aw jichuc león-chojetic te mach'atic amen yo'tanique, pero Dios me ya xcomotic ta aw yu'un, ya me xwuybotic te sbaquel yeique.

Jueces 14:5

Ja' yu'un te Sansón soc sme'-stat bajt'ic ta lum Timnat. C'alal c'ot Sansón ta bay ts'usubiletic yu'un te lume, ay león-choj yac ta aw, wil tel ta stojol.

Jeremías 51:38

Spisil te babiloniaetic x'awetic nax me jichuc león-chojetic, x'awlajanic jichuc alal león-chojetic.

Ezequiel 36:3

Ja' yu'un c'opona ta jwenta, jich xawalbey: “Jich ya yal te Cajwaltique: ‘Ta bayuc ac'botex guerra soc la awich'ic jinel. Ta spisil te yantic lumetic la yu'uninex. Ta spisil ants-winiquetic ya slabanex soc ya yilayex.

Zacarías 11:3

Ac'a me awunicuc ta oq'uel te jcanan-chijetic, melel te yutsilal te aquetic jc'axel la yich'ix lajinel. Ya xchicnaj sme'ba aw te león-choj, melel te pimil q'uinal ta Jordán, jc'axel lajemix jilel.

Jeremías 6:8

Tojtesa aba ta lec, Jerusalén. Teme ma jichuc ya apase, ma me lecuc co'tan yu'un, ya me jq'uej jba bael ta atojol. Ya me jc'atp'unat ta jochol taquin q'uinal; ma me ayuc ants-winiquetic ya quijq'uitaybat —xi' te Cajwaltique.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 10:22

“Aiya awaiyic, ay c'op jul tel, mero tulan nax ya xtal soc sc'opic te jpam lum ay ta norte. Ya sc'atp'unic ta jochol taquin q'uinal te sq'uinal Judá, ja' nax ya x'ainic tey a te ja'mal ts'i'etique.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.