Jeremías 2:13 - Bible in Tzeltal de Oxchuc y Tenejapa

¹³ “Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Bible in Tzeltal Bachajón

¹³ Cha'chahp mulil la spas te pueblo cu'une: ha te la yihquitayon, ho'on te cuxul sloq'uib-ha'on, soc la shotic yawil ha' yu'unic, ha yawil ha'etic te lohmenic te ma xhil ha' tey a.

Jeremías 2:13 Referans Kwoze

San Juan 4:14

Yan te mach'a ya yuch' te ja' ya cac' jtuquele, sbajt'el q'uinal ma xtaquej yo'tan yu'un. Melel te ja' ya cac' jtuquele, jich bit'il sloq'uib ja' ya xc'ot ta yo'tan. Ya me xcuxin sbajt'el q'uinal yu'un —xi' te Jesuse.

San Juan 7:37

Ja' bayal sc'oplal yu'unic te slajibal c'aal yu'un te q'uine. Jich ora te tejc'aj jajch'el te Jesuse. Tulan la yal: —Te mach'a ay ta taquinti'ile, ac'a taluc ta jtojol, ac'a yuch' te ja'e.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Apocalipsis 21:6

Soc la yalbon xan: —Ju'ix cu'un. Jo'on Alfaon, jo'on Omegaon. Ayon ta xjajch'ibal soc ayon ta slajibal. Te mach'a taquin yo'tane, smajt'an me ya cac'bey yuch' te sloc'ja' te ya yac' cuxinele.

Salmos 36:9

melel te ja'ate ay ta awenta jichuc sloq'uibja' te cuxlejale. Ta swenta axojobil ya xtojobon.

Apocalipsis 22:1

Te ch'ul abate la yac'bon quil muc'ja' te ya yac' cuxinele. Xlemet nax jich bit'il cristal. Tey loc' tel ta bay smuc'ul nactijib te Diose soc te Alalchije,

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Apocalipsis 22:17

Te Ch'ul Espíritu soc te yinam te Alalchije ya yalic: “La' me”, xiic. Te mach'a ya yaiy stojol, jich ac'a yal uuc: “La' me”, xiuc me uuc. Te mach'a taquin yo'tane, ac'a taluc teme ya sc'an yo'tane. Smajt'an ya x'ac'bot yuch' te ja' te ya yac' cuxinele.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

2 Pedro 2:17

Melel te lotil maestroetique jich c'oemic te bit'il pozo te ma'yuc ya'lel. Soc jich c'oemic te bit'il tocal te ya x'eanot bael yu'un te iq'ue. Chapal sc'oplalic te ya xc'o ainuquic sbajt'el q'uinal ta bay mero ijc' te q'uinale.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Jeremías 1:16

Ja' te castigo ya jticun ta stojol jmulawiletic te la yijq'uitayon ta yo'tanique, te la xchic'beyic pom soc la xch'uunic te lotil diosetic yu'un jyanlumetic te ja'ic nix la spasique.

Eclesiastés 2:26

Melel te Diose, ja' ya yac'bey sp'ijil yo'tan soc sp'ijil sjol soc yutsil q'uinal yaiy te mach'a lec ta site. Pero te mach'a ya sle smule, ya yac'bey c'axuc swocol ta stsobel sc'ulejal, yu'un patil ja' ya yac'bey te mach'a lec ta site. ¡Ja' nix te mero tojol ta jyalel ta pasele, te ja' pajal soc te yacuc jtsactic te iq'ue!

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Isaías 63:8

Ja' la yal: “Ja'ic me lum cu'une, te ma spasic lote”, xi'. Jich yu'un la scoltay

Isaías 5:13

Jich yu'un, te bit'il ma sc'an xyaiyic stojol te lum cu'une, ya me x'ic'otic bael ta mosoil. Ta spisil te lum soc te ajwaliletic yu'un ya me xlajic ta wi'nal soc ta taquinti'il.

Isaías 1:3

Te j'at'el-wacaxe ya sna'bey sba te yajwale, te burro ya sna'bey sba te yawil swe'el yu'un yajwale. Yan te Israel te lum cu'une, ma sna'bonic jba, ni ma'yuc bi ya sna'ic —xi'.

Eclesiastés 2:11

Jajch'on ta stsajtayel quil te bitic jpasoje, soc ta spisil te cat'el ay jwocol ta spasele, c'ot ta co'tan te mero tojol ta jyalel, te ja' pajal soc te yacuc jtsactic te iq'ue, soc te ma'yuc bi ya cu'unintic ta balumilale.

1 Samuel 12:10

Pero la sna'ic te staoj smulic ta stojol Cajwaltic te bit'il la yijq'uitayic, ta scaj xch'uunel sloc'ombail Baal soc sloc'ombail Astarté. La xcha'albeyic xan wocol te yacuc xcoltayotic loq'uel ta sc'ab te scontroique. La yal sbaic ta jamal te ja' xanix stuquel te Cajwaltic te ya xch'uunique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Jeremías 2:26

“Jich bit'il ya xq'uexaw elec' te c'alal ya xchicnaje, jich me ya xjil ta q'uexlal Israel, ja' te lum, te muc' ajwaliletic, te jtsobwanejetic, te sacerdoteetic soc te j'alwanejetique.

Eclesiastés 2:21

Ay mach'a te ya x'at'ej soc sp'ijil yo'tan, soc sp'ijil sjol, soc spisil te bila sna'oj spasele; pero te ja' nax ya yac'bey jilel yu'unin spisil te mach'a ma ba at'ejem ae. Ja' nix mero tojol ta jyalel, soc ma'yuc swentail te la spase.

Eclesiastés 1:14

Ju' cu'un sna'el ta lec spisil bitic ya yich' pasel ta balumilal, mero tojol ta jyalel, ja' pajal soc te ya jc'antic ya jtsactic te iq'ue.

Jueces 10:13

Tojol te jich la jcoltayexe, melel la awijq'uitayon ta awo'tanic ta scaj xch'uunel yantic diosetic, jich yu'un ma ba ya jcoltayexix.

Miqueas 6:3

Jich ya yal te Cajwaltique: —Jac'bon jc'op, lum cu'un. ¿Bila jpasojbat, o bila a te la cuts'inat yu'une?

Miqueas 2:8

La sjac' te Cajwaltique: —Te ja'exe ya atoy abaic ta scontroinel te lum cu'une. Ya apojbeyic sc'u'-spaq'uic te toyol stojol te mach'atic ya sujt'ic tel ta guerra, ya acuyic te colemexix ta ac'opique.

Jeremías 18:14

¿Ay bal baeltic ya xch'ay ta jc'axel te toib ta toyol witstiquil ta Líbano? ¿Ya bal xtaquinaj te siquil ja'etic te ya xco tel ta witstiquile?

Jeremías 5:26

Melel ta bay te lum cu'une, ay tey a te winiquetic te amen yo'tanique, jich ya xmujc'taywanic te bit'il mach'atic ya smil ja'mal mutetique, te ya spasic pejts' swenta yu'un ay mach'atic ya spejts'uyic a.

Eclesiastés 12:8

Jo'on te jp'ijubteswanejone, ya cal xan: “Mero tojol, tojol ta jyalel”, xoon. Ta spisil mero tojol ta jyalel.

San Juan 4:10

Te Jesús la yalbey: —Te lajuc ana' stojol te majt'anil yu'un te Diose, soc te lajuc ana'bey sba te mach'a la sc'anbat ja'e, ja'at la ac'anbon te jichuque. Jich me ya cac'bat te ja' te cuxul stuquele —xi'.

San Juan 4:11

Jich la yal te antse: —Tatic, ma'yuc bila ya aloq'ues tel a te ja'e, soc mero najt' coel te pozoe. ¿Banti ya ata ya awal te ja' te cuxul ya awac'bone?

Deuteronomio 31:16

Te Cajwaltic jich la yalbey te Moisés: —Nopolix ya xlajat. Te lum in to ya me xc'ax bolob ta jc'axel ta swenta te xch'uunel diosetic yu'un te yantic lumq'uinaletic te ya xba yich'e. Jich me ya xch'ayon ta yo'tanic, ya me sjinic te trato jpasoj soque.

Isaías 12:3

Ja' nix jich te ja'exe ya xju' ya xba awuch'ic soc sbujts' awo'tanic te sloq'uibja' yu'un colele.

Jeremías 14:3

Te jc'ulejetic ya spas bael ta mandal te abatetic yu'un ta sliquel ja'. Ya xbajt'ic ta pozo, ja'uc me to, ma'yuquix ja' ya staic tey a, jochol ya sujt' tel soc te sq'uibique. Ay swocolic soc bayal q'uexlal ya yaiyic, ya smuc sjolic yu'un.

Jeremías 19:4

Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

Ezequiel 47:1

Patil te winic la yic'on sujt'el ta yochibal templo. Tey la quil yac ta loq'uel ja' ta ye'tal yochibal yu'un te mero templo, yac ta oquinel bael ta stojol sloq'uib c'aal te banti jilil bael te templo. Te ja'e yac ta oquinel bael ta swa'el yu'un te yochibal templo, ta stojol sur yu'un te scajtijib ta chiq'uel majt'anile.

Zacarías 13:1

“Te c'alal ya sta sc'aalelal ya me yich' jamel sloq'uibja' c'oem, swenta yu'un tey me ya xju' ya spoc a te smulic soc te sbolil yo'tanic te patil alnich'anetic yu'un David soc te mach'atic nainemic ta Jerusalén.

2 Reyes 22:17

Te yajwal lum la xch'ayon ta yo'tanic, och xchic'beyic pom yantic diosetic, la yaq'uic ilinuc co'tan yu'un spisil te bitic la spasique. Ja' yu'un mero til jajch'el slab co'tan ta stojol in q'uinal to, ma ba ya xtup' te slab co'tane’, xoon.

Isaías 1:4

¡Obol abaic ja'ex, lum te jmulawilexe, te nojel mulil ta awo'tanic; sts'umbalex te mach'a amen yat'elique, snich'nabex jmulawil! C'ubul ayexix ta stojol te Cajwaltique, la aq'uej abaic loq'uel ta stojol te Ch'ul Dios yu'un Israel, la awijq'uitayix ta awo'tanic.

Ezequiel 14:5

“Jo'on me ya jtijbey yo'tan ta spisilic te ya spit sbaic ta jtojol ta scaj te loc'ombaetic yu'unique.