Jeremías 2:12 - Bible in Tzeltal de Oxchuc y Tenejapa

¹² Ch'ulchan, xiwan me yu'un, nijc'an me yu'un xc'uxul te xiwele. Jo'on Ajwalilon jich ya cal.

Bible in Tzeltal Bachajón

¹² ¡Xchamuc awo'tan yu'un, ch'ulchan! ¡Nihcan yu'un tulan xiwel! xchi te Jehová.

Jeremías 2:12 Referans Kwoze

Isaías 1:2

Ch'ulchan soc balumilal, aiya awaiyic stojol te bila ya yal te Cajwaltique: —La jmuc'tes te jnich'nab ja' to c'alal la sta yipic; ja'uc me to, caj stoy sbaic ta jtojol.

Miqueas 6:2

Aiya me awaiyic stojol sc'op, ja'ex witstiquil, soc te stulanil yiptajibex te lumq'uinale. Te Cajwaltic ya me yalbey smul te lum yu'une, ya me stij ta c'op te Israele.

Jeremías 22:29

Lumq'uinal, lumq'uinal, ja'at lumq'uinal, aiybeya awaiy sc'op te Cajwaltique.

Jeremías 6:19

Aiya awaiy stojol, balumilal: Ay bi tulan swocolil ya cac'bey tel ta stojol te lume, ja'ix sit swocolil te bila amen la xchajbane; melel ma la spasic te la yich'bonic ta muc' te jc'ope, la yilaybonic te p'ijubtesel cu'une.

Deuteronomio 32:1

“Ch'ulchan, aiya me awaiy, ya me xjajch'on ta c'op yo'tic. Lumq'uinal, maliybon me awaiy te bitic ya cale.

San Mateo 27:45

Ta olil c'aal ijc'ub q'uinal ta spamal te q'uinale, ja' to ta oxeb ora smalel a te c'aale.

Jeremías 4:23

Ac'boton quil te balumilale, jochol taquin q'uinal yilel, jich nax ay; la quil moel te ch'ulchane, ma'yuc luz tey a.

Isaías 29:9

Pasaic bael te ma xtojobexe. Pasaic bael, jich bit'il ma'sit te xujt' ma xyil q'uinale. Pasaic te sts'eunajex jichuc jyacubeletique, manchuc me ma'yuc awuch'oj te tulan uch'balile.

Jeremías 18:13

Jich yu'un te Cajwaltic, ya yal: —Jojc'obeya awaiyic te nacionetique, teme ay bila yaiyojic stojol te pajal soque. Te lum Israel la spas te bila mero ilaybile.