Jeremías 2:11 - Bible in Tzeltal de Oxchuc y Tenejapa

¹¹ te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Bible in Tzeltal Bachajón

¹¹ ¿Ay bal nación te syanijtesej te diosetic yu'un, aunque ma ha'uc diosetic? Pero te pueblo cu'un la sjeltay te yutsilal ta bin jc'axel ma xtuhun.

Jeremías 2:11 Referans Kwoze

Romanos 1:23

Jich la sc'atp'unbeyiquix te yutsilal Dios te ma xlaj stuquele. Spasojic ta sloc'omba ants-winic te ma staleluc cuxule, soc sloc'ombail mutetic soc chambalametic soc chanetic.

Isaías 37:19

soc la xchic'beyic te diosetic yu'unique. Melel nix a ma diosuc te bitic nax pasbil ta te' o ton te spasoj te winiquetique, jich yu'un la sjinic.

Jeremías 16:20

¿Ya bal xju' spas diosetic te winique? Te diosetic ya spase, lotil ta melel —xiic me.

Salmos 106:20

Te Dios jelawen yutsilal la sjelic ta sloc'ombail wacax te ya swe' aquiltique.

Miqueas 4:5

Te yantic lumetic ya xch'uunbeyic sc'op te bitic diosinbil yu'unique; yan te jo'otique ya me jch'uunbeytic sc'op te Cajwaltic te Dios cu'untique.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 2:5

Te Cajwaltic jich ya yalbeyex: —¿Bila ma lecuc la atabonic ta stojol te antiguo ame'-atatique, te q'uejel baex soc te awo'tanique? Ja' baex ta stojol te bitic cuybilic ta Dios te ma'yuc yutsile; jich nix ma'yuc awutsilic c'oex ta loq'uel yu'un.

Salmos 115:4

Te loc'ombaetic te scuyojic ta Dios pasbilic ta oro soc ta plata, ja' te bitic spasoj ta sc'ab te winiquetique:

Salmos 3:3

Ja'uc me to, ja'at Cajwal ja' jmajq'uilat, ya acanantayon. Ja' cutsilalat, ja'at te ya awac'bon xan yip te co'tane.

Deuteronomio 33:29

Bayal me awutsil, ja'at Israel, ¿mach'a pajalat soc? Melel ja' nix te Cajwaltic te scoltayejate, ya scanantayat, ja' ya scoltayat stuquel. Ja' puñal awu'un c'oem soc ja' tsalaw awu'un stuquel. Te acontrotac ya me yac' sbaic ta ac'ab, te ja'ate ya me alajinbey te stoybailique —xi' te Moisese.

1 Pedro 1:18

Yu'un Dios la scoltayex loq'uel tey a ta bay te bila la yac'beyex anopic spasel te me'il-tatiletic awu'unique. Soc ana'ojic stojol ta lec te ma ja'uc tojbil jcoleltic a te bila ya xlaje, jich bit'il te oroe soc te platae.

Gálatas 4:8

Ta namey tel ma la ana'beyic sba te Diose, ja' la awac' abaic ta abatinel yu'un te bitic ay ta balumilal te ma diosuque.

1 Samuel 4:21

Icabod sbiil la yac'bey te alale, melel la yal: “Israel lajix yutsil sc'oplal, melel bajt' ta pojel te scajonil trato yu'un Dios”, xi'. Jich la sta ta alel te scajonil trato yu'un Dios, soc nix te laj te yalib-mamal, soc laj te smamlale.

2 Crónicas 13:9

¿Yu'un bal ma ba la atenic bael te sacerdoteetic yu'un te Cajwaltic, te sts'umbalic Aarón, soc te levitaetique? La aleix atuquelic te sacerdoteetic awu'unic jich bit'il spasoj te mach'atic ma'yuquic ta stojol te Diose. Mach'auc a te ya xtal yac' sbaic ta abatinel yu'un sloc'omba alal toroetic ta swenta jcojt' toro soc juccojt' chijetic, ya xju'ix ya x'och ta sacerdoteil yu'un te diosetic awu'unic ta ac'opic, te ma ja'uc te cuxul Diose.

Jeremías 5:7

Te Cajwaltic jich ya yal: —¿Bit'il ya jpasbat perdón yu'un spisil? Te anich'nabique la yijq'uitayonic, soc ja' ya yalbeyic loq'uel sbiil te ma diosuque. La cac'bey bayal swe'elic; ja'uc me to, ma junaj yo'tanic ta jtojol, soc jun nax la yac' sbaic bael ta spasel mulwej ta sna jmulawil antsetic.

Jeremías 18:13

Jich yu'un te Cajwaltic, ya yal: —Jojc'obeya awaiyic te nacionetique, teme ay bila yaiyojic stojol te pajal soque. Te lum Israel la spas te bila mero ilaybile.

Ezequiel 5:7

“Ja' yu'un jo'on Ajwalilon, jich ya cal: Te ja'exe mero tulan awo'tanic ya awac' abaic, c'axem jichex a te bit'il yantic lumetic te ayic ta ajoyobalique, ma ba la ach'uunbonic spasel te mandaliletic cu'une. Ni ja'uc ju'em awu'unic xch'uunel te mandaliletic yu'unic te lumetic ayic ta ajoyobalique.

Ezequiel 14:5

“Jo'on me ya jtijbey yo'tan ta spisilic te ya spit sbaic ta jtojol ta scaj te loc'ombaetic yu'unique.

Deuteronomio 32:16

La spasbeyic te bila amen ta sit te Diose, la sjachbeyic yilimba, melel la xch'uunic loc'ombaetic ilaybil sba.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

1 Reyes 11:33

Melel te Salomón la yijq'uitayonix ta yo'tan, ochix ta xch'uunel Astarté, antsil-dios yu'un sidonetic; te Quemos, dios yu'un moabetic; soc Milcom te dios yu'un amonetique. Ma lecuc ta jsit te bitic spasoje. Ma ba la yac' c'otuc ta pasel yu'un te mandaliletic cu'un soc te c'op chapal cu'une. Ma jichuc la spas te bit'il la spas te David, ja' te state.

2 Reyes 1:3

Pero te ch'ul abat yu'un Cajwaltic jich la yalbey te Elías te talem ta Tisbe: —Baan, taa te abatetic yu'un muc' ajwalil yu'un Samaria. Jojc'obeya teme yu'un ma'yuc Dios ta Israel te ay bi yacalic ta beel ta sjojc'oyel te Baal-zebub te lotil dios yu'un Ecrón.