Jeremías 19:9 - Bible in Tzeltal de Oxchuc y Tenejapa

⁹ Te ants-winiquetic ya me cac'bey sti'ic te yal-snich'anique, queremuc ach'ixuc, soc ya me sti'bey sbaic juju-jtul ta scaj te tulan ayiquix ta tenel ta milel yu'un te scontrotac te c'alal joytaybilix ta jyalel te lume”, uta me.

Bible in Tzeltal Bachajón

⁹ Te ants-winiquetic ya cac' te ya swe'beyic sbaq'uetal te ach'ix-queremetic yu'unique. Jujutuhl ya swe'be sbaq'uetal te yamigo, c'alal joytaybilic soc te ay swocolic yu'un te scontratac te ya xlehbot scuxlejalic yu'unique, xchihat.

Jeremías 19:9 Referans Kwoze

Lamentaciones 4:10

Asta te antsetic lec yo'tanique, ta sc'abic nix la spayic te yalataque; ja' nix te mero yalataquic tuun ta swe'elic, ta scaj te jinot te jlumal Israele.

Levítico 26:29

Jich me ja'ex nix ya ati'ic te aquerem-nich'nabique, soc ya me ati'ic te awantsil-nich'nabique.

Ezequiel 5:10

Ta awolil ay me ya sti' yal-snich'anic te me'il-tatiletique, soc ay me alnich'anetic ya sti'ic te sme'-statique. Ya me cac' c'otuc ta pasel ta atojol te castigo. Te mach'atic cuxulic ya xjile, ya me jpuc bael ta xchanxujc'ul balumilal.

Lamentaciones 2:20

Cajwal, nopa awaiy, melel ma'yuc mach'a apasojbey jich bit'il in to. ¿Lec bal te ya sti' yalatac te me'eletic te ya to xchu'unique? ¿Lec bal te ya yich'ic milel ta ch'ul templo awu'un te sacerdoteetic soc te j'alwanejetique?

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

2 Reyes 25:3

Ta sbalunebal c'aal jajch'el xchanebal u a te ja'wile, toy xan te wi'nal tey ta lum, te ants-winiquetic ma'yuquix bi la swe'ic.

Jeremías 38:9

—Muc' ajwalil cu'un, te bila la spasbeyic Jeremías te winiquetique, milel ta jyalel. La yaq'uic coel ta pozo, tey yac ta lajel ta wi'nal a, melel ma'yuquix we'elil ta spamal lum —xi'.