Jeremías 19:7 - Bible in Tzeltal de Oxchuc y Tenejapa

⁷ Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Bible in Tzeltal Bachajón

⁷ Ta lugar ini ya jimbe te bin schapojic te Judá soc te Jerusalén. Ya cac' te ya xlajic ta espada ta stojol te scontratac, ta stojol te mach'atic ya slehbe scuxlejalic. Te schamen baq'uetalic ya cac' ta ti'beyel yu'un te mutetic ya xwihlic ta toyol soc te chambahlametic ta q'uinal.

Jeremías 19:7 Referans Kwoze

Levítico 26:17

Jo'on me ya jcontroinex, ya me stsalex te acontroique, ya me yabatinex te mach'atic ay slab yo'tan awu'unique, ya me xloq'uex ta anel manchuc ma'yuc mach'a ya snutsex.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 34:20

Jich yu'un, ya me cac' x'och ta sc'abic te scontroic te ya yac' lajel. Te sbaq'uetalic te lajem ya me swe'elinic te jti'awal mutetic soc te yantic jti'awal chambalametique.

Jeremías 15:9

Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

Jeremías 15:2

Teme ya sjojc'obat te banti ya xbajt'ique, albeya te bila ya cale: “Te mach'atic chapal sc'oplal te chamel ya yaiy xlaje, jich nix me ya xlaj abi; te mach'atic chapal sc'oplal ya xlaj ta guerra, jich nix me ya xlaj abi; te mach'atic chapal sc'oplal te wi'nal ya yaiy xlaje, jich nix me ya xlaj abi; te mach'atic chapal sc'oplal ya x'ic'otic bael ta mosoinel, ya nix me xbajt'ic abi”, uta me.

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

Romanos 4:14

Melel te yu'unuc ja'uc nax ta swenta xch'uunel te mandalil te ya yu'uninic te bila yaloj te Diose, jich tojol ya xc'ot te xch'uunjel-o'tanile, soc tey ya xch'ay sc'oplal a te bila yaloj te Diose.

Romanos 3:31

¿Yu'un bal ya jlajinbeytic sc'oplal xch'uunel te mandalil ta swenta xch'uunel te Jesucristoe? Ma jichuc. Ja' c'axem to xan ay sc'oplal ya xc'ot cu'untic te mandalile.

Lamentaciones 3:37

Te c'alal ay bila ya x'alot, c'alal ay bila ya xc'ot ta pasel, yu'un me ja' smandal te Cajwaltique.

Jeremías 46:26

Ya me cac' ta sc'abic te scontrotaque, ja' te Nabucodonosor, muc' ajwalil yu'un Babilonia, soc te swinictaque. Te c'alal ya xc'ax bael c'aal, te Egipto jich nix ya xcha'ainic te bit'il ta neelal. Jo'on Ajwalilon, jich ya cal —xi' te Cajwaltique.

Jeremías 22:25

swenta yu'un ya cac'at ta sc'ab te acontrotac te jmilawaletique, te bayal ya axi'e. Ya cac'at ta sc'ab Nabucodonosor te muc' ajwalil yu'un Babilonia, soc te caldeoetic te ja' nix te swinictaque.

Jeremías 22:19

Jich me ya xba smuquic c'oem te bit'il burro: ya me stasic bael soc ya me xch'ojic ta spat Jerusalén —xi' sc'oplal yu'un.

Jeremías 18:21

Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Isaías 8:10

Manchuc me chapal te ac'opique, ja'uc me to, ya me yich' ch'ayel ta jc'axel; manchuc me ya awal loq'uel te bila ya sc'an awo'tanic, ja'uc me to, ma xc'ot ta pasel awu'unic. Melel te jo'otique sjoinejotic Dios jtuqueltic.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Jeremías 8:8

¿Bit'il ya xju' awu'unic yalel: ‘P'ijotic, melel ay ta jwentatic te mandaliletic yu'un te Cajwaltique’, te xaexe? Te bila ya sts'ibuyic soc te splumae; mero jpaslot; tojol nax ya sts'ibuyic.

Jeremías 8:9

Ja'uc me to, te p'ijic ta sc'opique, peq'uel me ya xjilic. Ya me xnijc' yo'tanic, jichuc chambalametic te ya x'ochic ta pejts'e. ¿Banti ay te sp'ijilic, te bit'il ma la sc'anbonic te jc'ope?

Jeremías 32:28

Jich yu'un ya calbat: Ya me cac' ta sc'ab Nabucodonosor te lume, ja' te muc' ajwalil yu'un Babilonia, soc ta sc'ab te caldeoetique.

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

1 Samuel 17:46

Yo'tic ya me yac'at ta jc'ab te Cajwale. Yo'tic nix ya jmilat, ya jc'ocbat loq'uel ajol. Te sbaq'uetal soldado-filisteoetic ya me cac'bey sti' mutetic te ya xwilic ta toyol soc te chambalametic ta lumq'uinale. Jich me ya xna'ot ta swolol balumilal te ay Dios ta Israel.

2 Reyes 21:14

Te jayeb xan ya xjil te lum cu'une, ya me jpijt'es, ya me cac' ta sc'ab scontro. Ya me x'elc'anbot soc ya me xpojbot sbiluquic yu'un.

Isaías 29:14

Ja' yu'un ay me señailetic soc jchajp at'eliletic, ya me cac' xch'ay jilel q'uinal yaiyic yu'un te lume. Te sp'ijil sc'op te mach'a p'ijique ya me xch'ay ta jc'axel; te sp'ijil sjol te mach'atic ay sp'ijil yo'tanique ya me xch'ay —xi'.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.