Jeremías 19:4 - Bible in Tzeltal de Oxchuc y Tenejapa

⁴ Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

Bible in Tzeltal Bachajón

⁴ como la yihquitayonic soc yan c'oht yu'unic a te lugar ini te bin ut'il la schic'beyic pom yan diosetic te ma ba sna'beyejic sba, ni ha'uc te sme'static o te ajwaliletic yu'un Judá; soc te lugar ini la snojesic ta sch'ich'el te mach'atic mayuc smulique.

Jeremías 19:4 Referans Kwoze

Jeremías 2:34

Te ac'u' boloben ta spisil yu'un xch'ich'el te me'baetic te ma'yuc smulique, ma'yuc bay yac ta spasel mulil la ata.

Isaías 65:11

Yan te ja'ex ya awijq'uitayon ta awo'tan, jo'on te Awajwalone, soc ya xch'ay ta awo'tanic te ch'ul wits cu'une. Ya awac'beyic we'elil soc trago te Gad soc Mení, te diosetic yu'un te c'ulejalile.

2 Reyes 21:16

Te Manasés la sjoin te yajwal Judá ta spasel te muliletic. Soc ay to xan yan a te bitic amen la spasbey ta sit te Cajwaltique: bayal mach'atic tojol la smalbey xch'ich'el. Noj c'oem ta bayal ch'ich' yu'un ta sjunal te Jerusalén.

Deuteronomio 28:20

“Te Cajwaltique ya me yac'bat castigo yu'un, ma me x'ana'ix bila ya apas. Soc ya me xtal tulan wocol ta atojol ta spisil te bila ya apas, soc ma me jaluc c'aal ya slajinat ta jc'axel, ta scaj te la awijq'uitay Cajwaltic ta swenta te amen awat'ele.

Jeremías 7:9

Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Jeremías 2:17

Jich pasbotat yu'un te la awijq'uitayon te jo'one, jo'on Ajwalilon te Dioson awu'une, jo'on la jtojtesat ta be.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Isaías 59:7

Te yacanique ja' ya xtuun yu'unic te ya x'animajic ta spasel a te bila amene; ja' ya x'animajic bael a ta smalbeyel xch'ich'el te mach'a ma'yuc smule. Te bila snopoj ta yo'tanic, ja' te bila ma lecuque; ja' ayic ta beel yu'un te jinwanej soc te ya xch'aywan ta jc'axele.

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Apocalipsis 16:6

Yu'un la smalbeyiquix xch'ich'el te mach'atic ch'ul lum awu'une soc te j'alwanejetic awu'une. Jich la awac'beyix yuch'ic ch'ich'. Jich ya sc'an pasbeyel yu'un te bit'il jich la spasique”, xi'.

San Lucas 11:50

Te mach'atic cuxulic ta q'uinal ta ora to, ya me x'ac'bot stojic te la smalbeyic xch'ich'el spisil te j'alwanejetic te lajic ta milel ta xjajch'ibal to tel balumilal.

Lamentaciones 4:13

Melel ta scaj spisil smul te j'alwanejetic yu'une, soc te bila amen la spasic te sacerdoteetic, te tey nix ta yolilal lum la smalbeyic xch'ich'el te mach'atic ma'yuc smule.

Jeremías 26:23

Ba yiq'uic tel ta Egipto te Urías, la yac'beyic ta sc'ab te muc' ajwalil Joacim, te ja' la yal mandal ta milel. La yac'beyic ochel sbaq'uetal ta bay comon muquenal.

Jeremías 26:15

Ja'uc me to, ta mero melel na'aic me ta lec: Teme ya amilonic te ja'exe, ya me amulinic soc yajwal te lum te ya amilic jtul winic te ma'yuc smule. Ta mero melel ja' la sticunon te Cajwaltic ta yalel ta jamal ta spisil te bitic la cale —xi' te Jeremiase.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Jeremías 16:11

Te ja'ate jich me ya asujt'esbey te sc'opique: “Te Cajwaltic jich ya yal: ‘Ta melel te antiguo ame'-atatic la yijq'uitayon ta yo'tanic. Ja' bajt' ta yo'tanic te lotil diosetic ta xch'uunel soc ta yalel wocol ta stojol. Te jo'one la xch'ayon ta yo'tanic, ma la sc'otesic ta ch'uunel te mandalil la cac'beye.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 5:6

Jich yu'un, ya me xloc' tel león-chojetic ta ja'mal, ya me xmilotic yu'un; te jti'awal ja'mal ts'i'etic ta jochol taquin q'uinal, ya me xti'otic yu'un; te leopardo-chojetic ya me xba milawanuc ta bay nopol te lumetic yu'unique, c'alal ya xloq'uic tel, ora me ya xmilotic yu'un; melel bayal la sle smulic te ants-winiquetique, ma ajtaybiluc te smuquen-mulique.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Deuteronomio 28:64

te Cajwaltic ya me spucat bael ta spisil nacionetic ta spamal balumilal. Tey me ya xc'o ach'uun yantic bitic cuybil ta Dios te pasbilic ta te' soc ta ton, te ni ja'ucat soc ni ja'uc te antiguo ame'-atat la sna'beyic sbae.

Deuteronomio 28:36

“Te Cajwaltic ya me yac'at ta chuquel bael soc te muc' ajwalil awu'un, ta jun nación te ma'yuc x'awile, soc te ni ja'uc xyilic te ame'-atate. Tey me ya sujat ta abatinel yu'un yan diosetic a, te pasbil ta te' soc ta ton.

Deuteronomio 13:13

winiquetic tey a te xc'axintaybeyejic smandal te Diose, soc te ya yac'beyex jowejuc awo'tanic, te ya sujex ta xch'uunel yantic diosetic te ma x'ana'beyic sbae,

Deuteronomio 13:6

“Manchuc me mero abanquil o awijts'in, aquerem-nich'anuc, awantsil-nich'anuc, o awinam te mero c'ux ta awo'tane, o ja' te mach'a mero jun awo'tan aba soc, teme ya sujat bael ta smuquen-ch'uunel yantic diosetique, te ma x'ana'beyic sba soc te ni ja'uquic te ame'-atatic la sna'beyic sba, ma me ja'uc xapasbeyic te bila ya sc'an yo'tanic stuquelique.

2 Reyes 23:10

Te Josías la sjinbey sc'oplal uuc te chic'jibal te ay ta spamlej yu'un Ben-hinom, swenta yu'un jich ma'yuquix mach'atic ya xchic' squerem-nich'an soc yantsil-nich'an swenta milbil smajt'an a te Moloc.

Jeremías 1:16

Ja' te castigo ya jticun ta stojol jmulawiletic te la yijq'uitayon ta yo'tanique, te la xchic'beyic pom soc la xch'uunic te lotil diosetic yu'un jyanlumetic te ja'ic nix la spasique.

Jeremías 7:6

teme ma ba ya atojol-uts'inic te jyanlumetic, te me'ba alaletique, soc te me'ba antsetique, teme ma xamilic te mach'a ma'yuc smul li' ta bay q'uinal to, teme ma xach'uunic yantic loc'ombaetic, te ja'ex nix te tey ya aboltes abaic a,

Jeremías 17:20

Albeya te ants-winiquetique: “Muc' ajwaliletic soc spisil lum ta Judá soc ta Jerusalén, te ya x'ochex bael tey ta bay ochibaletic, aiybeya awaiyic stojol sc'op te Cajwaltique.

Jeremías 22:3

At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Jeremías 44:3

ta scaj te bila amen la spasique. La yac' ilinucon yu'un te la xch'uunic lotil diosetic soc la yac'beyic pom; te lotil diosetique, ni ja'ic, ni ja'ex, ni te antiguo ame'-atatique, ma'yuc ta awo'tanic ta neelal to.

Ezequiel 7:22

Ya me quijq'uitay jilel te lumq'uinal in to, ya me cac' te ya sboltesbonic te templo cu'un, te ja' te c'ulejalil cu'une. Ya me xtal j'eleq'uetic, ya me sboltesic.

Ezequiel 20:26

Ma'yuc bila la calix ta stojolic, la cac' te ya sta smulic ta yac'beyel smajt'an loc'ombaetic, soc la smilic ta c'ajc' te sba snich'anique. Te bit'il jich la jpase, swenta yu'un la cac' ochuc xiwel ta yo'tanic a, soc swenta yu'un jich ya sna'ic a te jo'on Ajwalilon’, xi' te Cajwaltic”, uta me.

Daniel 11:31

“Te soldadoetic yu'un ya me sboltesbeyic te templo soc te anjibal yu'une, ya me scom ta aq'uel te milbil smajt'an Dios swenta jujun c'aale. Ja' me ya yac' tey a te bila mero ilaybil yu'un te Diose.

Jueces 5:8

“C'alal la stsaic yantic diosetic, ay guerra ta sti'il te lume; pero ma'yuc bay chicnaj smajq'uil sbaq'uetalic soc ni junuc lanza ta yolil te cha'winic ta jmil (40,000) te israeletique.

Salmos 106:38

La smalbeyic xch'ich'el manchuc me ma'yuc falta yu'unic, ja' te xch'ich'elic te squerem-nich'nabic soc te yantsil-nich'nabique; ja' la yac'beyic smajt'anin te diosetic yu'un te lum Canaán. Te lumq'uinal la sboltesic ta xch'ich'elic;

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.