Jeremías 19:14 - Bible in Tzeltal de Oxchuc y Tenejapa

¹⁴ Ta patil sujt' loq'uel ta Tófet te Jeremías, ta bay ticunot tel yu'un Cajwaltic te tal c'opojuc ta swentae. Ba stejc'an sba ta yamac'ul templo, soc la yalbey spisil te lume:

Bible in Tzeltal Bachajón

¹⁴ Hich suht loq'uel ta Tofet te Jeremías ta banti ticonot yu'un Jehová ta yalel sc'op-jalwanej, baht stehc'an sba ta yamaq'uil te sna Jehová soc hich la yalbe spisil te pueblo:

Jeremías 19:14 Referans Kwoze

Jeremías 26:2

jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

2 Crónicas 20:5

Te Josafat la stejc'an sba ta yolil te lum Judá te la stsob sbaic ta templo ta Jerusalén ta stojol te yach'il yamac'ul templo yu'un Cajwaltic,

Hechos 5:20

—Baan tejc'ana abaic ta templo. Albeya yaiyic spisil lum te bit'il ay sc'oplal in yach'il cuxlejal to —xi'.

Jeremías 17:19

Te Cajwaltic la yalbon: —Baan, tejc'ana aba ta sti'il Yochibal Lum, ta bay ya xloq'uic soc te bay ya x'ochic te muc' ajwaliletic yu'un Judá, soc jich nix me ya apas yu'un te yantic ochibaletic yu'un Jerusalén.

Jeremías 25:2

Te j'alwanej Jeremías la sc'asesbey sc'op Cajwaltic spisil te lum Judá soc te yajwal Jerusalén. La yal:

Jeremías 28:5

Te j'alwanej Jeremías la sjac'bey sc'op te j'alwanej Hananías, ta stojol te sacerdoteetic soc spisil te lum te ayic ta templo: