Jeremías 19:11 - Bible in Tzeltal de Oxchuc y Tenejapa

¹¹ soc albeya: “Te Cajwaltic te Spisil ya xju' yu'une jich ya yal: ‘Ya me jwuy in jpam lum to soc te yajwale, jich bit'il mach'a ya swuy sq'uib te pasbil ta ajch'ale, te ma xju'ix ya xcha'pas xane. Te ants-winiquetic ya me smuquic te animaetic ta Tófet, yu'un ma xwejt'ix yawil ta bay ya yich'ic muquele.

Bible in Tzeltal Bachajón

¹¹ soc hich me xawalbe: Hich yaloj te Jehová te scuentahinej spisil: Ya jwuy te nación soc te pueblo ini, hich te bin ut'il mach'a ya swuy q'uib te pasbil ta ahch'al, te ma xhu' ya scha'pas xane. Ya me xmucotic ta Tofet, yu'un mayuc yan lugar banti ya yich'ic muquel.

Jeremías 19:11 Referans Kwoze

Salmos 2:9

Ta swenta te abastón pasbil ta hierro ya me alajinbey yat'elic a te lumetique; ts'ubiltic me ya xjilic ta wuyel awu'un jichuc pac'bil oxom”, xi' me te Diose.

Isaías 30:14

Jich ya xwuy te bit'il pac'bil oxom te ya xlaj ta jc'axel, te ma'yuquix xejt'elel ya xjile ni jtebuc te xejt'elel te ya xtuun ta sloq'uesel ac'al a ta yawil c'ajc', ni jtebuc xejt'elel te ya xtuun ta loq'uesel ja' a ta pozo —xi' te Diose.

Lamentaciones 4:2

Te mach'atic yajwal Sión te ich'bil ta muc', soc te jich yutsilalic te bit'il oro, yo'tic jich c'oemix ta o'tanil te bit'il pac'bil oxometic te pasbil yu'un jpas-oxome.

Apocalipsis 2:27

jich te bit'il yac'ojbon quich' cat'el te Jtate. Ya me xmandalajic soc sbastón-taq'uinic. Ya me swuyic c'oem te lumetique, jich bit'il ya yich' wuyel te oxome.

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Jeremías 19:6

Jich yu'un ya me xc'ot sc'aalelal te ma xju'ix ta alel Tofet, ni Xatal yu'un Ben-hinom; ja'uc me to, Xatal yu'un Milaw xi' me sbiil. Jo'on Ajwalilon, jich ya cal.

Hechos 21:11

Tal yilotic ta banti ayotique. La stsacbey xchujq'uil xch'ujt' te Pabloe, la xchuc ta sc'ab soc ta yacan. Jich la yal: —Jich la yal te Ch'ul Espiritue: “Te yajwal in chujq'uil ch'ujt'ul to, jich me ya xc'o yich' chuquel ta Jerusalén yu'un te judioetique, soc ya me yac'beyic ta sc'ab te jyanlumetique”, xi' te Ch'ul Espiritue —xi' te Agaboe.

Proverbios 6:15

Ja' yu'un, ajc' nax me ya xtal te wocol ta stojole; jich nax te bit'il ya smuts' sba te jsitique, jc'axel me jinem ya xjil, jc'axel ma xju' ta comel.

Jeremías 19:12

Jich me ya jpasbey in lum to soc te yajwale. Jich me ya jpasbey jilel te bit'il Tófet. Jo'on Ajwalilon, jich ya cal.

Jeremías 48:38

Te Cajwaltic jich ya yal: —Spisil te quembil lumetic yu'un Moab soc spisil te calleetic yu'une, ma'yuc yan bi ya x'aiyot stojol tey a, ja' nax oq'uel. Melel la jwuy ta jyalel te Moab, jich bit'il oxom te ma'yuc stuule. Jo'on Ajwalilon, jich ya cal —xi'.

Jeremías 51:63

Ta ora nax te c'alal ya xlaj awo'tan ta yilel te libro, chuca soc jp'ijuc ton, ch'oja ochel ta muc'ul ja' Éufrates.

Jeremías 25:34

Awunanic, jcanan-chijetic, awunanic yu'un xc'uxul; ja'ex te ya xneelajex yu'un te jtsojp chijetic, balana abaic ta lum. Yu'un c'otix yorail te miltombae; te ja'exe jich ya smilex te bit'il jujp'en chijetique.