Jeremías 18:8 - Bible in Tzeltal de Oxchuc y Tenejapa

⁸ teme ya yijq'uitay te bila amene, jich ma ba ya jticunix tel ta stojol te castigo te chapalix cu'une.

Bible in Tzeltal Bachajón

⁸ Pero teme ya suhtes yo'tan yu'un te schopolil, te la jcalbe sc'oblale, ya jsuht jc'op, ma ba ya jpasbe te bin chopol jnopoj te ya jpasbe.

Jeremías 18:8 Referans Kwoze

Ezequiel 18:21

“Teme ya yijq'uitay jilel spisil te mulil yacal ta spasel te mach'a amen yo'tane, teme ja' ya xch'uun spasel ta spisil te bila ya yal te mandaliletic cu'une, teme ja' ya spas te bila yich'oj swentaile, soc te bila stojil ta pasele, ya me xcuxin ta mero melel, ma ba ya xlaj.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Oseas 11:8

“¿Bit'il c'an quijq'uitayat ta co'tan, Efraín? ¿Bit'il c'an ch'ayucat ta co'tan, Israel? ¿Jich bal c'an jinat te bit'il la jin te lum Adma, jich bal ya jpasbat ta atojol te bit'il la jpasbey te lum Zeboim? Bayal ya xc'opoj co'tan awu'un; ta spisil co'tan ya jna'belat yo'bolil aba.

Jeremías 26:3

Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Jueces 2:18

Te juez ya sle jujun buelta te Cajwaltique, ya xcoltayot yu'un te jayeb c'aal cuxule, soc ya xcoltayotic te israeletic ta sc'ab te scontroique. Te Cajwaltic ya sna'bey yo'bolil sbaic c'alal ya yaiybey stojol yajc'anic, yu'un ya xwoclajic bayal yu'un te uts'inele.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Salmos 135:14

Te Cajwaltic stojil ya xchajban te lum yu'un; ya sna'bey yo'bolil sbaic te abatetic yu'une.

Salmos 90:13

Cajwal, sujt'an tel ta jtojoltic. ¿Jayeb xan c'aal ya xjalajat? Na'a yo'bolil jbatic te awabatotique.

2 Crónicas 12:6

Te jtsobwanejetic yu'un Israel soc te muc' ajwalile c'ot ta yo'tanic te bi la yal, jich la spejc'an sbaic: —Melel ni xyal a te Cajwaltique —xiic yu'un.

Deuteronomio 32:36

Te Cajwaltique ya me xloc' ta scoltayel te lum yu'un, teme ya yil te ma'yuc te yipe; te Cajwaltic ya me sna'bey yo'bolil sba te abatetic yu'un, te c'alal ya yil te ma'yuquix jilem mach'atic ay yipic.

Éxodo 32:12

¿Ja' bal ya ac'an te ya xjajch'ic ta labanwanej te egipcioetique? Jich me ya yalic: “Ja' la yic' loq'uel bael te Diose swenta ya xba smil ta witstiquil, yu'un ya stup' ta q'uinal”, te xi' ac'oplal yu'unique. Ma x'ilinat, ma xawalbey stup'el te lum awu'une.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.

Ezequiel 33:13

Teme jo'on ya calbey te ya xcuxin te mach'a lec yo'tan, manchuc me ja' baem ta yo'tan sna'el te bila lec la spas ta neelal toe, puersa me ya xlaj te winique teme la to spas te bila amen ta pasele. Ma'yuc ta wenta ya xc'ot teme ay bila lec la spas ta neelal toe.

Ezequiel 33:11

Melel jo'on te cuxul Ajwalilon, ya cal ta jamal: Ma jc'an te ya xlaj te mach'a amen yo'tane, ja' ya jc'an te ya stojtes te yat'el soc te ya xcuxin xane. Israel, ijq'uitaya te apocol acuxlejal awich'oj ta ora in to. ¿Bi yu'un jiche te ya xlajate?” uta me.

Jeremías 42:10

“Teme jich awo'tanic te li' ya xjilex ta lumq'uinal to, ya me cac' esmajuquex; ma ba ya jinexix, tulan ya jts'unex, ma ba ya jbulex xan. Ya jmel co'tan yu'un te bila amen la jticunbeyex ta atojolique.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Jeremías 26:19

“¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Jeremías 15:6

Ja'at la awijq'uitayon ta awo'tan, sujt'at bael ta apat. Jo'on Ajwalilon, jich ya cal. Jich yu'un lubenonix ta maliybelex; jich la jtoy jc'ab ta swenta cac'belat castigo, soc la jinat.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Ezequiel 33:14

Teme ya cal te ya xlaj jtul te mach'a amen yo'tan, pero teme ya squejch'an spasel te bila amene, teme ja' ya xjajch' spas te bila lec soc te bila stojil ta pasele,

Éxodo 32:14

Te Cajwaltic la sujt'es sc'op, scaj te la yalbey te Moisés te ma xyuts'in te lum yu'une.

Ezequiel 33:12

“Ja'at winic, albeya te alumal: “Teme ya sta smul jtuluc te lequil winique, te yutsil yo'tan ta neelal toe, ma ba ya xcoltayot yu'un. Teme ya yijq'uitay te amen yo'tane, ma ja'uc ya xlaj yu'un te amen ta nameye. Teme la sle smul te mach'a lec ta winiquile, te yutsil yo'tan ta neelal toe, ma ja'uc ya xju' ya x'ac'ot ta cuxinel yu'un.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.