Jeremías 18:23 - Bible in Tzeltal de Oxchuc y Tenejapa

²³ Yan te ja'at Cajwal, ya ana'bey spisil te bila chajbanbil yu'unique, ja' la spasic yu'un te tey ya yac'onic ta lajel a. Ma xapasbey perdón yu'un te sbolilique; ni ma me xach'aybey ta awo'tan te smulique. Pasbeya te ya xyalic ta atojole, ac'beya castigo ta swenta awilimba.

Bible in Tzeltal Bachajón

²³ Pero ha'at, Jehová, yac ana'be spisil te bin chapbil yu'unic yu'un ya smilonic. Ma me xapasbe perdón yu'un te schopolilic, soc ma me xatup'be ta atojol te smulique. ¡Ac'a sc'ohchin yoquic ta atojol, hich me xapasbe ta yorahil awilimba!

Jeremías 18:23 Referans Kwoze

Salmos 35:4

Bajt'uc ta anel yu'un q'uexlal te mach'atic ya sc'an ya smilonique; bajt'uc ta anel yu'un q'uexlal te mach'atic ay bila ya sc'an ya spasbonique.

Isaías 2:9

Peq'uelix yac'oj sbaic ta stojolic, ya squejan sbaic. ¡Ma xapasbey perdón!

Romanos 2:5

Ja'uc me to, c'ax tulan te awo'tane, yu'un ma ba asujt'esej te awo'tane. Jich yac ta toyel xan castigo ta atojol te quechel ya sta sc'aalelal castigoe. Tey ya xchicnaj a te Dios ya yal ta jamal te stojil te chajbanel yu'une.

San Lucas 21:22

Yu'un ja' me yorailix te castigo ta stojolique. Jich me ya xc'ot ta pasel spisil te bila ts'ibubil jilel sc'oplal ta Sjun te Diose.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 15:15

Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Jeremías 11:23

Ma'yuc mach'a ya xcol jilel jtuluc, melel ya me sta sc'aalelal te ya quich'bey ta wenta yat'elic te yajwal Anatot, ya me cac' tel woclajel ta stojolic —xi' te Cajwaltique.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Isaías 10:3

¿Bi ya apasic te c'alal ya x'och ta ich'el ta wenta te awat'elic, c'alal ya awilic c'ubul ayix a te castigoe? ¿Mach'a ya xba ac'anbey xan coltayel? ¿Banti ya awaq'uic jilel te ac'ulejalique?

Salmos 59:5

Jajch'an Cajwal, Diosat te Spisil ya xju' awu'une, Diosat yu'un te Israele. Ac'beya castigo te mach'atic ma ba xch'uunejat; ma me xac'uxtay te mach'atic amen yo'tanic te ya x'ac'awanic ta c'abale.

Salmos 119:126

Cajwal, yorailix te ayuc bila ya apas jtebuc, melel xc'axintayejic te p'ijubtesel awu'une.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 6:21

Jich yu'un te Cajwaltic jich ya yal: —Te lume ya cac'bey sc'ojch'in yacan, soc ya cac' xyalic. Tatiletic soc nich'aniletic, spat-xujq'uic soc te mach'a jun yo'tanic sbaic soque, pajal me ya xlajic —xi' te Cajwaltique.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

Jeremías 26:8

C'alal laj yo'tan ta yalel te bila albil yu'un Cajwaltic, te sacerdoteetic, te j'alwanejetic soc te lum la stsaquic, jich la yalbeyic: —¡Ya me xlajat!

Jeremías 26:11

Jich yu'un te sacerdoteetic soc te j'alwanejetic la yalbeyic te jtsobwanejetic soc spisil te lume: —Ja' in winic to ya me yil swocol ta lajel, melel yac ta scontroinel ta yalbeyel sc'oplal te lume. Ja'ex la awaiyic stojol soc achiquinic —xiic.

Jeremías 37:15

Ja'ic ilin yo'tanic ta stojol Jeremías, soc la yalic mandal ta majel, soc la yaq'uic ta chuquel ta sna Jonatán te cronista, te ja' c'atp'ujem ta chucjibal te snae.

Jeremías 38:4

Jich yu'un, te mach'atic yich'oj yat'elique la yalbeyic te muc' ajwalile: —Ac'a yich' milel te winique, melel ta swenta sc'op ya snijq'uesbey yo'tanic te soldadoetic te ayic to xan ta lum, soc spisil te ants-winiquetique. Te winique ma ja'uc ya slebey yutsilal te lume, ja' ya slebey te bila amene —xiic.

Salmos 56:8

Ajtaybil awu'un te jayeb buelta anemone, ja'at me ya atsobon ta juju-jt'ul te ya'lel jsite. ¿Yu'un bal ma ba ts'ibubil awu'un ta libro?

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Lamentaciones 3:60

Ya awil te bila snopojic ta yac'belic spacol, spisil te bila chapal ta jtojol yu'unique.

Lamentaciones 3:61

Cajwal, aiybeya awaiyic stojol te sbol-c'opic soc spisil te bila xchapojic ta jtojole;