Jeremías 18:21 - Bible in Tzeltal de Oxchuc y Tenejapa

²¹ Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

Bible in Tzeltal Bachajón

²¹ Ha yu'un ac'a ta wi'nal te yal-snich'nabic; ac'a hiluquic ta stojol te espada. Ac'a te mayuc yalatac te yihnamic soc te me'ba' ya xhilic, ac'a yich'ic milel te smamalalic, soc te queremetic yu'unic ac'a lajuquic ta espada ta guerra.

Jeremías 18:21 Referans Kwoze

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Lamentaciones 5:3

Ayotic ta me'ba, ma'yuc jtatic; te jme'tique, jilic ta me'ba ants.

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Jeremías 9:21

“Te lajele och tel ta yutil jnatic, jul ta palacioetic cu'untic; ya smil alaletic ta calleetic soc te queremetic ach'ixetic ta parqueetic.

Deuteronomio 32:25

Te yal-snich'nab ya me xlajic tamilel ta puñalta calleetic; ya me x'u'uninotic yu'un xiwel te nanatique. Ya me xlajic queremetic, ya me xlajic ach'ixetic, ya me xlajic me'el-mamaletic, soc ya me xlajic chu'ul alaletic.

Éxodo 22:24

Ja' yu'un ta swenta yip te quilimba, ya me jmilex ta puñal. Jich nix me ya xjilic ta me'ba ants te awinamic soc ta me'ba alaletic te anich'nabique.

2 Timoteo 4:14

Te Alejandro te jpas-calderae, la yac'bonix bayal jwocol. Ya me x'ac'bot stoj yu'un Cajwaltic te bila la spasbone.

Jeremías 12:3

Yan te ja'at, Cajwal, ya ana'bon jba; ya awilon te ja'ate, soc ya ana'bon te bit'il ayon soc co'tan ta atojol. Ic'a bael te ants-winiquetique, jich bit'il chijetic ta bay miljibal; ac'beya smarcaic ta swenta te bi c'aalil ya xlaje.

2 Crónicas 36:17

Jich yu'un te Cajwaltic la yac' taluc soc soldadoetic te Nabucodonosor, te ajwalil yu'un caldeoetic, tal smilbey ta puñal te yal-snich'anic ta mero templo, ni ma'yuc c'uxtayel yu'un te queremetic, te ach'ixetic, te mamaletic, ni ja'uc te mach'atic ma'yuc bila ya xju' spasique. Spisilic la yac'bey ta sc'abic te Cajwaltique.

1 Samuel 15:33

Pero te Samuel jich la yalbey: —Ta swenta apuñal te ma'yuc jilel yalatac bayal ta jtul antsetique. Yo'tic ja' ni me jich ya xjil te ame'e —xi'. Te Samuel ora nax la sesen te Agag ta stojol Cajwaltic ta Gilgal.

Salmos 63:10

ya me xlajic ta puñal, ya me xwe'elinot yu'un ja'mal ts'i'etic.

Isaías 9:17

Jich yu'un te Cajwaltic ma ba la sna'bey yo'bolil sba te mach'atic ach'ix-queremetique, ni ma'yuc c'uxtayel ta stojol te me'ba alaletic soc te me'ba antsetique. Melel ta spisil te lum ma tojuc yo'tanic ta jyalel; ay mulil ta yo'tanic, spisil ya yalic ixta c'op. Ja'uc me to, ma to xlamaj yilimba a te Cajwaltique; ya to xtoy xan bael sc'oplalic yu'un.

Isaías 13:18

Ta yat'ejibal st'imic ya slimanic ta lum te queremetique. Ma sna'beyic yo'bolil sbaic te mach'atic ayinelic toe, mero ma'yuc xc'uxul yo'tanic ta stojol te alaletique.

Jeremías 14:16

Te lum te ba sc'opone, ya me xlajic ta guerra soc ta wi'nal, soc nix te yinamic, te snich'nabic queremetic soc ach'ixetique. Te sbaq'uetalic te lajeme ya me yich'ic ch'ojel loq'uel ta calleetic ta Jerusalén, ma me ayuc mach'a ya smucbeyic. Ja' me jich ya cac'bey stojic te smulique.

Jeremías 15:7

La jpuc bael te ants-winiquetic jich bit'il taquin ac; la jloq'ues tel ta lumetic te ay ta slumalique. Ma'yuc snich'nab la quijq'uitaybey te lum cu'une, la jlajin ta spisilic. Melel ma la yijq'uitayic te bol cuxlejal yu'unique.

Jeremías 50:30

Jich yu'un te queremetic yu'une ya me xlajic ta calleetic; jich me c'aalil ya xlajic spisil te soldadoetic yu'une. Jo'on Ajwalilon, jich ya cal —xi'.

Lamentaciones 1:15

Te Cajwaltic la sq'uejbon bael ta spisilic te mach'atic tulanic ta scoltaybelone. La sticun tel soldadoetic ta yac'belon guerra ta swenta slajinel te winiquetic cu'un te tulanique. Te Cajwaltic la spech'bon ta teq'uel te ach'ix Judá, jich bit'il ya yich' pits'el ta teq'uel ts'usub ta sloq'uesel te ya'lele.

Ezequiel 16:38

Ya me cac'bat atoj te bila amulineje, ja' te mulweje, soc te milawe. Soc quilimba ya cac'at ta lajel, ta scaj te ma junuc awo'tan la awac' aba ta jtojole.

Ezequiel 22:25

Melel te ajwaliletic yu'un te lumq'uinale, jich c'oemic te bit'il león-chojetic te ya x'awunique, soc te ya stuch' ta ti'el te ti'bal yu'une. Ya sbic' ta sq'uinalic c'oem te ants-winiquetic, soc ya yelc'anbey staq'uinic soc yantic sc'ulejalic. Ya yaq'uic jiluc ta me'ba antsil tsobol antsetic.

Salmos 63:11

Pero te muc' ajwalil bin nax me yo'tan ta stojol Dios ya xc'ot; ya sc'ajintaybeyic yutsil spisilic te mach'atic ya yal sbaic ta jamal ta stojol te Diose. Pero te mach'atic ya spasic lot ya me yich'ic maquel yeic stuquelic.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.