Jeremías 18:19 - Bible in Tzeltal de Oxchuc y Tenejapa

¹⁹ Cajwal, aiybon awaiy jc'op, aiya awaiy stojol te bila ya yalic te jcontrotaque.

Bible in Tzeltal Bachajón

¹⁹ Jehová, a'iybon awa'iy jc'op, a'iybeya awa'iy te bin ya yalic te jcontrataque.

Jeremías 18:19 Referans Kwoze

Nehemías 6:9

Melel yo'tanicuc ya xiwtesotic ta sc'opic. Scuyojic te ya xpejc'aj co'tantique, soc te ma ba ya ju'testic ta pasel te at'ele. Pero te jo'one, mero la cac' xan puersa ta spasel te at'ele.

Miqueas 7:8

Ja'at nación te jcontroate, ma me binuc nax awo'tan yu'un te jwocole. Manchuc me yalon, ya me xjajch'on; manchuc me la sjoytayon te ijc' q'uinal, te Cajwal ja' saquil q'uinal cu'un stuquel.

Jeremías 20:12

Cajwalat te Spisil ya xju' awu'une, ja'at te stojil ya atsajtay o'tanil atuquel, ja'at te ya awilbey c'alal ta yutil yo'tan te winique, ac'bon quil bit'il ya awac'bey castigo te ants-winiquetique. Melel cac'ojbat ta ac'ab te jwocole.

Salmos 109:28

Ma'yuc sc'oplal ta co'tan te ya sbolc'optayonic, ja' nax teme ya awac'bon bendicione. Ac'a me q'uexawuquic, ja'uc me yutsil co'tan ya caiy te awabatone.

Salmos 109:4

Te xc'uxul co'tan ya sujt'esbonic ta guerra; ja'uc me to, ya jc'oponat yu'unic.

2 Reyes 19:16

Aiya awaiy stojol, Cajwal, aiybon awaiy te jc'ope. Wic'a asit, Cajwal, ilawil, aiya awaiy te c'op la sticunbon ta alel Senaquerib. Spisil te c'opetic yu'une, spisil swenta awuts'inel ta c'op ja'at te muc' Diosate.

Jeremías 18:18

Te ants-winiquetic la yal: —Ya jchajbanbeytic sc'oplal ta ch'ayel ta jc'axel te Jeremías. Melel ay sacerdoteetic te ya sp'ijubtesotique, ni ma'yuc falta ta jtojoltic te mach'atic p'ijic te ya yac'botic jna'tic, ni ma spas falta j'alwanejetic te ya sc'asesbotic caiytic te bi ya yal te Diose. Ja' lec ya jlebetic smul, swenta yu'un ya me smilic te Jeremías. Ma me xquich'tic ta muc' te bila ya yale —xiic.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Lamentaciones 3:59

Cajwal, ilawil te tojol uts'inel te ay jwocol yu'une, chajbanawon atuquel.