Jeremías 18:16 - Bible in Tzeltal de Oxchuc y Tenejapa

¹⁶ Jich me sc'atp'unej ta jochol taquin q'uinal te slumale, jchajp nax me yo'tan ya yaiyic yu'un ta spisil ora. Spisil mach'a ya xc'ax tey a, ya nax me sjimulay sjolic yu'un.

Bible in Tzeltal Bachajón

¹⁶ La sutp'inic ta jochol q'uinal te sq'uinalic, te labambil spisil ora. Spisil mach'atic ya xc'axic tey a xcham yo'tanic yu'un, ya sjimulan sjolic yu'un.

Jeremías 18:16 Referans Kwoze

Salmos 22:7

Te mach'atic ya yilon ya slabanonic; ya yixlan yeic soc ya sjimulay sjolic,

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Jeremías 19:8

Ya jc'atp'un ta jochol taquin q'uinal in lum to, jich me ya xc'ot te bila ya yac' xiwele. Spisil mach'atic ya xc'axic tey a, cham nax me ya yaiyic soc ya me xiwic te c'alal ya yilic te jc'axel jinbilix ta jyalele.

San Mateo 27:39

Te mach'atic yacalic ta c'axel tey a, la sjimulay sjolic ta sbolc'optayel:

Miqueas 6:16

Melel ja' at'unoj ta ch'uunel smandal soc ta spasel yat'el te Omri soc te mach'atic ay yu'un Acab, jich yacat ta spasel te bit'il la spasique. Ja' yu'un ya jpasbat ja'at soc te awinictac te ya awich'ic ilayel soc labanel; soc ya me xc'ot ta awenta te labanel yu'un te nacionetique —xi' te Cajwaltique.

Jeremías 50:13

Melel ya x'ilinon ta atojol, jich ma'yuc mach'a ya quijq'uitaybat jilel, jc'axel me ya xc'atp'uj alumal ta jochol taquin q'uinal. Spisil mach'atic ya xc'axic tey a, ya me xiwic yu'un te ya yilic te castigo la yich'e.

Jeremías 49:13

Jo'on Ajwalilon, jo'onix me ya cal ta jamal: Te lum Bosra ya xc'atp'uj ta jochol taquin q'uinal, ya xc'atp'uj ta jinem ts'ajq'uetic. Ja' me ejemplo ya xc'ot te bit'il ay te pejc'anel, pijt'esel, soc te boltesel sc'oplale. Soc xan te yantic lumetique jc'axel me jinbil ya xc'otic sbajt'el q'uinal —xi'.

1 Reyes 9:8

Te templo ya xc'atp'uj ta jinem na, ya me sbusaj sts'ubil. Spisil te mach'a ya xc'ax ta sts'eele, jchajp nax me q'uinal ya yaiy yu'un. Ya me slaban soc ya me sjojc'o bi yu'un te jich la spas te Yajwalic ta stojol te nacione, soc bi yu'un te jich la spasbey te templo.

San Marcos 15:29

Te mach'atic yacalic ta c'axel tey a, la sjimulay sjolic ta slabanel: —¡E, ilawil xcal! Ya awal te ya ajin te templo soc te oxeb nax c'aal ya acha'pas xan ta ac'ope.

Isaías 37:22

Ja' c'opetic la yal Cajwaltic ta swenta te muc' ajwalil yu'un Asiria: “Te lum Sión, jich c'oem bit'il jtul ach'ix te ya stse'luyat, Senaquerib. Te yajwal te Jerusalén ya sjimulay sjolic ta apat ta slabanbelat te c'alal ya xbaatix ae.

Ezequiel 12:19

Albeya te yajwal te lumq'uinal, soc te yajwal Jerusalén, soc ta spisil te israeletique: “Jich ya yalbeyex te Cajwaltique: ‘Ay me awocolic ta xiwel a ya xwe'-uch'ex. Te lumq'uinal ya me yich' jinel, soc jochol me ya xjil ta swenta smuc'ul sc'ajc'al te yajwale.

Ezequiel 6:14

Ya me jtoy jc'ab ta yaq'uel castigo ta stojolic, ya xjajch' ta jochol taquin q'uinal ta sur, ya xc'ot c'alal ta lum Ribla ta stojol norte. Ja' me te slum-sq'uinalic soc spisil te banti nainemic, ya me jc'atp'unbeyic ta jochol taquin q'uinal te mero xiweltic sbae. Ja' me yorail ya sna'onic a te jo'on Ajwalilon te jich ya jpase”, uta me —xi' te Cajwaltique.

Jeremías 9:11

“Te Jerusalén, ya jc'atp'un ta jbus nax tontiquil; xch'en ja'mal ts'i'etic ya xc'ot. Ya jc'atp'un ta jochol taquin q'uinal te lumetic ta sq'uinal Judá; soc ma me ayuc yajwal ya xjil ta jyalel —xi' te Cajwaltique.

Isaías 6:11

La calbey te jo'one: —¿Jayeb me c'aal ya xjalaj, Cajwal? —la cut. La sjac'bon te jc'ope: —Ja' to me te c'alal ya yich'ic jinel te lumetic, te xujt' ma'yuc yajwal ya xjile; ja' to chican ma'yuc jtuluc yajwal ya xjil te nanatic, soc jochol ya xjil te sq'uinalique.

Salmos 44:14

La awaq'uix ta labanwanej ta jtojoltic te mach'atic ma ba xch'uunejate; te c'alal ya x'ilawanic ya sjimulay sjolic.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Deuteronomio 28:59

ja' me stuquel ya sticunbat tel mero muc' soc mero xiweltic sba chamel ta atojol, soc ta stojol uuc te patil alnich'an awu'une, tulan chamel te ma'yuc xpoxile.

Levítico 26:43

Ja' me ya xjil ta libre awu'unic, bayal me yutsil ya x'ain te jayeb c'aal te ya xcux yo'tan awu'unic, te bit'il ma ba ya xnainex tey a. Ya me atojic te amulique, melel la awilaybonic te bitic chapal cu'un soc te mandaliletic te la ac'axintaybonique.

Levítico 26:32

“Ya me jlajinbeyex te alum-aq'uinalic, te acontroic te ya xtalic ta nainel tey a, yan nax q'uinal ya yaiyic yu'un.

Salmos 109:25

Jo'on xjajch'ibalon stse'ejic te ants-winiquetique; te c'alal ya yilonic, ya sjimulay sjolic ta slabanbelonic.

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 44:12

Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Jeremías 48:27

Moab, ¿ma bal lajuc alaban Israel? La awal spisil ora te ma lecuc awo'tan yu'un, jich c'oem ta awo'tan te bit'il j'eleq'ue.

Jeremías 49:17

“Te sjinel Edom, mero muc' me ta jyalel, ya me yac' xiwel. Spisil mach'a ya xc'ax tey a, ya me xiw yu'un te ya yil te castigoe,

Lamentaciones 1:12

Ja'ex te ya xbeenex c'axel ta be, coma abaic ta yilel; ¿Ay bal mach'a pajal la awil soc te xc'uxul ya caiy te bayal ayon ta woclajel? Te Cajwaltic la sticunbon woclajel te c'alal til ta jtojol te yilimbae.

Ezequiel 27:36

Te jchonbajeletic ta yantic lumq'uinale xiwen ya xjilic yu'un te c'alal ya yilate. C'atp'ujatix ta mero xiweltic sba, sbajt'el q'uinal ma xchicnajatix ta balumilal”, uta me —xi' te Cajwaltique.

Ezequiel 36:3

Ja' yu'un c'opona ta jwenta, jich xawalbey: “Jich ya yal te Cajwaltique: ‘Ta bayuc ac'botex guerra soc la awich'ic jinel. Ta spisil te yantic lumetic la yu'uninex. Ta spisil ants-winiquetic ya slabanex soc ya yilayex.

2 Crónicas 29:8

Ja' yu'un ilin Cajwaltic ta stojol Judá soc Jerusalén, la yac' te ya xjajch' xiwel yu'un ta yo'tanic te mach'a la yilique, jich nix te bit'il awilojic ta asitic te ja'exe.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 51:37

Busulbus me ya xjil te jinem ts'ajq'uetique; ja' me sna te ja'mal ts'i'etic ya xc'ot, ma me xju'ix nainel tey a, spisil mach'atic ya yilic, ya me x'ac'botic xiwtesel soc labanel te bit'il yan ta ilele.

Jeremías 51:43

Te lumetic yu'une, c'atp'ujic ta jochol q'uinal xiweltic sba, taquin q'uinal, soc tan a jil. Ma'yuc mach'a ya xnainix, ma'yuc mach'a ya xc'axix tey a.