Jeremías 18:15 - Bible in Tzeltal de Oxchuc y Tenejapa

¹⁵ Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Bible in Tzeltal Bachajón

¹⁵ ¡Pero te pueblo cu'un ch'ayon ta yo'tanic, ya schic'be pom te loc'ombahetic te ma xtuhunique! La sc'ohchin sbahic ta behetic yu'unic, ta namey behetic, st'unojic joybehetic, ma ha'uc chapal behetic.

Jeremías 18:15 Referans Kwoze

Jeremías 6:16

Te Cajwaltic jich ya yalbey te lum yu'une: —Tejc'ana abaic ta bebetic soc ilawilic, jojc'oic te namey biq'uit beetique, ja' te banti lec xan te be; t'unaic bael, tey me ya acux awo'tanic a —xi'. Ja'uc me to jich la yalic: —Ma jc'an jt'untic bael —xiic.

Oseas 11:2

Te bit'il c'ax to xan ay yutsil co'tan la quic' tele, c'ax to xan la sq'uej sba bael ta jtojol. Te lum cu'une la yac'bey milbil majt'anil te lotil diosetic soc la xchic'beyic pom te yajcananique.

Jeremías 2:32

Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Isaías 57:14

Jich yu'un ya me yal te Cajwaltique: —Ya me apamanic jun lequil be. Loq'uesa te bitic smacoje, swenta yu'un ya xc'ax a te lum cu'une —xi' me.

Malaquías 2:8

“Yan te ja'ex sacerdoteetic, la awijq'uitayiquix jilel te lequil be. Ay bila yaquex ta yaq'uel ta nopel te bayal yaliquix yu'une. Jich la ach'ayboniquix sc'oplal te trato cu'un soc Leví.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Jeremías 17:13

Cajwal, ja' smuc'ulat yo'tan te Israel; spisilic te mach'a ya yijq'uitayat ta yo'tanique ya xjilic ta q'uexlal. Spisil te mach'a c'ubul ya yac' sba soc yo'tan ta atojole, ya xch'ay ta jc'axel, jichuc biilil te ts'ibubil ta ts'ubil lum. Ya xch'ay, ta scaj te ya yijq'uitayate, ja'at te sloq'uibja' te siquet nax awa'lel c'oeme.

Jeremías 10:15

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Isaías 41:29

Ma'yuc bi ayic a, ni jtebuc. Ma'yuc bi ya xju' yu'unic spasel; jocholic, yolq'uinal loc'ombaetic.

San Mateo 15:6

ma yejt'aluc ya xc'uxtayix te sme'-state”, te xaexe. Jich ta swenta te costumbre awu'unique ma'yuquix sc'oplal ya xc'ot ta ch'uunel awu'unic a te bila yaloj ta mandal te Diose.

Oseas 2:13

Ya me cac'bey castigo yu'un te jayeb c'aal c'axix te la xchic'bey pom te yajcananique, c'alal la xch'al sba ta ch'ocowiletic soc ualiletic swenta yu'un ya yantay te mach'atic ya xmulanot yu'une, te c'alal la xch'ayon ta yo'tane. Jo'on Ajwalilon, tulan ya cal.

Jeremías 16:19

Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Jeremías 13:25

Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Jeremías 3:21

“Ay c'opetic chican ta witstiquil ta jochol taquin q'uinal: Ja'ic te israeletic, te ya x'oq'uic ta sc'anel te yacuc xna'bot yo'bolil sbaique. Jowejic bael a ta bay toj be, soc la xch'ayon ta yo'tanic, jo'on te Ajwalilon te Dioson yu'unique.

Romanos 14:21

Ja' lec ma x'ati' ti'bal soc ma xawuch' vino soc ma xapas te bila ya xchebaj yo'tan awermano yu'une, te ya xyalesot yu'une, soc te ya xpejc'aj yip yo'tan yu'une.

Jeremías 44:25

Te Cajwaltic te Spisil ya xju' yu'une, te Dios yu'un Israel, ya yal: “Te ja'ex antsetic ya awalic loq'uel ta aweic, soc ya ac'otesic ta pasel. Ja'ex awalojic ta jamal te ya awac'beyic pom soc majt'anil vino te Antsil Ajwalil yu'un Ch'ulchan, te ya ac'otesic ta pasel ta jyalel te bila awalojique. Jichuc, c'otesaic ta pasel te ac'opique, soc pasaic te bila awalojique.

Jeremías 19:5

Ja' nix jich la spasbeyic scajtijib te bay ya xchic' snich'nabic te ya yac'beyic smajt'anin te lotil dios Baal. Ma'yuc bay la calbeyex mandal, soc ni ma'yuc jich tal ta co'tan.

Isaías 62:10

Loc'anic bael ta ochibaletic yu'un te lume, chajbanaic be ta swenta te mach'atic ay cu'une. Lec me x'apamanic bael soc loq'uesaic te tonetique; tejc'anaic señail ta swenta yiq'uel te nacionetique.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

Isaías 3:12

Jtul ch'in querem te ya xmandalaj ta uts'inwanej ta stojol te lum cu'une; te mandalteswanej ta stojolic ay ta sc'abic antsetic. Lum cu'un, te j'ic'wanejetic awu'un ya slo'layex, ya sjowtesex ta be.

Jeremías 2:19

Ja' nix amul atuquel te ya yac'at ta castigo, ta scaj te ma junuc awo'tane. Nopa awaiy soc ya me awilbey sbolil soc xch'aal, ja' te bit'il la awijq'uitayone, soc ma la awich'on ta muc', te jo'on Awajwalon, te Dioson awu'une. Jo'on Ajwalilon te Spisil ya xju' cu'un, jich ya cal.

Isaías 65:7

te bitic amen mulil spasojic soc nix te smulic te sme'-statique. Ja'ic te la xchiq'uic pom ta sba witstiquil, soc la me sbolc'optayonic ta ch'in witsetic. Neel ya calbey te bi yilel te yat'elique, jich me ya cac'bey stoj te bit'il ya sc'ane —xi'. Jich la yal te Cajwaltique.

Jeremías 7:9

Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Jeremías 18:14

¿Ay bal baeltic ya xch'ay ta jc'axel te toib ta toyol witstiquil ta Líbano? ¿Ya bal xtaquinaj te siquil ja'etic te ya xco tel ta witstiquile?

Jeremías 51:18

Ma'yuc sc'oplal stuquel, swenta tse'luyel ayic; ta yorail chajbanel yu'un Cajwaltic ya me sjin.

Ezequiel 21:15

Ya me x'ac'bot bayal xiwelic yu'un, ya me yac' bayal milaw. Ta spisil te nanatic yu'un la caq'uix ochel te jmilawal puñale. Ja' te puñal la yich' juxel ta leque, xlemet me xojobil ya yac' tey a, yich'oj juxel ye yu'un milaw.

Ezequiel 36:15

Ma ba ya caq'uix te ya xchicnaj ta aiyel xan bol c'opetic yu'un te jyanlumetique. Ma ba ya xtalix ixta c'op yu'un te yantic lumetique, melel ma'yuquix bi ora ya alajinbey yal-snich'nabic te lum yu'unique. Jo'on Ajwalilon, te jich caloje’, xi' me”, uta me —xi' te Cajwaltique.

Oseas 2:6

“Jich yu'un ya me jmacbey sbe ta ch'ix soc ya me cac'bey scorralil ta sjoyobal, swenta yu'un ma ba ya sta sbe tey a.

Deuteronomio 32:21

La yac'bonic bolobuc co'tan ta stojolic, ta scaj te la sdiosinic te bila ma diosuque, la yaq'uic ilinucon ta stojolic yu'un te loc'ombaetic yu'unique. Ja' yu'un ya me jachbey yo'tanic ta swenta jyanlumetic, ja' te mach'atic ma lumuque, ya me cac' ilinuc yo'tanic ta swenta jpam lum te ma'yuc bila ya xc'ot ta yo'tanique.

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

Jeremías 1:16

Ja' te castigo ya jticun ta stojol jmulawiletic te la yijq'uitayon ta yo'tanique, te la xchic'beyic pom soc la xch'uunic te lotil diosetic yu'un jyanlumetic te ja'ic nix la spasique.

Jeremías 11:12

Jich yu'un te ants-winiquetic ta Judá soc te mach'atic nainemic ta Jerusalén, ya me xba sc'anbeyic coltayel te lotil diosetic, ja' te ya yac'beyic pom; ja'uc me to, ma xju' ya xcoltayotic yu'un te c'alal ya xjul tel te bila amene.

Jeremías 11:13

Te Judá c'ax bayal diosetic yu'un, jich nix yipal te bit'il lumetique. Te mach'atic yajwal te Jerusalén bayal spasojic scajtijib majt'aniletic swenta yu'un ya yac'bey pom te Baal, jich yipalic te bit'il calleetic yu'un te lume.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.