Jeremías 18:12 - Bible in Tzeltal de Oxchuc y Tenejapa

¹² Ya me yalic ta atojol: “Ma xach'ay c'aal a te ja'ate. Ja' nix lec jich ya x'ainotic te bit'il ya smulan te co'tantique, soc ya jpastic bael soc stulanil co'tantic te bila amene”, xiic me ta atojol —xi'.

Bible in Tzeltal Bachajón

¹² Pero ya me yalic: ¡Tojol! como ya me jt'uncotic bahel te loc'ombahetic cu'uncotic, jujutuhlotcotic ya jpascotic te bin ya snop te chopol co'tancotic, ya me yutic.

Jeremías 18:12 Referans Kwoze

Jeremías 2:25

“Israel, ma me x'alajin awacan soc ma me xawac' xtaquinaj anuc' yu'un snutsel yantic diosetic. Pero ya awal: “Ma'uc. Ma xju' ya sujt'on ta jpat. Mero ya jmulan te yantic diosetic; ya to me jle xan”, xaat.

Deuteronomio 29:19

“Te c'alal ya xlaj awaiyic te bitic jc'axel chapale, teme ay jichex te jc'axel ya scuy sba te mero lec ay stuquele, teme jich ya yale: “Spisil me lec ya xloc' cu'un, manchuc me ja' ya jpas te bila ya sc'an te co'tane”, teme xi' jajch'ele, ja' me ajinjibalic ya xc'otix ta apisilic abi.

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.

Isaías 57:10

Lubat yu'un bayal beel, ma la ana' stojol ta spisil te ma'yuc stuule. Ay ta ac'ab te bila ipajemat a, jich yu'un ma ba lubat.

San Lucas 1:51

Mero muc' te bila spasoj ta swenta te yu'ele: La spuquix bael te mach'atic stoyoj sbaique soc te ay bila snopoj ta yo'tanique.

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

Ezequiel 37:11

Te Cajwaltic jich la yalbon: —Te lum Israel ja' pajal soc te baquetic in to. Melel jich yacalic ta yalel: “Taquejemix te jbaqueltique. Ma'yuquix bila lec ya jmaliytic; ch'ayemotiquix”, xiic.

Jeremías 44:17

Ya nix jpastic bael a te bila jnopojtiquix ta co'tantique. Ya nix cac'beytic pom soc majt'anil vino te Antsil Ajwalil yu'un Ch'ulchan, jich bit'il yacotic ta spasel c'alal ora yo'tic, soc jich bit'il la spasic ta neelal te antiguo jme'-jtatic, te muc' ajwaliletic cu'untic, soc te jtsobwanejetic yu'un te lumetic ta Judá soc ta calleetic ta Jerusalén. Melel ta neelal mero c'ax bayal jwe'eltic, lec ayotic la quiltic soc ma'yuc bay tal woclajel ta jtojoltic.

Jeremías 23:17

Te j'alwanejetic ya yalbey te mach'atic ya yilaybonic te jc'ope: “Spisil lec ya xc'oex ta loq'uel yu'un”, xiic. Soc ya yalbey te mach'atic tulan ya yac' sbaic bael ta q'uejel soc te yo'tanique: “Ma'yuc bila amen ya xtal ta atojolic”, xiic ta yalel —xi' te Cajwaltique.

Jeremías 11:8

Ma ba la yich'bonic ta muc' jc'op, ni ma la xch'uunbonic, tulan la yac' sbaic te bit'il amen te yo'tanique. Ma la sc'an xch'uunbon te mandaliletic calojbeye, jich la cac' taluc castigoetic te yalojbey sc'oplal te tratoe”, uta me —xi'.

2 Reyes 6:33

C'alal jich yacal ta yalbel a te mamaletique, te muc' ajwalil c'ot ta stojol Eliseo. Jich la yal: —Te bit'il ja' nix Cajwaltic te la sticunbotic wocole, ¿bila yan ya jmaliy xan ta stojol jiche? —xi'.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Malaquías 3:14

Te awalojique: “Te abatinel ta stojol Dios ma'yuc swentail. ¿Bila ya xloc' cu'untic a te ya jpastic te bila ya yal ta mandal, soc te ya yich' lapel c'u'il swenta mel-o'tan ta stojol te Cajwaltic te Spisil ya xju' yu'une?

Isaías 65:2

Sjunal c'aal bechel jc'ab ta yiq'uel tel te lum te toybae, te yac ta bael ta sbelal mulile, te yac ta spasel te stoybail yo'tane.

Jeremías 6:17

Te Cajwaltic la spuc j'il-q'uinaletic, soc jich la yalbey te lum yu'une: —Aiya me awaiyic ta lec te c'alal ya xchicnaj ta aiyel señaile —xi'. Ja'uc me to, te lume jich la yal: —Ma jc'antic quich'tic ta muc' —xiic.