Jeremías 17:9 - Bible in Tzeltal de Oxchuc y Tenejapa

⁹ “Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Bible in Tzeltal Bachajón

⁹ Mero jlo'loywanej te o'tanile, c'ax hich a te bin ut'il spisil bintic ay. C'ax chopol, ¿mach'a ya xhu' ya sna'be sba?

Jeremías 17:9 Referans Kwoze

San Mateo 15:19

Melel ta yo'tanic ya xcaj snopic te ants-winiquetic te bila amen ta pasele: Ja' te milawe, soc te mulweje, soc yalel ta mulil, soc elec', soc le-c'op, soc toyba-c'op.

Eclesiastés 9:3

Te bila amen ya xc'ax ta pasel ta balumilale, ja' te pajal quechel ya xc'ot ta swentaic spisilique. Soc yan xan, te bila ya snop ta sjol soc ta yo'tan te ants-winique, nojel ta bila amen; ja' te mulile, ja' u'uninbil yu'un ta sjol te jayeb c'aal cuxule. Te bila mero slajibale, ja' te c'oel ta muquenale.

Proverbios 28:26

Te mach'a ma sna' q'uinal, yich'oj sba ta muc' yu'un te bila snopoj ta yo'tane; yan te mach'a ya x'at'ej soc sp'ijil yo'tan, libre ya xc'ot yu'un stuquel.

Hebreos 3:12

Quermanotac, tsajtaya me abaic, ma me ayuc jtuluquex te ma junuc awo'tanic ta stojol te cuxul Diose, te jich ya awijq'uitayic jilel soc te ma x'ac'an ach'uunique.

Génesis 6:5

La yil te Cajwaltic te bit'il toyix te bila amen ya spasic te mach'atic ayic ta balumilale, soc la yil te bit'il ma lecuc te bitic ya snopilay ta yo'tanic spisil ora.

Génesis 8:21

Te Cajwaltic la yaiybey sbujts' yic' te milbil smajt'ane, jich yu'un la yal ta yo'tan: “Ma'yuc bi ora ya cac'bey xan castigo te balumilal ta scaj te ants-winiquetique, melel ta yalalil to tel mero ma lecuc te bitic ya snopilay ta yo'tanic. Ma ba ya jtup' xan bitic cuxajtic ta q'uinal jich bit'il te la jpasixe.

San Mateo 13:15

Te melel c'ax pimix yo'tanic te alumale. Ma xc'ot ta xchiquinic te c'ope. Smuts'oj sitic, yu'un ma sc'an yilic ta sitic, soc ma sc'an yaiyic stojol c'op ta xchiquinic, soc ma sc'anic te ya xc'ot ta yo'tanique, soc ma sc'an sujt'es yo'tanic ta jtojol, jich ma ba ya staic coltayel cu'un”, xi' te Diose.

Jeremías 16:12

Te ja'exe c'ax to jich apasojic a te bit'il antiguo ame'-atatique; juju-jtul soc stulanil awo'tanic baex tey a ta bay la ac'anique, ni ma ba la ach'uunbonic te jc'ope.

Salmos 51:5

Ta mero melel, amenonix a te c'alal ayinone; ayonix ta mulil a te c'alal ayon to ta xch'ujt' a te jme'e.

San Marcos 2:17

Te c'alal la yaiy stojol te Jesuse, jich caj yalbey yaiyic: —Te mach'atic bujts'an q'uinal ya yaiyique, ma xtuun yu'unic te jpoxtaywaneje. Ja' nax ya xtuun yu'unic jpoxtaywanej te mach'atic ayic ta chamele. Melel ma ja'uc tal quic' te mach'atic tojique, ja' tal quic' te jmulawiletique —xi' te Jesuse.

Romanos 1:21

Jich sna'ojbeyic sba te Diose. Ja'uc me to, ma la sc'an yalbeyic yutsilal te bit'il ja' Dios stuquele soc ma sc'an yalbeyic wocol. Nojelix ta jowil c'op te yo'tanic, soc jc'axel ayic ta ijc' q'uinal.

Romanos 7:11

Melel te mulile la yich' xan yip yu'un te mandalile, la slo'layon. Jich la yac'on ta lajel.

Efesios 4:22

Ijq'uitayaic me te apocol cuxlejalic jich te bit'il ayex ta neelal toe. Melel spisil boloben te apocol cuxlejalique, yu'un c'aemix abaq'uetalic a te mulile.

2 Samuel 11:15

Jich la yalbey bael ta carta: “Ja' me neel xawac' te Urías, te banti mero tulan te guerra. Pijt'esaic jilel stuquel, swenta yu'un ya me x'ejch'entesot, jich me ya xlaj jilel tey a”, xi'.

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

Isaías 1:6

Jajch'em ta awacan c'alal ta ajol, ma'yuc bay xujt'uc lec tey a; ta scojt'ol abaq'uetal ay ta ejch'en, sijt'emiquix, jamajtiquix ta c'a'el. Ma'yuc mach'a xpoxtayej, ni ma'yuc mach'a spotsojbat, ma'yuc mach'a la slamantesbeyex xc'uxul ta aceite.

Isaías 6:10

Tulantesbeya yo'tan te lume; macbeya xchiquinic, soc macbeya sitic, swenta yu'un ma me xyilic, ni ma me xyaiyic stojol c'op, ni ma me xc'ot ta yo'tanic, swenta yu'un ma me sujt'ic xan ta jtojol, jich ma ba ya jlamantesbey xchamelic —xi' te Cajwaltique.

Salmos 64:7

Dios me ya x'ejch'entesotic yu'un ta yat'ejibal st'imalte'; ch'ayal me yo'tanic a ya x'ejch'entesotic.

Jeremías 7:24

Ja'uc me to, ma la xch'uunbonic, ni ma la yich'bonic ta muc'; q'uejel la yac' sbaic ta nitel bael yu'un te stoybail yo'tanique. Sc'oplal te sujt'ic tel ta jtojole; ja'uc me to, ja' la yac'bonic tel te spatique.