Jeremías 17:21 - Bible in Tzeltal de Oxchuc y Tenejapa

²¹ Te Cajwaltic ya yal: ‘Te bi c'aalil yu'un cux-o'tanil ta swenta xc'uxtayel te acuxlejalique, ma x'awich'ic bael ijc'atsiletic, ni ma me xawac' ochel ta bay ochibaletic yu'un Jerusalén.

Bible in Tzeltal Bachajón

²¹ Hich yaloj te Jehová: Tsahtaya abahic ta lec te ma ba yac awich'ic bahel ihcatsil ta sc'ahc'alel cux-o'tan o te yac awotsesic tal ta ochibaletic yu'un Jerusalén.

Jeremías 17:21 Referans Kwoze

Deuteronomio 11:16

Ja' yu'un tsajtaya me abaic, ma me xawac' abaic ta lo'layel, ma me xach'ay ta awo'tanic te Cajwaltic ta scaj yich'el ta muc' yantic bitic cuybilic ta Dios. Ma me xaquejan abaic ta stojolic.

Deuteronomio 4:23

Jich yu'un ya me sc'an te ya atsajtay abaic, ma me xch'ay ta awo'tanic te trato la xchajban ta jtojoltic te Cajwaltic te Dios cu'untique. Ma me xapas awajcanan, soc ma me xapasbeyic sloc'ombail te bitic la scomex ta spasel te Cajwaltic te Dios cu'untique,

Deuteronomio 4:15

“Te bi c'aalil la sc'oponex ta yolil c'ajc' te Cajwaltique, ja' te la sc'oponex ta wits Horeb, ma'yuc bila la awilic chicnaj tey a. Ja' yu'un tsajtaya me abaic, ma me xyalex ta mulil te mero ilaybil sbae.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.

San Lucas 8:18

“Jich yu'un, tey me xawac' awo'tanic a te bila awaiyojic stojole. Melel te mach'a ay bila yich'oje, ya me x'ac'bot xan sjoy. Yan te mach'a ma'yuc bila ay yu'une, ya xpojbot te bila yich'oj jtebuque —xi' te Jesuse.

San Marcos 4:24

Soc jich la yalbey xan: —Tey me xawac' awo'tanic a te bila la awaiyic stojole. Te jich yipal ya ap'ise, jich nix yipal ya sp'isbotat, soc c'axem to xan ya me yesmantesbeyex.

Proverbios 4:23

Ja'uc me tulan sc'oplal ta awo'tan te ya acanantay ta balumilal te ajol soc te awo'tane, melel tey me ya xtal a te acuxlejale.

Josué 23:11

Tsajtayaic me jiche, c'ux me x'awaiy ta awo'tanic te Cajwaltic te Dios cu'untique.

Hechos 20:28

Jich yu'un tsajtaya me abaic ja'ex, soc canantayaic ta stsojbol te chijetic ta banti yac'ojbeyex awat'elic ta scanantayel te Ch'ul Espiritue. Canantayaic te jch'uunjeletic yu'un te Cajwaltic te manbil ta xch'ich'el yu'une.

Isaías 56:2

Bin nax yutsil te mach'a ya xch'uun spasel te mandaliletique, te jun nax yo'tan ya sc'otes ta pasele; te ya yich' ta muc' te bi c'aalil yu'un te cux-o'tanile soc te ma ba ya sboltesbey sc'oplal, ja' te ya scanantay sba te ma spas te bila amene —xi'.

Isaías 58:13

“Ich'a ta muc' te c'aal yu'un cux-o'tanil; ma me xawat'elin te bitic ya sc'an awo'tan a te ch'ul c'aal cu'une. Jichuc me ya xc'ot ta awo'tan te ja' jun c'aal swenta sbujts'-o'tanile; ja' te ch'ul c'aal yu'un Cajwaltic te ya sc'an te ya x'ich'ot ta muq'ue. Ich'a ta muc', ma xawat'elin xchajbanel aiyejetic awu'un a, ni ma me xbajt' ta awo'tan yu'un te bitic ya sc'an awo'tan spasele.

Éxodo 20:8

“Na'a me te bi c'aalil yu'un cux-o'tan, te ja' swenta ch'ultesel ta jtojol te Ajwalilone.