Jeremías 17:16 - Bible in Tzeltal de Oxchuc y Tenejapa

¹⁶ Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Bible in Tzeltal Bachajón

¹⁶ Pero ma ba la jt'unat ta sc'anel te yac awac'ticlambe castigo, soc ana'oj te ma ba jc'anoj te sc'ahc'alel wocol; te bin caloj ta que, ay ta atojol.

Jeremías 17:16 Referans Kwoze

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Hechos 20:20

Xujt' ma la jcom jba ta yalel ta atojolic te bila ya xlecubex yu'une. La jp'ijubtesex ta comon ta bay atsoboj abaic soc uuc ta bay anaic juju-jtul.

Santiago 3:1

Quermanotac, ja' lec te ma ba tsobolex te jp'ijubteswanej ya xc'oexe. Melel ana'ojic stojol te jo'otic te jp'ijubteswanejotique c'axem to xan ya quich'tic ich'el ta c'op yu'un te Diose.

Santiago 1:19

Jich yu'un quermanotac te bayal c'uxex ta co'tane, chapaluquex me ya awaiyic stojol te bila ya yich' alele. Ma me xc'opojex ta ora, soc ma me x'ilinex ta ora.

2 Corintios 2:17

Ja'uc me to, te jo'otique ma jichuc ayotic te bit'il yantic te ya scuyic ta sp'olmalic te sc'op Diose. Te jo'otique ja' ya caltic ta jamal spisil te sc'op Diose. Yu'un ja' ticunbilotic yu'un te Diose, soc ayotic ta abatinel yu'un te Cristoe.

2 Corintios 1:12

Ay bila te ya xjachbotic sbujts' co'tantic, ja' ya yalbotic ta co'tantic te lec cac'oj jbajtic ta melel li' ta balumilal to, c'axem to xan ta atojolic te ja'exe. Ja' in to ma ja'uc nax ta swenta te jp'ijiltique, melel ja' te Diose ta swenta yutsil yo'tan te jich yac'oj cuxinucotique.

Jeremías 20:9

Teme ya cal: “Ma'yuquix ta co'tan te Cajwale, ma ba ya calbeyix sc'oplal”, teme xoone, jich yu'un te ac'op ta yutil co'tan ya xc'atp'uj ta c'ajc'. Jich ya xc'ajc'on ta jc'axel, ya me sol ochel c'alal ta jbaquel. La jnop te c'an jcom jba ta yalel te ac'ope; ja'uc me to, ma ba ju' cu'un.

Jeremías 18:20

¿Ja' bal ya sujt'esbonic ta amen te bila leque? Ja'ic la sjoc'boniquix jmuquenal c'oem. Na'a me te la jc'oponat yu'unique, ja' la jc'oponat yu'un te xc'uxtayelique, la jc'anbat te ya aq'uej bael ta stojolic te awilimbae.

Jeremías 13:17

Teme ma x'awaiybeyic stojole, ya me x'oc'on ta muquen ta scaj te atoybailique; ya me x'oquin te ya'lel jsite, melel ya yiq'uic bael ta mosoil te jtsojp chijetic yu'un te Cajwaltique.

Jeremías 9:1

Te ja'uc sloq'uibja' te jsite, te jichuque, tulan ya x'oquin te ya'lel jsit, ta swenta yoc'tayel c'aal ajc'ubal te animaetic yu'un te jlumale.

Jeremías 12:3

Yan te ja'at, Cajwal, ya ana'bon jba; ya awilon te ja'ate, soc ya ana'bon te bit'il ayon soc co'tan ta atojol. Ic'a bael te ants-winiquetique, jich bit'il chijetic ta bay miljibal; ac'beya smarcaic ta swenta te bi c'aalil ya xlaje.

Amós 5:10

Ya me awil awocolic te ya alab-o'tantayic te mach'a ya xc'opoj yu'un te lequil chajbanel, soc te ya awilayic te testigo te smelelil ya yale.

Jeremías 15:15

Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Jeremías 20:7

Cajwal, ja'at la alo'layon; jich te jo'one la cac' jba ta lo'layel awu'un. Mero c'ax tulanat te ja'ate, jich la atsalon. Ta spisil ora xjajch'ibalon tse'ej; spisilic ya slabanonic.