Jeremías 16:6 - Bible in Tzeltal de Oxchuc y Tenejapa

⁶ Muc'-biq'uitetic ya me xlajic li' ta bay lum to; ma'yuc mach'a ya spasbey smuquenal, ni ma'yuc mach'a ya yoq'uetay, ni ma'yuc mach'a ya yac' ta ilel xc'uxul mel-o'tan ta swentaic te ya yejch'entes sbaic ta sbaq'uetalique, o te ya sjox loq'uel stsotsil sjolic yu'une.

Bible in Tzeltal Bachajón

⁶ Muc' biq'uitetic ya me xlajic ta q'uinal ini. Ma ba ya yich'ic muquel soc ma ba ya x'oq'uetayotic; mayuc mach'a ya yehchentes sbaq'uetal o te ya squits' loq'uel stsotsel sjolic yu'unic.

Jeremías 16:6 Referans Kwoze

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

Jeremías 47:5

Te ants-winiquetic ta Gaza, ya st'axan ta joxel sjolic; te ants-winiquetic ta Ascalón, ya xjilic ta uma'. Te ja'ex slajibalex te antiguo muc'ul najt'il winiquexe, ¿bi ora ya acom abaic ta sbojel abaq'uetalic ta seña te amel-o'tane?

Jeremías 41:5

talic ta Siquem, Silo soc Samaria chanwinic (80) ta jtul winiquetic, te xjoxoj yisimic, soc ch'i'emic sc'u'-spaq'uic soc ejch'enajemic, te ja'ic nix la spasbey sbaique. Yich'ojic tel harina soc pom ta swenta yac'bel smajt'an Cajwaltic ta templo.

Levítico 19:28

“Ma me xawejch'entes abaq'uetalic ta scaj te mach'a ya xlaje. Ma me bila xaloc'tayic ta snujc'ulel abaq'uetalic. Jo'on Ajwalilon.

Jeremías 48:37

Spisil loq'uesbil stsotsil sjolic soc yisimic; spisilic la yejch'entes sc'abic soc slapojic ch'ixal paq'uetic.

Isaías 22:12

Te bi c'aalil ya cale, te Cajwaltic te Spisil ya xju' yu'une, la yiq'uex ta oq'uel soc ta mel-o'tan, te ya ajox loq'uel stsotsil ajolique, soc te ya alapic te ch'ixal paq'uetic.

Apocalipsis 6:15

Te muc' ajwaliletic te ayic ta balumilale soc te mach'atic muc' sc'oplalique soc te jc'ulejetique soc te capitán-soldadoetique soc te mach'atic ay yipique soc te abatetique soc te mach'atic ayic ta libre, la snac' sbaic ta nailch'en soc ta toyol witstiquil.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Jeremías 13:13

Te ja'ate ya me asujt'esbey: “Te Cajwaltic ya yal: ‘Ya me cac' xyacubic spisilic te mach'atic nainemic tey ta lum to: Te muc' ajwaliletic te ya xnajc'ajic ta smuc'ul nactijib David, te sacerdoteetic, soc te j'alwanejetic, soc spisilic te mach'atic nainemic ta Jerusalén.

Jeremías 7:29

Jerusalén, joxa loq'uel te stsotsil ajole, ch'oja bael. C'ajintaya mel-o'tan c'ayoj ta ch'in witsetic ta jochol taquin q'uinal. Melel te Cajwaltic ilinem ta stojol te awinictaque, la spijt'esix soc la xch'ojix bael ta yo'tan.

Isaías 24:2

Pajal me ya xc'ot ta swenta te sacerdote soc te lume, jich ya xc'ot ta swenta te abat soc te yajwale, jich ya xc'ot ta swenta te criada soc te ants te yajwalineje, jich nix ta stojol te mach'a ya yaiy manbajel soc te mach'a ya yaiy chonbajele, jich nix ta stojol te mach'a ay bila ya yac' ta majanel soc te mach'a ya yich' ta majanele, jich nix ta stojol te mach'a ay sbet soc te mach'a ya yac' ta betanele.

Apocalipsis 20:12

Soc la quil spisilic te animaetic te muc' biq'uit tec'ajtic tey a ta stojol te Diose. Te libroetique la yich' jamel, soc ay yan libro te la yich' jamel te ja' te lista yu'un cuxinele. Dios la yalbey yat'elic juju-jtul te animaetique chican te bi yilel te bila spasojique. Ja' chican te bila ts'ibubil ta bay te libroetique.

Amós 6:11

Melel te Cajwaltic ya me yal mandal ta yac'beyel castigo te muc'ul naetic soc te ch'in naetique, spisilic me jinbilic ya xjilic ta jc'axel.

San Mateo 9:23

Te c'alal och Jesús ta sna te jwolwaneje, la yil te ay mach'atic chapalic soc yamayic ta spasel q'uin swenta te ya yich' muquele. Te ants-winiquetique tulan yacalic ta yoq'uetayel.

2 Crónicas 36:17

Jich yu'un te Cajwaltic la yac' taluc soc soldadoetic te Nabucodonosor, te ajwalil yu'un caldeoetic, tal smilbey ta puñal te yal-snich'anic ta mero templo, ni ma'yuc c'uxtayel yu'un te queremetic, te ach'ixetic, te mamaletic, ni ja'uc te mach'atic ma'yuc bila ya xju' spasique. Spisilic la yac'bey ta sc'abic te Cajwaltique.

Levítico 19:27

“Ma me xaset' te stsotsil ajolic ta sti'il achiquinic, soc ma me xaset' te awisimique.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.