Jeremías 16:5 - Bible in Tzeltal de Oxchuc y Tenejapa

⁵ Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

Bible in Tzeltal Bachajón

⁵ Soc hich yaloj te Jehová: Ma me x'ochat ta na ta banti ayic ta mel-o'tan yu'un te mach'a chamene; ma me x'oc'at soc ma me xamuc'ubtesbe q'uinal ya'iyic, como jloq'uesej te lamal q'uinal, te sc'uxul co'tan soc sna'beyel yo'bolil sba te pueblo ini, xchi te Jehová.

Jeremías 16:5 Referans Kwoze

Isaías 27:11

Te sc'ab te' ya yich' c'asel coel te c'alal ya xtaqueje; jich yu'un te antsetic ya stsobic, soc ya spas sc'ajq'uic a. Jich te lum te ma'yuc sp'ijile. Jich yu'un te Mach'a chicnantesot yu'une, ma sna'bey yo'bolil sba yu'un; te Mach'a pasot yu'une ma xc'uxtay.

Deuteronomio 31:17

Pero ya me xtil jajch'el ta stojolic te sc'ajc'al co'tane, jich me ya jch'ayic jilel, jc'axel ma me ayuc sc'oplalic ta co'tan ya xc'otic. Mero bayal me te swocolic soc te bitic ma lecuc ya xc'ot ta stojolic, ja' swentail te jich me ya yalic: “¿Ma bal ja'uc yacotic ta wocol yu'un te ma ba sjoinejotiquix te Dios cu'untique?” xiic me.

Apocalipsis 6:4

Loc' tel yan tsajal caballo. Te mach'a cajal ta spate ac'bot yat'el ta xch'ayel te lamal q'uinal ta balumilale, swenta yu'un jich me talel c'axel ya smil sbaic. Soc ac'bot smuc'ul puñal.

Zacarías 8:10

Melel asta jich ora ma'yuc te stojol yat'el winiquetic, ni chambalametic. Ta scaj te scontro, ma'yuc lamal q'uinal ta stojolic te mach'atic nainemic ta Jerusalén. Jo'on la cac'bey scontroin sbaic ta spisilic.

Salmos 25:6

Cajwal, na'a me te xc'uxul awo'tan soc te t'ujbil yutsil awo'tan te ya awac'botic quiltic spisil ora stuquele.

Jeremías 12:12

Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Jeremías 16:13

Jich yu'un ya jloq'uesex bael li' ta bay lumq'uinal to. Ya xbaex ta banti ni ja'ex ni antiguo ame'-atatic awilojic. Tey me ya awich'ic abatinel c'aal ajc'ubal yu'un te lotil diosetique. Ma ba ya jna'beyex yo'bolil abaic’, xi' te Cajwaltic”, uta me.

Lamentaciones 3:17

C'ubul bajt' ta jtojol te lamal q'uinale, soc ch'ayix bael ta co'tan te sbujts' q'uinale.