Jeremías 16:4 - Bible in Tzeltal de Oxchuc y Tenejapa

⁴ Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Bible in Tzeltal Bachajón

⁴ ya me xchamic yu'un tulan chameletic; mayuc mach'a ya x'oq'uetayotic yu'un soc mayuc mach'a ya xmucotic yu'un; hich ya xhilic te bin ut'il stsa' chambahlam ta sba te lumq'uinale. Ya xlajic ta espada soc ta wi'nal, soc te schamen baq'uetalic ya me xlajic ta ti'el ta mutetic te ya xwihlic ta toyol soc ti'awal chambahlametic ta q'uinal, xchi te Jehová.

Jeremías 16:4 Referans Kwoze

Jeremías 25:33

Te mach'atic ya yac' ta lajel ta bi c'aalil te Cajwaltique, limilic me ta lum ya xjil ta juju-jejch' sti'il te balumilale. Ma me ayuc mach'a ya x'oc' yu'unic, ma'yuc mach'a ya yich'beyic bael sbaq'uetal ta muquel; limil ya xjilic ta lum jichuc stsa' chambalam.

Salmos 83:10

te la yich'ic milel ta Endor, te c'atp'ujic ta c'a'em lum ta q'uinal te sbaq'uetalique.

Jeremías 9:22

Te sbaq'uetalic te ants-winiquetique limilic jilel ta lum, jich bit'il stsa' chambalam ta sba lumq'uinal, jich bit'il tomoltom ya xjil ta spat te jset'-trigoe. Ma'yuc mach'a ya xtal stsobey te sbaq'uetalique”, xiic me ta yalel ta oq'uel. Jich ya yal te Cajwaltique.

Sofonías 1:17

Ya yal te Cajwaltique: —Ya me cac'bey swocol te ants-winiquetique. Jich me ya xbeenic te bit'il ma'sitetic, melel la sle smulic ta jtojol. Bayuc nax ya xmal xch'ich'elic jichuc tan, soc te sbaq'uetalic jich me ya yich' tsobel te bit'il stsa' chambalametic —xi'.

Jeremías 34:20

Jich yu'un, ya me cac' x'och ta sc'abic te scontroic te ya yac' lajel. Te sbaq'uetalic te lajem ya me swe'elinic te jti'awal mutetic soc te yantic jti'awal chambalametique.

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

Isaías 18:6

Spisil ya xpijt'ic jilel ta witstiquil, ja' ya xjil ta swentaic te mutetic te ya stsac sti'ic te chambalametic soc ta swentaic te ja'mal chambalametique. Te mutetic tey ya xc'ax yu'unic a te yorail verano, soc ta spisilic te ja'mal chambalametic tey me ya x'ainic a ta yorail invierno —xi' te Cajwaltique.

Ezequiel 5:12

Ya me xlaj jun ta yoxebal ta c'ajc'al chamel te alumale, soc ya me xchamic ta wi'nal ta yutil alumal. Jun xan ta yoxebal ya me xlajic ta milel yu'un te contro ya xtal ta sjoyobale. Te yan jun xan ta yoxebal jileme, ya me jpuc bael ta xchanxujc'ul balumilal. Te jo'one ya me xboon ta spatic soc jpuñal ta smilel.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 36:30

Lec ay jiche, jo'on te Ajwalilone, ya calbat, Joacim, muc' ajwalilat yu'un Judá, te ja'ate ma me ayuc ats'umbal ya xjil ta smuc'ul nactijib David. Te abaq'uetale pacal ya xjil ta yolq'uinal, ta sq'uixnal c'aal soc ta siquil ajc'ubal.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Isaías 5:25

Ja' swentail te ilin Cajwaltic ta stojol te lum yu'une, soc te la stoy sc'ab ta yac'beyel castigo. Te witstiquile nijq'uic; te mach'atic lajemique ch'ojbilic jilel ta calleetic, jich bit'il c'a'pal. Ja'uc me to, te yilimba Cajwaltic ma to bay lamajem; ya to me yac' sc'ab ta yaq'uel castigo.

Salmos 78:64

Te sacerdoteetique lajic ta puñal, te me'ba antsetic yu'unique ma ba oq'uetayotic yu'unic.

2 Reyes 9:10

Jich nix te Jezabel ya me xti'ot ta ts'i' ta muc'ul spamlej yu'un Jezreel, ma'yuc mach'a ya xmucot yu'un”, xi' te Cajwaltic —xi'. C'alal laj yo'tan ta yalel te j'alwanej yu'un Dios, la sjam te ti'naile, loc' ta anel ta ora.

Jeremías 44:12

Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Deuteronomio 28:26

Te mutetic soc te jti'awal ja'mal chambalametic ya me sti'bat te abaq'uetal te lajeme, ma me ayuc mach'a ya xtijot yu'un.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Lamentaciones 4:9

Ja' lec xan c'otic ta loq'uel stuquelic a te mach'atic lajic ta guerra, ma jichuc te mach'atic yacalic ta lajel ta wi'nale; melel c'unc'un yacalic ta lajel, ta scaj te ma'yuc awalts'unubil ta lumq'uinal.

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Deuteronomio 28:22

Soc ya me sticunbat tel sac obal, tulan c'ajc', sijt'ubel, xc'uxul c'aal, soc ma ba ya yac' taluc ja'al, soc ya me xtal chamel ta stojol atrigo. Spisil chamel te ya xpujc' ta ora ya me yuts'inat asta ya slajinat.

Jeremías 21:6

Ya me jmil spisil yajwal te alumal; winiquetic soc chambalametic ya me xlajic ta chamel te ya xmilawan te xiweltic sbae.