Jeremías 16:19 - Bible in Tzeltal de Oxchuc y Tenejapa

¹⁹ Cajwal, yipat co'tan soc jcanantaywanejat cu'un, ja' anjibalat cu'un ta ora nax yu'un te bila xiweltic sba te ya xtal ta jtojole. Ya me xtal ta atojol te nacionetique, ya xtalic ta sti'il balumilal, jich me ya yalbat: —Ja' nax lotil diosetic te la yu'uninic te jme'-jtatique te ma'yuc yutsil soc ni ma'yuc yu'el.

Bible in Tzeltal Bachajón

¹⁹ Jehová, ha'at quipat soc toyol ts'ahcat cu'un, soc j'ahnibalat cu'un ta yorahil wocol, ya me xtal ta atojol te nacionetic c'alal ta sti'il bahlumilal, hich me ya yalic: Ha nax lotil te a'bot yich'ic te jme'jtatic, ha te bin ma xtuhun, te mayuc bin la stahic a.

Jeremías 16:19 Referans Kwoze

Isaías 25:4

Melel ja' anjibalat yu'un te me'bae, ja' ya xc'opojat yu'un te bitic ya xtuun yu'unic te mach'atic ayic ta wocole, anjibalat yu'un, ta bay tulan yic'al ja'al, axinalat yu'un te toyol sq'uixnal c'aale. Te bitic ya spas te winiquetic te c'ax amen yo'tanique, jich c'oem te bit'il tulan ic' ta yorail invierno,

Nahúm 1:7

Te Cajwaltic lec yo'tan; anjibal me c'oem ta yorail woclajel. Ya scanantay te mach'atic ja' ya smuc'ulin yo'tanique.

Jeremías 17:17

Ma me x'ac'atp'un aba ta jxiwteswanej ta jtojol, melel ja'at anjibalat cu'un c'alal ya xtal te bila amene.

1 Pedro 1:18

Yu'un Dios la scoltayex loq'uel tey a ta bay te bila la yac'beyex anopic spasel te me'il-tatiletic awu'unique. Soc ana'ojic stojol ta lec te ma ja'uc tojbil jcoleltic a te bila ya xlaje, jich bit'il te oroe soc te platae.

Jeremías 10:5

Te yajcananic pajal soc xutax yilel te ay ta bay ts'unajtic te melonetique; ma xju' xc'opojic, soc ya sq'uechic ta beel, melel ma xbeenic. Ma me xiwex yu'un, ni ma'yuc bila amen soc ni ma'yuc bila lec ya spas —xi' te Cajwaltique.

Jeremías 2:11

te ayuc jun nación te xch'uunej loc'ombaetic te la sjeliquix te yajcananique. Ja'uc me to puro lotil diosetic. Melel te lum cu'une la yijq'uitayon ta yo'tanic te jo'on yutsilalonique; ja' bajt'ix yo'tanic ta xch'uunel te loc'ombaetic te ma xtuun ta jyalele.

Isaías 44:10

Te mach'a ya xchajban yajcanan te ya xch'uune, te jich c'oem ta yo'tan te bit'il dios yu'une, tojol ya xch'ay c'aal a.

Salmos 86:9

Cajwal, ja'at la apas spisil te nacionetic; ya me xtalic ta atojol swenta yu'un ya xch'uunat soc swenta yu'un ya yalbat yutsil ac'oplal.

Malaquías 1:11

Ta spisil nacionetic ta balumilal ay mach'atic te yich'ojonic ta muq'ue; ta bayuc ta spisil ya xchiq'uic pom ta swenta quich'jibal ta muc', soc ya yac'bonic majt'aniletic te lequique.

Zacarías 2:11

Te c'alal jich ya xc'ot ta pasele, bayal me nacionetic jun nax ya xc'otic soc te Cajwaltique. Jich me ya yal te Cajwaltic: —Te nacionetic ja' nix lum cu'un, jo'on me ya xnainon ta yolilic —xi' me. Jich me ya ana'ic a te ja' la sticunon tel te Cajwaltic te Spisil ya xju' yu'une.

Habacuc 3:19

Melel te Cajwale ya yac'bon quip; ya yac'bon yip te cacane, jich bit'il ya x'animaj chij. Jich ya yic'on bael ta toyol q'uinal ta bay ya xcolone —xi' te Habacuc.

Ezequiel 11:16

Ja' yu'un jich me xawalbey yaiyic: “Te Cajwaltic jich la yal: ‘Jo'on la cac'bey yijq'uitay slumalic, la jpuc bael ta yantic nacionetic, la jpuc ta yolil yantic lumetic, pero ma ba mero bayal c'aal baemic cu'un. Yo'tic jo'on ni me ch'ul temploon yu'unic tey a ta banti lumq'uinal baemic cu'une’, xi' te Cajwaltic”, uta me.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Salmos 62:2

Ja' nax stuquel ya scoltayon soc ya scanantayon. Ma'yuc bi ora ya xyalon, melel ja' anjibal cu'un stuquel.

Apocalipsis 11:15

Te sjuquebal ch'ul abat la yoq'uesin te oq'uese. Ay mach'atic tulan c'opojic ta ch'ulchan la caiy te jich la yalique: “Spisil te muc' ajwaliletic ta balumilal soc te bila ay ta swentaique, ayix ta swenta stuquel te Cajwaltique soc te Cristo yu'une. Ja' me ay ta ajwalinel sbajt'el q'uinal stuquel”, xiic la caiy.

Jeremías 3:23

Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.

Isaías 62:2

Ya me yilic te nacionetic te bit'il colemate; spisilic te muc' ajwaliletic ya me yilic te awutsilale. Jich yu'un ay me yach'il abiil, ja' nix ya yac'bat stuquel te Cajwaltique.

Isaías 32:2

Ta juju-jtulic jich bit'il anjibal ya xc'ot yu'un te tulan iq'ue soc te tulan yic'al ja'ale. Jich me c'oemic te bit'il pasbil beja' ta taquin q'uinale, jich bit'il yaxinal muc'ul ton ta jochol taquin q'uinal.

Proverbios 18:10

Muc' sc'oplal te Cajwaltic, jich te bit'il toyol ts'ajc'; te mach'atic toj yo'tanic ya me xbajt'ic ta stojol ta sleel canantayel.

Salmos 68:31

Ta Egipto ya xtal abatetic yu'un ajwalil; te etiope-winiquetic ya me stoy sc'abic ta stojol Dios.

Salmos 62:7

Ta stojol Dios ya xtal jcolel soc te yutsil jc'oplale; ja' jcanantaywanej cu'un stuquel, soc ja' anjibal cu'un.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

Salmos 46:1

Te Diose ja' anjibal cu'untic, ja' ya yac' quiptic stuquel; ja' ya scoltayotic te bi ora ay jwocoltique.

Salmos 27:5

Te c'alal ya xc'ot yorail woclajel, te Cajwal ya yaxinteson ta yu'el ta templo; ta mero yaxinal ya scanantayon. Ya me yac'on ta sba te muc'ul tontiquil wits te ya scoltayone.

Salmos 19:14

Cajwal, lecuc me ya awilon yu'un te jc'op soc te bitic ay ta co'tane, ja'at jcanantaywanejat soc jcoltaywanejat cu'un.

Romanos 1:25

La sc'atp'unic te smelelil c'op yu'un te Diose; ja' la xch'uunic te lotil c'ope. Jich la yich'ic ta muc' soc la slajin sbaic ta stojol te bila pasbil yu'un te Diose. Ma ja'uc la slajin sbaic ta stojol te mach'a Jpaswaneje, te ja' ay ta ich'el ta muc' sbajt'el q'uinale. Jichuc.

1 Reyes 20:23

Te capitanetic yu'un soldadoetic yu'un te muc' ajwalil ta Siria, jich la yalbey te muc' ajwalil yu'unique: —Te diosetic yu'unic te israeletic, puro diosetic yu'un witstiquil, ja' yu'un la stsalotic. Pero teme ya jtsac jbajtic soc ta spamlej, seguro ya jtsaltic.

Isaías 44:20

Te mach'atic jich ya spasique, ta mero melel jich c'oem te bit'il yacalic ta slo'el c'ajc'al tane; melel ya yac' sbaic ta lo'layel yu'un te lotil nopjibaletique. Te mach'atic jich ya spasique, ma xju' ya scoltay sbaic. Mero ma'yuc sp'ijilic ta sna'el stojol te bitic ay ta sc'abic te puro lote.

Isaías 45:14

Te Cajwaltic ya yalbey te Israel: —Te mach'atic ya x'at'ejic ta q'uinal ta Egipto, te mach'atic jchonbajeletic ta Etiopía, soc te yajwal Sabá, te toyolic ta jyalele, ya me xtal yac' sbaic ta atojol. Abatetic me ya xc'ot awu'un; ayic me ta cadena ya st'unat bael. Ya me squejan sbaic soc ya me yalic wocol ta atojol: “Ta smelelil ay me ta awolilic te Diose, soc ma'yuc tsobol te Diose, ma'yuc yan”, xiic me ta yalel —xi' te Cajwaltique.

Jeremías 2:8

Te sacerdoteetic ma la sleonic, te jp'ijubteswanejetic yu'un te lum cu'une, ma la yich'onic ta muc', te jtsobwanejetic la stoy sbaic ta jtojol, te j'alwanejetic ja' c'opojic ta swenta Baal soc bajt'ic ta stojol te loc'ombaetic te ma xtuunic ta jyalele.

Jeremías 4:2

jich me ya xju' te ya atabon ta alel jbiil ta smelelil, ta stojil soc ta swenta bitic lequic ta pasele. Ta swenta jbiil ya me xc'ot bendición ta stojol te nacionetic, soc ya me yalbonic lec jc'oplal —xi' te Cajwaltique.

Jeremías 12:16

Ta smelelil la sp'ijubtesic te lum cu'un ta yalel sbiil te Baal. Pero ta ora yo'tic ya xju' xnajc'ajic ta yolil te lum cu'une, teme ya xch'uun yo'tanic ta melel te bi xch'uunejic te lum cu'une, soc teme ya stabonic ta alel te jbiile: “Cuxul te Cajwaltic”, teme xiique.

Jeremías 33:9

Te Jerusalén ya me yac'bon yutsil co'tan, ya me yac'on ta ich'el ta muc' soc cutsilal, ta stojol spisil nacionetic ta balumilal. C'alal ya yaiyic stojol ta alel spisil yutsilal te ya cac'bey tel yajwal Jerusalén, soc spisil te ya cac' esmajuque, ya me xnijc' yo'tanic yu'un xiwel —xi'.

Joel 3:16

Te Cajwaltic ya yac' ta aiyel sc'op, jich me sc'op te bit'il ya xt'om chawuc. Ya me xc'opoj tel c'alal ta wits Sión, ta Jerusalén; ya me stij sba te ch'ulchan soc ya me stij sba te lumq'uinale. Pero te Cajwaltic ja' me anjibal jcoltaywanej yu'un israeletic, melel ja'ic te lum yu'un stuquele.

Amós 2:4

Jich ya yal xan te Cajwaltique: —Te mach'a ayic ta Judá bayal buelta spasojic te bila amene. Ma me jichuc nax ya xjil, ya me cac'bey castigo yu'un. Melel ma la sc'an yo'tanic te p'ijubtesel yu'un Cajwaltic, soc ma la xch'uunbeyic te mandaliletic yu'une. Ja' la xch'uunic te yajcananic te la xch'uunic te sme'-statique.

Salmos 18:3

Te ja'at Cajwal, ya sc'an alel yutsil ac'oplal; melel te c'alal ya jc'oponate ya acoltayon ta sc'ab te jcontrotaque.

Salmos 65:3

Te muliletic ya x'u'uninwan, pero ja'at ya apas perdón yu'un te mulile.

Jeremías 10:3

Te bila xch'uunej te lumetic ma'yuc yutsil ta jyalel. Ya sts'etic te' ta ja'mal, te mach'a ya sna'e, ya spas ta cincel,

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?