Jeremías 16:18 - Bible in Tzeltal de Oxchuc y Tenejapa

¹⁸ Sbabial ya cac'bey stojic cheb buelta te bila amen soc te smulique, melel la sboltesbonic sc'oplal te lumq'uinal ta scaj te yajcananic te ma cuxuluc soc te ilaybilique; soc ta spamal te lumq'uinal te la cac'bey yu'unin, la spasic te bitic ya quilaye —xi' te Cajwaltique.

Bible in Tzeltal Bachajón

¹⁸ Nahil ya ca'be stojic cheb buelta yu'un te schopolilic soc te smulique, como la sbohlobtesbonic sc'oblal te jq'uinal ta scuenta te pujajtic sloc'ombahic te ihlaybilic, soc la snojesic te jq'uinal ta bintic ilobtic sba yu'unic, xchi te Jehová.

Jeremías 16:18 Referans Kwoze

Isaías 40:2

c'oponaic soc yutsil awo'tanic te mach'atic ac'bot yijq'uitayic te Jerusalén, soc albeya yaiyic: te mosoinel ta stojole, lajix sc'oplal, la stojix te faltaetic yu'une. La cac'beyix castigo ta jc'ab, ja' te buen tulan castigo la yich' yu'un spisil te smulique —xi'.

Apocalipsis 18:6

Jich ac'a yich' ac'bel spacol te bila la yac'beyix te yantique. Ac'a stoj cheb buelta te bila spasoje. Cheb buelta ac'a esmajuc yip swocol te ya yich'e jich te bit'il la yac'bey yich' swocol te yantique.

Ezequiel 11:21

Pero te mach'atic ja' st'unojic ta pasel te bitic xiweltic sba soc ilaybil sbae, ya me quich'bey ta wenta yu'un te yat'ele. Jo'on Ajwalilon te jich caloje —xi'.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Jeremías 2:7

Jo'on la quiq'uex tel li' ta lequil q'uinal to, swenta yu'un ya alo'beyic sit te awalts'unubil soc te mero lec te bila ya yac' tey a. Ja'uc me to, ja' tal aboltesbonic sc'oplal te lumq'uinal te ja'exe, la awac'bonic woclajuc co'tan yu'un yilayel te lumq'uinal cu'une.

Ezequiel 11:18

Ya me xcha'sujt'ic xan tel ta slum-sq'uinalic, ya me xc'o slajinic te bitic xiweltic sba soc te mero ilaybil sba ay ta pasel yu'unique.

Jeremías 3:9

Ma'yuc swocolil ta pasel la yaiy te la sboltes a te lumq'uinale. Mero ma junuc yo'tan ta jyalel, ba xch'uun te tonetic soc te te'etique.

Isaías 61:7

Melel te lum cu'une c'axemix te swocole; tulan c'ot ta scaj te ma'yuc ta ich'el ta muc', soc te ay ta ixtac'optayele. Ja' swentail te ya yich' ta bay slumal bayal te c'ulejalile, bin nax me yo'tan ya yaiybey yutsilal sbajt'el q'uinal.

Miqueas 2:10

Jajch'anic me, beenanic xan, melel in q'uinal to ma swentauc cux-o'tanil; yu'un c'ax bolobenix, jc'axel ts'ilajem ta jyalel.

Isaías 24:5

Te balumilal boloben yu'un te mach'atic nainemic tey a, melel la yijq'uitayic ta pasel te mandaliletic, la xc'axintay ta spisilic, la xch'ayic ta ch'uunel te trato te ay ta sbajt'el q'uinale.

Salmos 106:38

La smalbeyic xch'ich'el manchuc me ma'yuc falta yu'unic, ja' te xch'ich'elic te squerem-nich'nabic soc te yantsil-nich'nabique; ja' la yac'beyic smajt'anin te diosetic yu'un te lum Canaán. Te lumq'uinal la sboltesic ta xch'ich'elic;

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Isaías 65:6

Ja'uc me to, ta spisil ts'ibubil ta jtojol; ja' yu'un ma me jichuc nax jpetoj jc'ab ya xjilon, ya me cac'bey stoj te bit'il nix ya sc'ane,

Jeremías 7:30

Te Cajwaltic jich ya yal: —Te ants-winiquetic ta Judá, ay bila spasojic te ma lecuc co'tan yu'une: Te templo yac'ojbon ta jwenta la yaq'uix yajcananic tey a te ilaybil cu'une, la sboltesbeyic sc'oplal.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Ezequiel 5:11

Jo'on Ajwalilon te jich ya cal ta jamal swenta bit'il cuxulon, melel la aboltesbonic te ch'ul templo cu'une, ta scaj te loc'ombaetic soc ilaybil sba te awat'elique. Ja' yu'un ya me jlajinex, ma me ba ya jna'beyex yo'bolil abaic.

Oseas 9:7

C'otix yorail te castigoe; c'otix yorail te ya x'ac'bot stoj te smulique. Israel ya me sna' te c'otix yorail castigo. Ya awalic ja'ex: —Te j'alwanej ma sna' q'uinal. Te winic te c'opoj ta yo'tan te Diose, soquem sjol —xaex me. Jich ya awalic, yu'un te nojel mulil ta awo'tanique, melel te slab awo'tanique c'ax muc' ta jyalel.

Isaías 65:7

te bitic amen mulil spasojic soc nix te smulic te sme'-statique. Ja'ic te la xchiq'uic pom ta sba witstiquil, soc la me sbolc'optayonic ta ch'in witsetic. Neel ya calbey te bi yilel te yat'elique, jich me ya cac'bey stoj te bit'il ya sc'ane —xi'. Jich la yal te Cajwaltique.

Ezequiel 36:18

Jich me la jt'omes bael ta stojolic quilimba, ta scaj te la yaiyic milaw tey ta lumq'uinale, soc la sboltesbeyic sc'oplal ta scaj te la xch'uunic loc'omba.