Jeremías 16:16 - Bible in Tzeltal de Oxchuc y Tenejapa

¹⁶ “Jo'on Ajwalilon, jich ya cal, ya me cac' xtal bayal jtsac-chayetic c'oem, swenta yu'un ya me stsaquic jichuc chay te israeletique. Soc ya cac' xtalic bayal jnutsmajeletic c'oem, swenta yu'un ya xnutsmajic soc ya sloq'uesic tel ta spisil witstiquil, ta ch'in witstiquil, soc asta ta bay jatemic te tontiquile.

Bible in Tzeltal Bachajón

¹⁶ Ya jticon tal bayel jtsac-chayetic, xchi te Jehová, te ya stsacticlanic. Patil ya jticon tal bayel jnutsojeletic, ya me snutsic ta spisil witsiltic, tsehletic soc sc'uhb tontiquil.

Jeremías 16:16 Referans Kwoze

Amós 4:2

Te Cajwaltic te Ch'ul Dios stuquele, jich ya yal ta jamal: —Te ja'exe ya me xtal sc'aalelal ta atojolic te ya awich' luquel bael ta lucub taq'uin, soc te awalatac ya me yich'ic luquel bael ta stsacjibal-chay.

Miqueas 7:2

Ma'yuc ya xjilix ta balumilal winiquetic te toj ayique, ni ja'uc te jun yo'tanic ta stojol Dios. Spisilic ya smaliyic te bi ora ya xju' yu'unic uts'inwanej; juju-jtul ya spasbey sbaic syaquilic.

1 Samuel 26:20

Co'tan te manchuc ya yich' malel jch'ich'el ta namal, te ma ta sts'eeluc te Cajwaltique. Pero te ja'ate, cajwal, ya aleon jich bit'il ya yich' leel ch'ac, soc jich ya at'unon te bit'il ya yich' leel x'ub ta witse —xi'.

Génesis 10:9

Yajwal smilel chambalam ta ja'mal ta swenta sc'anjel yo'tan te Diose. Ja' swentail te jich ay ta alel: “Jich yo'tan bit'il Nimrod, te mero ju'em yu'un smilel chambalam ta ja'mal ta swenta sc'anjel yo'tan te Diose”, te xie.

Jeremías 25:9

ya quic' tel spisil te lumetic ta norte, soc te cabat Nabucodonosor te muc' ajwalil yu'un Babilonia, swenta yu'un ya me xtal yac'beyic guerra in lum to, soc ta spisil te yajwale, soc ta spisil te nacionetic te ayic ta sts'eele. Ya me jin ta jc'axel. Ya me jc'atp'un ta jinem ts'ajq'uetic te ya yac' xiwel soc nijq'uel.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

1 Samuel 24:11

“Soc ila awil, cajwal, te sti'il ac'u' quich'oj ta jc'abe, te yu'unuc ya jc'an ya jmilat, la jmilatix te jichuque. Tey me x'ana' a te ma'yuc bi amen jnopoj ta co'tan ta atojol, soc ma ba jnopoj te ya jmuquen-milate. Ma'yuc jtaoj jmul ta atojol. Yan te ja'ate yac alebelon yu'un ya amilon.

Isaías 2:21

Soc ya me sleic yan ch'entiquil soc nailch'entiquil, swenta yu'un jich me ya snac' sbaic ta stojol te Cajwaltique, te xiweltic nax sba ta scaj xojobil te yipe, te c'alal ya xjajch' te Cajwaltic soc te ya snojes ta xiwel te balumilale.

Isaías 7:19

Spisilic ya xtal yac' sbaic ta c'ubul stenlej xatal q'uinaletic, soc ta bay nailch'entiquil, soc ta bay ya yuch'ic ja' te chambalametique.

Jeremías 4:29

Ta swenta yawic te mach'atic moemic ta caballo soc te jt'imuywanejetique, spisil te lum ya xloq'uic bael ta animal ta anel. Ya snac' sbaic ta pimil q'uinal, o ya xmoic bael ta najt'il tontiquil. Spisil te lumetic ya xjojch'ajic jilel; ma'yuquix jtuluc yajwal ya xjil.

Jeremías 6:9

Te Cajwaltic te Spisil ya xju' yu'une ya yal: —Te israeletic te ya xjilic xan tey a, ya yich' leel, soc ya me yich' leel xan yan buelta; jich bit'il ay ta leel ta bay yabenal ts'usub, te ja' to chican ma'yuc ya xjil p'ijuc ts'usub —xi' te Cajwaltique.

Jeremías 49:5

Ja'uc me to, ta spisil ta bayuc ya jticun xiwel ta atojol. Jo'on Ajwalilon Spisil ya xju' cu'un, jich ya cal. Juju-jtul ya xloq'uex ta animal te ja'exe; soc ma'yuc mach'a ya xju' stsobex xan ta yan buelta.

Lamentaciones 4:18

Spisilic scanantayejic te jbeetique; ma xju' xloc'otic ta calle. Slajibalix ayotic te jo'otique, ya xc'otix te corailtique; c'otix te jlajibaltique.

Oseas 10:10

Ya cac'bey castigo te lum te bi ora ya sc'an co'tane. Te nacionetic ya me stsob sbaic tel ta guerra ta stojol c'alal ya cac'bey castigo yu'un te bayal mulile.

Sofonías 1:12

“Ja' me yorail te ya jtsac yawil c'ajc', yu'un ya quil spamal a te Jerusalén. Jich me ya cac'bey castigo te ants-winiquetic te lamal q'uinal ya yaiyic ta sc'opique, jich bit'il vino te slamoj sbae, te ya yal ta yo'tanic: “Te Cajwaltic ma'yuc bila ya spas, ni lec ni amen”, te xiique.

Lamentaciones 4:19

C'ax jich ya x'animajic te bit'il áquila ta ch'ulchan te jnutswanej cu'untique; ya snutsotic ta witstiquil, ya yac'botic yaquiltic ta bay jochol taquin q'uinal.