Jeremías 16:13 - Bible in Tzeltal de Oxchuc y Tenejapa

¹³ Jich yu'un ya jloq'uesex bael li' ta bay lumq'uinal to. Ya xbaex ta banti ni ja'ex ni antiguo ame'-atatic awilojic. Tey me ya awich'ic abatinel c'aal ajc'ubal yu'un te lotil diosetique. Ma ba ya jna'beyex yo'bolil abaic’, xi' te Cajwaltic”, uta me.

Bible in Tzeltal Bachajón

¹³ Ha yu'un ya jloq'uesex bahel ta q'uinal ini, ya xbahex ta q'uinal te ma ba ana'beyejic sba, ha'ex ni ha'uc te ame'atatic, tey yac awich'ic a'batinel c'ahc'al ahc'abal yu'un te yantic diosetic yu'unique; ma ba ya jc'uxultayex.

Jeremías 16:13 Referans Kwoze

Deuteronomio 28:36

“Te Cajwaltic ya me yac'at ta chuquel bael soc te muc' ajwalil awu'un, ta jun nación te ma'yuc x'awile, soc te ni ja'uc xyilic te ame'-atate. Tey me ya sujat ta abatinel yu'un yan diosetic a, te pasbil ta te' soc ta ton.

Jeremías 15:14

Ya cac'at ta mosoil yu'un te acontrotac, ta yan q'uinal te bay ma ba awiloj; melel te quilimba tilemix jich bit'il c'ajc' te ya slajinate —xi' te Cajwaltique.

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

2 Crónicas 7:20

ya me jloq'uesex bael ta lumq'uinal te cac'ojbeyexe. Ya me jch'oj loq'uel ta jtojol te templo te ch'ultesbilix cu'une. Ya me cac' slabanex spisil te yantic nacionetique.

Jeremías 22:28

¿Jich bal c'oem Jeconías te bit'il vasija te top'enix, te mero ma'yuquix yutsile, o jun plato te ma'yuc mach'a ya sc'ane? ¿Bi yu'un te ya xjipot bael soc snich'nab tey a ta yan lumq'uinal te ma na'biluc sbae?

Jeremías 15:4

Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 14:8

Ja' smuc'ulat yo'tan te Israel, jcoltaywanejat cu'untic c'alal bi ora ay jwocoltic. ¿Bistuc ya acuy aba ta jyanlum ta yutil te lum cu'untique? ¿Bistuc te jichat nax te bit'il beom te ja' nax ya xc'ax ajc'ubal awu'un?

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 5:19

C'alal jich ya sjojc'obeyex: “¿Bi yu'un te Cajwaltic Dios cu'untic te la spasbotic jiche?” teme xiique. Albeya: “Ja' laj yu'un te la awijq'uitayic ta awo'tanic te Cajwaltique, te ba awac' abaic ta abatinel yu'un lotil diosetic ta sq'uinalic, ja' nix laj me jich ya xba awac' abaic ta abatinel yu'un jyanlum winiquetic ta sq'uinalic”, uta me —xi'.

Salmos 81:12

Ja' yu'un la cac' te ja' nix la spasic te bila swenta toybail; soc jich ainic ta spisil ora te bit'il la smulan te yo'tanique.

Deuteronomio 29:28

Jich la xch'oj loq'uel ta slum-sq'uinalic, soc la yac' c'otuc ta stojol te yilimba soc te sc'ajc'al yo'tane. La yac' bael ta yantic lumq'uinaletic, jich te bit'il yac ta c'oel ta pasel ta ora in to”, xi' me sc'oplalic.

Jeremías 15:1

Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.

Jeremías 22:26

Ya jch'ojat bael ja'at soc te ame' ta bay lumq'uinal te ma la awil te c'alal ayinate, tey ya xlajex achebalic a —xi'.

Jeremías 10:18

Melel te Cajwaltic la yalbeyex ac'oplalic: “Ja' in ora to najt' me ya jch'oj loq'uel te mach'atic yajwal te lumq'uinal. Ya me cac' c'axuc swocolic, ya me quil teme ma teyuc ya sleonic a”, xi' ac'oplalic yu'un —xi' te j'alwaneje.

Jeremías 16:5

Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.