Jeremías 15:9 - Bible in Tzeltal de Oxchuc y Tenejapa

⁹ Te me'iletic bayal yalatac ya xcom q'uinal yaiyic, ma xyich'iquix ic'; ya xq'uexawic soc ya xpejc'ajic, te xojobil c'aal ya sujtp'ej ta ijc' q'uinal ta stojolic. Teme ay to mach'a cuxul ya xjilique ya me cac' milotuc yu'un te scontroique. Jo'on Ajwalilon, ya cal te jc'ope —xi'.

Bible in Tzeltal Bachajón

⁹ Laj yip te mach'a ay huqueb yalatac, loc' sch'uhlel; mahl te c'ahc'al yu'un aunque ay to te c'ahc'ale; la yich' q'uexlaltesel soc pehc'anel. Te mach'atic yu'un te cuxul hilic ya cac' te ya xlaj ta espada ta stojol te scontrahic, xchi te Jehová.

Jeremías 15:9 Referans Kwoze

1 Samuel 2:5

Te mach'atic ay sobra swe'elic ta neelal to, yo'tic ya xbajt'iquix ta le-at'el swenta jxejt' pan; yan te mach'atic ay swi'nal ta neelal to, yo'tic ma'yuquix swi'nalic. Te ants te ma ba la yac' yal ta neelal to, yo'tic ac'botix tsobol yalatac yu'un Dios; yan te mach'a ay bayal yalatac, yo'tic ma'yuquix yutsil q'uinal ya yaiy.

Isaías 47:9

Ajc' nax, ta jun nax c'aal ya me xc'ot xchebal te woclajel ta atojole: me'ba ants ya xjilat, soc ma'yuc awalatac, manchuc me bayal buelta ya apas ac'-chamel soc pic-c'abal.

Lamentaciones 1:1

Mero stuquel xanix jilem te lum te nojel yu'un ants-winiquetic ta sbabial. Pajalix yilel soc me'ba ants, te c'ax muc' ta neelal yu'un te yantic lumetique. Sujbilix ta spasel tulanil at'el te antsil ajwalil te cajal yutsilal ta sbabial.

Ezequiel 5:12

Ya me xlaj jun ta yoxebal ta c'ajc'al chamel te alumale, soc ya me xchamic ta wi'nal ta yutil alumal. Jun xan ta yoxebal ya me xlajic ta milel yu'un te contro ya xtal ta sjoyobale. Te yan jun xan ta yoxebal jileme, ya me jpuc bael ta xchanxujc'ul balumilal. Te jo'one ya me xboon ta spatic soc jpuñal ta smilel.

Lamentaciones 4:10

Asta te antsetic lec yo'tanique, ta sc'abic nix la spayic te yalataque; ja' nix te mero yalataquic tuun ta swe'elic, ta scaj te jinot te jlumal Israele.

Jeremías 44:27

Melel ayon me ta yilel ta sticunel tel woclajel ta atojolic, te ma swentauc awutsilalique. Spisilic te judioetic te nainemic ta Egipto, ya me xlajic ta jc'axel ta guerra o ta wi'nal.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Jeremías 6:4

Te scontrotaque jich ya yalic: —Chajbana abaic ta yaq'uel guerra soc te lume; la'ic, ya cac'beytic guerra ta olil c'aal. Ja'uc me to, obol jbatic, malelix c'aal, te caxinaltic ya xnajt'ubiquix.

Jeremías 7:19

Ja'uc me to, c'ax to xan ya sbolc'optayonic a, soc ja' nix jich ya sbolc'optay sbaic a ta swenta xq'uexlalic. Jo'on Ajwalilon te jich ya cale.

Jeremías 19:7

Tey ta bay lum to ya jinbey ta jc'axel te bila xchapoj te Judá soc te Jerusalén. Ya me cac' tsalotuc yu'un te scontrotac soc te ya xmilotic yu'une. Te sbaq'uetalic ya me xti'ot yu'un te xulemetic soc te jti'awal chambalametique.

Jeremías 50:12

Ja'uc me to, te alumal ta bay ayinate, nojel ta q'uexlal ya xjil. Ya xc'atp'ujatix ta slajibal yu'un te nacionetique, jochol taquin q'uinal soc tan me ya xjilat.

Ezequiel 5:13

Ya me jt'omes bael ta atojolic te sc'ajc'al co'tane. Ya me cac' te ya xc'ot spisil tey a te quilimba, tic' me ya yaiyic. Teme la cac' bael ta stojolic te quilimbae, ya me sna'ic te jo'on Ajwalilon te ma smulan co'tan te q'uejel ayix te yo'tanique.