Jeremías 15:21 - Bible in Tzeltal de Oxchuc y Tenejapa

²¹ Ya cac'at ta libre yu'un yipic te mach'atic amen yo'tanique; ya jcoltayat yu'un yipic te mach'atic bayal ya yuts'inate —xi'.

Bible in Tzeltal Bachajón

²¹ Ya cac'at ta libre ta sc'ab te mach'atic chopol yo'tanic, ya jcoltayat loq'uel ta sc'ab te j'uts'inwanejetic, xchi.

Jeremías 15:21 Referans Kwoze

2 Corintios 1:10

Te Diose ja' la scoltayotic ta libre ta bay in lajel to, te c'axem to xan xiweltic sbae. Soc jujun c'aal ya scoltayotic xan loq'uel tey a. Jich jun co'tantic ya jmaliytic te ya scoltayotic loq'uel spisil ora ta bay te lajele,

Jeremías 50:34

Ja'uc me to, te j'ac'wanej ta libre yu'une tulan ta jyalel stuquel, “Ajwalil Spisil ya xju' yu'un”, te sbiile. Ja' ay ta swenta xchajbanel; ya me xtal lamal q'uinal ta stojol te lum yu'une. Yan te mach'atic yajwal Babilonia ya me x'och xiwel ta yo'tan stuquelic —xi'.

Isaías 54:17

ja'uc me to, ma'yuc mach'a spasoj te at'ejibaletic te ya xju' ya sjinate. Ya me awac' xmajc' jilel ye te mach'a ya sleat ta c'ope. Ja' ya cac'bey te ya yaiy tsalaw te mach'atic ya yac' sbaic ta abatinel cu'une —xi'. Jich la yal te Cajwaltique.

Isaías 29:20

Ya me xlaj sc'oplal te mach'atic amen yo'tanique, te mach'atic ya x'uts'inwanic ya xch'ayic ta jc'axel, soc ya xch'ayic ta jc'axel te mach'atic ja' nax ya xbajt' ta yo'tanic spasel te bila amene,

Salmos 37:40

Te Cajwaltic ya me xcoltayotic ta anel yu'un; ya scoltay ta sc'abic te mach'atic amen yo'tanic; melel ya sle scolelic ta stojol te Cajwaltique;

Salmos 27:2

Te mach'atic amen yo'tanic, soc te jcontrotaque, ya stsob sbaic tel yu'un ya smilonic; ja'uc me to, ja'ic nix la sc'ojch'in sbaic, jich ya xyalic.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Romanos 16:20

Te Dios yu'un lamal q'uinal, nopolix te ya yac'beyex apech'ic ta teq'uel te Satanase. Te yutsil yo'tan cu'untic te Cajwaltic Jesucristoe, ac'a me sjoinex ta apisilic.

San Mateo 6:13

Ma me xawac' yalucotic yu'un te yiljibal co'tantique. Coltayawotic loq'uel ta bay te bila amene. [Melel te ja'ate muc' ajwalilat atuquel, soc ay awu'el, soc ay awutsilal sbajt'el q'uinal. Jichuc]”, xaex me ta sc'oponel te Diose.

Isaías 29:5

Pero ora nax ya xtal te Cajwaltic te Spisil ya xju' yu'une, ya me yac'bey castigo te acontrotaque, ta chawuc, ta nijq'uel, ta swenta te bila muc' sc'ope, ta tulan sutu-ic', ta tulan yic'al ja'al soc ta tojc'al jinwanejetic. Te acontrotac te ma p'isbiluc yajtalule, tan ya xjilic ta jyalel, bayalic te mach'atic ya yuts'inexe ya me yich'ic wilesel bael jichuc taquin ac.

Salmos 97:10

Te Cajwaltic c'ux ta yo'tan te mach'a ya yilay te bila ma lecuque; ya scanantaybey xcuxlejal te mach'atic jun yo'tanic ta stojol; soc ya yac' ta libre te c'alal ya x'och ta sc'ab te mach'a amene.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Isaías 60:16

Te nacionetic ja' me ya yac'bat te mero lequil we'eliletic ay yu'unique; te muc' ajwaliletic ya me yich'bat tel te sc'ulejalique. Jich me ya ana' stojol te jo'on Awajwalon te Jcoltaywanejon awu'une; te jo'on te Bayal Cu'el te Dioson yu'un Jacob, jo'on ya cac'at ta libre.

Jeremías 16:1

Te Cajwaltic la yalbon tel sc'op ta jtojol, jich la yalbon:

Jeremías 20:13

C'ajintayaic te Cajwaltic, albeyaic yutsil sc'oplal; melel ja' stuquel ya scoltay te mach'a ay swocol yu'un te mach'atic amenique.

Jeremías 31:11

Melel te Cajwaltic la yic' loq'uel te lum Jacob, la scoltay ta libre te ay ta sc'ab nación te bayal yipe.

Jeremías 38:28

Te Jeremías jil ta amac' yu'un soldadoetic ja' to c'alal te bi c'aalil och ta c'abal Jerusalén.

Jeremías 39:11

Te muc' ajwalil Nabucodonosor yu'un Babilonia la yalbey mandal te Nabuzaradán, comandante yu'un te jcanantaywanejetique ta swenta Jeremías:

Jeremías 39:12

—Ic'a ta atojol, canantaya, soc ma me bila amen xawalbey. Ac'beya spisil te bila ya sc'anbate —la yut.

Daniel 3:17

Melel te jo'otique, ay Dios cu'untic te ch'uunbil cu'untique. Te Dios cu'untic ja' me ya scoltayotic ta c'ajc' ta horno, soc ta spisil te bitic amen ya ac'an ya apas ta jtojoltique. Ya me scoltayotic stuquel.

Daniel 3:25

—Pero yacon ta yilel chaneb winiquetic, colemiquix, yacalic ta beel ta yolil te c'ajq'ue, ni xujt'uc ya xchic'otic yu'un te c'ajq'ue. Te xchanebale, pajal soc ch'ul abat yilel —xi'.

Jeremías 26:24

Te Ahicam snich'an Safán c'opoj ta scoltayel te Jeremías, jich ma ba och ta c'abal yu'un te lum te ya smilique.