Jeremías 15:15 - Bible in Tzeltal de Oxchuc y Tenejapa

¹⁵ Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Bible in Tzeltal Bachajón

¹⁵ Ha'at ana'oj, Jehová; na'awon, canantayawon, a'beya spacol te mach'atic ya yuts'inonique. Te bin ut'il ma orahuc ya x'ilinat, ma xaloq'ueson bahel; yac ana' te yac ta c'axel jwocol ta acuenta.

Jeremías 15:15 Referans Kwoze

Jeremías 12:3

Yan te ja'at, Cajwal, ya ana'bon jba; ya awilon te ja'ate, soc ya ana'bon te bit'il ayon soc co'tan ta atojol. Ic'a bael te ants-winiquetique, jich bit'il chijetic ta bay miljibal; ac'beya smarcaic ta swenta te bi c'aalil ya xlaje.

San Lucas 21:17

Soc ya me yilayex ta spisilic ta swenta jbiil.

Jeremías 20:12

Cajwalat te Spisil ya xju' awu'une, ja'at te stojil ya atsajtay o'tanil atuquel, ja'at te ya awilbey c'alal ta yutil yo'tan te winique, ac'bon quil bit'il ya awac'bey castigo te ants-winiquetique. Melel cac'ojbat ta ac'ab te jwocole.

Jeremías 17:16

Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Nehemías 13:22

Patil la calbey mandal te levitaetic te ya slecubtes sbaic ta stojol Dios, soc te ya xba scanantayic te yochibal lum, swenta yu'un jich ma xbolob sc'oplal a te sc'aalelal cux-o'tane. Ya cal ta stojol Dios: —Dios cu'un, na'awon yu'un te bila la jpase, na'bon me yo'bolil jba ta swenta te yutsil awo'tane —xoon.

San Mateo 10:22

Ya me awich'ic p'ajel ta apisilic ta swenta jbiil. Te mach'a ya xcujch' yu'un c'alal ta slajibale, ja' me ya xcol stuquel.

Jeremías 20:8

Melel spisil ora te c'alal ya xc'opojone, ya calulay te ya xtal bayal wocol soc jinel. Spisil ora ya yixtac'optayonic soc ya slabanonic, ja' yu'un te ya cal loq'uel te ac'ope.

Salmos 119:84

¿Jayeb xan c'aal ya jmaliy? ¿Bi ora ya awac'bey castigo te mach'atic ya yuts'inonique?

Salmos 106:4

Cajwal, na'awon te c'alal ya xtal apasbey bila lec te lum awu'une; ayucon me ta awo'tan te c'alal ya xtalat ta scoltayel,

Nehemías 5:19

Ya cal ta stojol Dios: —Dios cu'un, ich'bon me ta wenta yu'un cutsilal spisil te bitic la jpasbeyix ta stojol te lum in to —xoon.

Apocalipsis 18:20

Bujts'najuc me awo'tanic, ja'ex te ayex ta ch'ulchane soc te jpuc-c'opexe soc te j'alwanejex yu'un te Diose soc ja'ex te ch'ultesbilexe. Yu'un Dios la yac'beyix stoj te bila amen la spasbeyexe.

Apocalipsis 6:10

Tulan yacalic ta aw, jich la yalic: “Cajwal, Ch'ul Diosat ta melel, ¿jayeb to xan c'aal sc'an te ya sta yorail te ya awaiy chajbanwanej te ya awac'bey stojic te bit'il la smalbotic jch'ich'eltic te mach'atic nainemic ta balumilale?”, xiic ta aw.

2 Timoteo 4:14

Te Alejandro te jpas-calderae, la yac'bonix bayal jwocol. Ya me x'ac'bot stoj yu'un Cajwaltic te bila la spasbone.

2 Corintios 5:11

Jna'ojtic stojol te bit'il xi'bantic sba te Cajwaltique, jich ya cat'elintic te ya cac'beytic c'otuc ta yo'tanic te ants-winiquetique. Ja'uc me to, Dios ya sna'botic ta lec te bi yilel te co'tantique, soc te ja'exe ya cal te ya ana'botic uuc te bi yilel te co'tantique.

Romanos 12:19

Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique.

San Mateo 19:29

Spisil mach'a ay bi ya yijq'uitay jilel ta jwenta, chican teme sna, sbanquiltac, xwixitac, yijts'inab, sme'-stat, yinam, snich'nab, o ja' te sq'uinale, jo'winic buelta ya x'esmaj sjelol te ya x'ac'bote, soc ya me x'ac'ot cuxinuc sbajt'el q'uinal.

Jeremías 15:10

¡Ay, te jo'one, me', obol jba te la awac' ayinucon ta q'uinale! ¡Ja' nax ayon ta yilel puro c'op soc tsactomba ta spamal balumilal! Ma'yuc mach'a jmajanejbey staq'uin, ni ma'yuc mach'a smajanejbon jtaq'uin; ja'uc me to, spisilic ya sbolc'optayonic.

Isaías 38:3

—Ya calbat wocol, Cajwal, na'a me te bit'il toj co'tan la cac' jba ta abatinel, soc mero jun co'tan la jpas te bila lec awo'tan yu'une —xi'. Oc' ta c'axem to xan.

Salmos 102:24

Jich yu'un la calbey: “Dios cu'un, ma me oliluc to nax ay jcuxlejal a te ya awic'on baele”, xoon ta stojol. Te ja'wiletic awu'un ma'yuc slajibal.

Salmos 39:13

Ijq'uitayawon jilel, ac'bon xan quich' ic', c'alal ma to xlajon, soc c'alal ma to xch'ayon bael ta q'uinal”, xoon ta stojol te Cajwale.

Salmos 17:3

Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel

Job 10:7

manchuc me ana'oj te ma'yuc te jmule, soc te ma'yuc mach'a ya xju' ya scoltayon ta ac'abe?

Nehemías 13:31

Soc la jchajban te ya me xtal spisil ora te si' swenta smajt'an Dios, soc te bi ajtalil albil ya xc'ote. Soc la jchajban te ya yaq'uic jujun ja'wil te sba sit yawal-sts'unubique. —Dios cu'un na'awon me, ich'bon me ta wenta yu'un cutsilal —xoon ta stojol Dios yu'un.

Nehemías 6:14

Ya cal ta stojol Dios: —Dios cu'un, na'a me te bila la spasic te Sanbalat soc Tobías. Soc ma me xch'ay ta awo'tan te Noadías te antsil-j'alwanej, soc nix te yantic j'alwanejetic te ya sc'an xiwtesonic ta sc'opique —xoon.

Romanos 8:35

¿Ay bal mach'a ya xju' yu'un ya sloq'uesotic ta bay xc'uxul yo'tan te Cristoe? ¿Ya bal xju' yu'un te uts'inele, te woclajele, te nutsele, te wi'nale, te t'analotique, o teme milel ta puñale?

Jueces 16:28

Te Sansón la sc'opon te Cajwaltic, jich la yal: —Ya calbat wocol, Cajwal, na'awon junuc xan buelta. Ac'bon xan quip te ya stojbonic filisteoetic ta xchebal te jsite, jun nax buelta ta spisilic —xi' ta sc'oponel te Diose.

Salmos 44:22

Pero ja'at ta awenta spisil ora te quechelotic ta lajel; jichotic ta yo'tanic te bit'il chijetic ya yich'ic milele.

Jeremías 15:20

Ya me cac' te jichucat ta swenta in lum to te bit'il ts'ajc' pasbil ta bronce te wocol ta jinele. Ya yac'bat guerra, pero ma ba ya stsalat. Melel joinejat, ya jcoltayat soc ya cac'at ta libre. Jo'on Ajwalilon, jich ya cal.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Jeremías 18:23

Yan te ja'at Cajwal, ya ana'bey spisil te bila chajbanbil yu'unique, ja' la spasic yu'un te tey ya yac'onic ta lajel a. Ma xapasbey perdón yu'un te sbolilique; ni ma me xach'aybey ta awo'tan te smulique. Pasbeya te ya xyalic ta atojole, ac'beya castigo ta swenta awilimba.

Lamentaciones 3:64

Cajwal, ac'beya castigo te bit'il ya sc'ane, ac'beya stoj te bit'il nix te yat'elique.

Lamentaciones 3:66

Cajwal, nutsa ta sc'ajc'al awo'tan, ac'a ch'ayuc bael ta balumilal.