Jeremías 15:14 - Bible in Tzeltal de Oxchuc y Tenejapa

¹⁴ Ya cac'at ta mosoil yu'un te acontrotac, ta yan q'uinal te bay ma ba awiloj; melel te quilimba tilemix jich bit'il c'ajc' te ya slajinate —xi' te Cajwaltique.

Bible in Tzeltal Bachajón

¹⁴ Ya cac'at ta mosohil yu'un acontratac ta q'uinal te ma xana'be sba, como ta scuenta te quilimba tsumbilix c'ahc' te ya xtihl ta atojolic, xchi te Jehová.

Jeremías 15:14 Referans Kwoze

Jeremías 16:13

Jich yu'un ya jloq'uesex bael li' ta bay lumq'uinal to. Ya xbaex ta banti ni ja'ex ni antiguo ame'-atatic awilojic. Tey me ya awich'ic abatinel c'aal ajc'ubal yu'un te lotil diosetique. Ma ba ya jna'beyex yo'bolil abaic’, xi' te Cajwaltic”, uta me.

Deuteronomio 32:22

Te sc'ajc'al co'tane tilix jajch'el jichuc c'ajc', ya me xtil bael c'alal ta sc'ubulil lumq'uinaletic. Ya me slajin te lumq'uinal soc te bitic ya sitin tey a, ya me yac'bey sc'aal te yiptajib te witstiquile.

Jeremías 17:4

Ya me awijq'uitay aq'uinal, te jich la cac'bat ta mero awu'une; soc ya cac' smozoinat acontrotac ta bay q'uinal te bay ma x'ana'bey sbae. Melel la atilesbonix c'oem te quilimba jich te bit'il c'ajc' te ya xchic'at ta jc'axele —xi' te Cajwaltique.

Salmos 21:9

ya awac' ochel ta yutil horno te ay sc'aale, te c'alal ya sc'an awo'tan ya awac'bey castigo soc te awilimbae. Ta swenta sc'ajc'al yo'tan te Cajwaltique, ya me yac' tanubuc ta c'ajc' te ya xlajinwane.

Deuteronomio 28:36

“Te Cajwaltic ya me yac'at ta chuquel bael soc te muc' ajwalil awu'un, ta jun nación te ma'yuc x'awile, soc te ni ja'uc xyilic te ame'-atate. Tey me ya sujat ta abatinel yu'un yan diosetic a, te pasbil ta te' soc ta ton.

Deuteronomio 28:64

te Cajwaltic ya me spucat bael ta spisil nacionetic ta spamal balumilal. Tey me ya xc'o ach'uun yantic bitic cuybil ta Dios te pasbilic ta te' soc ta ton, te ni ja'ucat soc ni ja'uc te antiguo ame'-atat la sna'beyic sbae.

Hebreos 12:29

Melel te Dios cu'untique, jich ay te bit'il c'ajc' te ya xju' ya xlajinwane.

Amós 5:27

ya me jch'ojex bael ta jejch' Damasco —xi'. Ja' ya yal te Cajwaltic Dios te Spisil ya xju' yu'une. Ja' me sbiil abi.

Jeremías 15:4

Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 14:18

Ya xloc'on bael ta aquiltic, ya quilbey te sbaq'uetalic lajem te mach'atic lajic ta guerra; ya x'ochon bael ta lum, ya quil te ants-winiquetic te yacalic ta lajel ta wi'nale. Ja' nix jich te j'alwanejetic soc te sacerdoteetic, ya xbajt'ic ta yan lum te ma xyilique”, uta me —xi' te Cajwaltique.

Jeremías 4:4

Ants-winiquetic ta Judá soc Jerusalén, ac'a abaic ta yich'el circuncisión soc na'bonic jba te Awajwalonique, ac'a ta awo'tanic te smarcail te tratoe. Ma me ta scajuc amen awat'elic te tey ya xtil jajch'el jichuc c'ajc' te quilimbae, ya me xtil te ma'yuc mach'a ya xju' yu'un stubele.

Isaías 42:25

Ja' swentail te ilin ta stojolic. La yac'bey castigo ta tulan guerra, ora nax a tilic jichuc c'ajc'. Ni ja'uc c'ot ta yo'tanic a.

Deuteronomio 29:23

Ya me yilic ta spisil te lumq'uinale, ja' nax ya xchicnaj azufre, ats'am soc c'ajq'uem lum. Ma me ayuc bila ya xju' ta ts'unel tey a, soc ma'yuc bila ya yac' sit tey a, ni junuc wamal ya xch'i tey a, jich te bit'il ta Sodoma, Gomorra, Adma soc Zeboim, te la slajin te Cajwaltic ta swenta sc'ajc'al yo'tan soc yilimba.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.