Jeremías 15:13 - Bible in Tzeltal de Oxchuc y Tenejapa

¹³ Ta scaj spisil te amul, Israel, ya cac'bey ta sc'ab acontrotac te ac'ulejal soc te bay aq'uejoj, spisil te bila ay awu'un ta q'uinal, swenta yu'un ya me yich'ic bael ta majt'anil.

Bible in Tzeltal Bachajón

¹³ Te ac'ulejal soc te bintic q'uejbil awu'un ya cac' ta pojel, mayuc stojol, ta scaj spisil amul ta spisil alumal.

Jeremías 15:13 Referans Kwoze

Jeremías 17:3

soc ta sba te toyol witsetique. Ta scaj te muliletic awu'un, ya cac'bat ta elc'anel spisil te ac'ulejale, soc ya me spojic bael te toyol ch'uunjibaletic ta spamal te aq'uinale.

Salmos 44:12

mero peq'uel stojol la achon te lum awu'une te ma'yuc bi loc' awu'un a te la achone.

Isaías 52:3

Te Cajwaltic ya yal: —Ma'yuc ni junuc centavo la quich' te c'alal baex ta mosoinel te ja'exe; ja' nix jich ma xcac' ni junuc centavo te ya jcoltayat tele.

Jeremías 20:5

Ja' nix me ya cac'bey ta sc'ab scontrotac spisil sc'ulejal te lume, spisil bila yu'uninej, soc te bitic bayal sc'oplal, soc spisil yawil sc'ulejal te muc' ajwaliletic yu'un Judá, swenta yu'un ya me yich'ic bael ta Babilonia.

Isaías 52:5

Ta ora yo'tic ¿bi yacon ta yilel? Te Babilonia tojol nax la yic'bon bael te lum cu'une. Te mach'atic ya xmandalajic ta stojolique, toyol nax q'uinal ya yaiyic ta aw; ma xcomic ta sbolc'optaybelonic.

Jeremías 15:8

C'axem to xan me'ba antsetic la quijq'uitay a, te jich yipal te bit'il sji'al mar. Ta mero olil c'aal a te la cac' tel lajel ta stojol te me'iletic soc te yalataque; ora nax la cac' tel mel-o'tan soc xiwel ta stojolic.

Ezequiel 38:13

“Te Yajwal Sabá soc Dedán, soc te jchonbajeletic ta Tarsis soc te yantic lumetique, ya me sjojc'obat: “¿Talat bal ta elec'? ¿Ja' bal la atsob soldadoetic awu'un, yu'un te ya apoj te biluquetique, soc ya awu'unin te plata soc te oro, chambalametic soc yantic biluquetic, te jich ya awich' bael bayal c'ulejaliletic awu'une?” xiic me ta atojol —xi' te Cajwaltique.

Sofonías 1:13

Jich yu'un te sc'ulejal ya me yich' pojel loq'uel, soc te snaic ya me yich'ic jinel. Ya spas snaic, ja'uc me to, ma ba ya snainic; ya sts'unic ts'usubiletic, ja'uc me to, ma ba ya yuch'beyic ya'lel —xi'.