Jeremías 14:9 - Bible in Tzeltal de Oxchuc y Tenejapa

⁹ ¿Bi yu'un jichat te bit'il jtul winic te jajch'ix xiwel ta yo'tane? ¿Bi yu'un jichat te bit'il jtul soldado te ma xju' yu'un coltaywaneje? Ja'uc me to, Cajwal, ayat ta coliltic; spisilic ya sna'ic te jo'otic lumotic awu'une. Ma me xapijt'esotic —xiic.

Bible in Tzeltal Bachajón

⁹ ¿Bin yu'un hichat te bin ut'il jtuhl winic te ma sna' bin ya spas, te hichat te bin ut'il jtuhl soldado te ma xhu' ya xcoltaywan? Pero ayat ta cohlilcotic, Jehová, quich'ojbatcotic te abihile, ma me xapihtesotcotic.

Jeremías 14:9 Referans Kwoze

Isaías 63:19

Jich c'oemotiquix te bit'il ma ba la apasotic ta mandal, ni jtebuc; jich c'oemotiquix te ma ba quich'ojtiquix te abiile.

Isaías 59:1

Te yu'el te Cajwaltic ma ba pejc'ajem te ma xju' yu'un coltaywaneje; ma yu'unuc macal xchiquin te Cajwaltique te ma xyaiy stojol c'ope.

Jeremías 15:16

C'alal la ac'oponon, la jwe'elinbat te ac'ope; jamal q'uinal la caiy yu'un soc bin nax co'tan yu'un, melel jo'on awu'uninejon, Cajwal, te Diosat te Spisil ya xju' awu'une.

Salmos 46:5

Te Diose ay ta yolil te lum yu'une, yac ta swentainel; Dios me ya xcoltayot yu'un ta jujun sacubel q'uinal.

Números 11:23

Ja'uc me to, te Cajwaltic la sjac': —¿Yu'un bal ya acuy te ch'in xujt' te cu'ele? Ya me awil te ya xc'ot ta pasel ta melel te bila la cale —xi' te Cajwaltique.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Apocalipsis 21:3

Soc la caiy stojol te ay mach'a tulan c'opoj tel ta ch'ulchan te jich la yale: “Aiya awaiy stojol, Dios nainemix ta yolil te ants-winiquetique. Ayix sna ta yolilic. Ja' me lum yu'un Dios ya xc'otic, soc ja' nix Dios ya xc'ot yu'unic te Diose.

Zacarías 2:5

Pero te Cajwaltic jich yaloj te ja' me sts'ajc'ul c'ajc' c'oem yu'un ta sjoyobal te Jerusalén; soc ta yolil te lum ya me yac' ta ilel te yutsilale”, uta me —xi' te ch'ul abate.

Jeremías 8:19

Te yawic ta woclajel te jlumale, ya xchicnaj ta bayuc ta spamal te q'uinale: —¿Ma bal tey ayuquix a te Cajwaltic ta Sión? ¿Ma bal tey ayuquix a te muc' ajwalil yu'une? —xi'. Te Cajwaltic la sjojc'o: —¿Bi yu'un la awac'onic ta q'uexlal te bit'il la ach'uunic te loc'ombaetique, te yantic diosetic te ma'yuc yutsilic ta jyalele? —xi'.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Isaías 12:6

Awunanic yu'un sbujts' awo'tanic, ja'ex te yajwalex Sión, melel te Ch'ul Dios yu'un Israel, ay ta awolilic te ja'exe soc spisil te smuc'ul yu'ele”, xaex me ta c'ayoj.

Salmos 27:9

Ma me q'uejeluc ya awac' asit ta jtojol, ma me xach'ayon ta awo'tan soc awilimba; melel ja'at atuquel te Jcoltaywanejat cu'une. Ma me x'awijq'uitayon jilel jtuquel te ma'yuc coltayel ta jtojol awu'une; melel ja'at Diosat te Jcoltaywanejat cu'une.

1 Samuel 12:22

Pero te Cajwaltic, yo'tan ya x'ich'ot ta muc' te xch'ul-biile, jich ma ba ya spijt'esex, ja' ya sc'an te ja'ex te lum ya xc'oex yu'une.

Deuteronomio 23:14

Melel te Cajwaltic te Dios cu'untic ya xbeen ta awolilic ta banti campamento awu'unic, ya me sc'an te ch'ultesbil awu'unic te yawil, swenta yu'un ma me ayuc bila amen ya yil tey a te Diose. Teme ma ba ya ach'uunic spasele, ya me xch'ayex jilel te Diose.

Hechos 15:17

swenta yu'un ya me xtal sleic Cajwaltic te mach'atic jilemic xane soc spisil te jyanlumetic te ya yalbonic te jbiile’, xi'.

Ezequiel 48:35

Te joyob ts'ajq'ue ay me balunmil metro snajt'il ta spisil. Te sbiil te lum jich me ya xc'ot bael: “Li' ay te Cajwaltique”, xi' te sbiile —xi' te Cajwaltique.

Habacuc 1:2

La yal te Habacuc: —Cajwal, ¿jayeb to buelta ya x'awunon ta sc'anel coltayel, te ma ba ya awaiybon stojole? ¿Jayeb to buelta ya xc'opojon ta aw yu'un te uts'inel yac ta pasel, te ma xtal acoltayon yu'une?

Deuteronomio 28:10

Jich ta spisil te lumetic ta q'uinal ya me yilic te ja' yu'unat te Cajwaltique. Ya me xtal xiwel ta yo'tanic yu'un.

2 Crónicas 7:14

jich te lum cu'un te yich'ojbon te jbiile, teme ya xbic'taj, soc teme ya sc'oponon, soc teme ya xtal ta jtojol, soc teme ya yijq'uitay spasel te amen yat'ele, ya me caiybey sc'opic c'alal ta ch'ulchan, ya me jpasbey perdón yu'un te smulique, soc ya me cac' utsubuc xan te slumalique.

Salmos 10:1

Cajwal, ¿bi yu'un te q'uejel ya awac' abae? ¿Bi yu'un te ya anac' aba te c'alal yorail a te uts'inele?

Isaías 43:7

Ic'bon tel spisilic te mach'atic yich'ojbonic te jbiile, te mach'atic la jchicnantes soc te la jchajbane, ja' te mach'atic la jpas swenta yu'un ya xchicnaj a te cutsilale.

Jeremías 51:5

Te Israel soc Judá, manchuc me staoj smulic ta jtojol, soc teme nojel ta mulil yu'unic te slumale, ma ba pijt'esbilic cu'un, jo'on Ajwalilon, te Spisil ya xju' cu'une, te Ch'ul Dioson yu'un Israel.

Lamentaciones 5:20

¿Bi yu'un te jc'axel la ach'ayotic ta awo'tane? ¿Bi yu'un te bayal c'aal ya apijt'esotique?

Zacarías 8:3

Ya me xcha'sujt'on xan bael ta nainel ta Jerusalén, tey me ya xnainon a. Ja' yu'un te Jerusalén, “Lum-Jun-Yo'tan”, xi' me sbiil ya xc'ot. Te wits yu'un Cajwaltic te Spisil ya xju' yu'une, “Ch'ul Wits” me sbiil ya xc'ot.