Jeremías 14:21 - Bible in Tzeltal de Oxchuc y Tenejapa

²¹ Ta swenta xch'ul yutsilal ac'oplal, ma xach'ojotic loq'uel, ma me jc'axeluc ya awilay te lume, ja' te bay amuc'ul nactijib te bayal yutsilale. Na'a me te trato la apas ta jtojoltique, ma me xch'ay ta awo'tan.

Bible in Tzeltal Bachajón

²¹ Ta scuenta yich'el ta muc' abihil ma xach'ayotic bahel, ma me xapehc'ambe sc'oblal te huctajibal awu'un te ay yutsilal. Na'a me te c'op la achap ta jtojolcotic, ma me xalajimbe sc'oblal.

Jeremías 14:21 Referans Kwoze

Jeremías 14:7

La yal te lume: —Cajwal, manchuc teme ja' nix ya yalotic te jmultique, at'ejan ta swenta te bit'il ay ta ich'el ta muc' te abiile. Bayal buelta ma junuc co'tantic ta atojol, jtaoj jmultic ta atojol.

Salmos 106:45

te Diose la sna' xan te trato yu'un soque. Jich la sujt'es sc'op, melel te xc'uxul yo'tan c'ax muc' ta jyalel.

Jeremías 3:17

Te Jerusalén, “Yawil smuc'ul nactijib Cajwaltic”, xi' me te sbiile. Spisil nacionetic ya me stsob sbaic tey a ta swenta yich'belonic ta muc', soc ma ba ya xcha'pasic soc stoybailic te tey baem yo'tanic a te bila amene.

Jeremías 17:12

Te templo cu'untique ja' smuc'ul nactijib ajwalil, te toyol ac'bil c'alal ta xjajch'ibal.

Apocalipsis 11:2

Ja'uc me to, ma me xap'is stuquel te yamac'ul te temploe, yu'un ac'botix ta swenta te jyanlumetique. Ya me xpajc'ub ta teq'uel yu'unic che'yoxwinic (42) u te muc'ul lume.

Efesios 2:7

Jich me ya xchicnaj ta ilel ta patilal bael, te ay bayal yutsil yo'tan cu'untic te la xc'uxtayotic ta swenta te Cristo Jesuse.

San Lucas 21:24

Ay me mach'atic ya xlajic ta milel ta puñal, soc ay me chucajtic ya x'ic'otic bael ta bay spisil ta jchajp te lumetique. Te lum Jerusalén ya me xlaj ta pech'anel ta teq'uel yu'un jyanlumetic, ja' to teme ts'acaj te jich yipal c'aal te albile.

San Lucas 1:72

Yaloj te ya xc'uxtay te namey q'uinal jme'-jtatique, soc te ma xch'ay ta yo'tan te ch'ul trato yaloje.

Amós 6:8

Te Cajwaltic ja' yaloj ta jamal stuquel; te Cajwaltic, te Dios Spisil ya xju' yu'un, tulan ya yal: —Ya quilay te bit'il ya stoy sba te sts'umbal Jacob; ma jmulan te muc'ul naetic yu'unique. Te lume ya cac'bey ta sc'ab scontro, soc spisil te bitic ay yu'un tey ae —xi'.

Daniel 9:7

Te ja'at Cajwal, toj awo'tan atuquel. Pero te judiootique yo'tic ya xtal q'uexlal ta co'tantic, jichic te mach'atic ayic ta Jerusalén soc ja' nix jichic te yantic israeletic, te c'ubul ayique soc te nopol ayique, te la ach'oj c'axel ta scaj te la stoy sbaic ta atojole.

Ezequiel 43:7

jich la yal: —Ja' yawil jmuc'ul jnactijib in to, ja' yawil te banti ya cac' cacan. Li' me ya xnainon ta yolil israeletic sbajt'el q'uinal. Ni ja'uquic soc te muc' ajwaliletic yu'unic te ya xju' ya sboltesbonic sc'oplal te jch'ul-biile, ta scaj te ma junuc yo'tanic ya yac' sbaic ta jtojole. Ma me ba ya spasbeyiquix sna'jibal ts'ajc'ul te muc' ajwaliletic yu'un te c'alal lajemiquix ae,

Ezequiel 39:25

“Ja' yu'un, jo'on Ajwalilon te jich ya cale: Yo'tic ya me xtalix xc'uxul ta co'tan ta spisil te lum Israel, ja' te patil alnich'anetic yu'un Jacob. Ya me cac' te ya xyanaj te stalele, soc ya me calbey mandal te ya yac'bon ta ich'el ta muc' te jch'ul-biile.

Ezequiel 24:21

“Albeya te lum Israel: ‘Jich ya yal te Cajwaltique: “Ya me jinbey sc'oplal te templo cu'une, te mero bayal ya amulanic soc c'ux ta awo'tanique, te ja' ya atoy q'uinal awaiyic a, soc te ja' yip awo'tanique. Te aquerem-nich'nabic soc te awantsil-nich'nabic, te jilem awu'unic ta Jerusalén, ya me xlajic ta milel”, xi' me’, uta me.

Lamentaciones 2:20

Cajwal, nopa awaiy, melel ma'yuc mach'a apasojbey jich bit'il in to. ¿Lec bal te ya sti' yalatac te me'eletic te ya to xchu'unique? ¿Lec bal te ya yich'ic milel ta ch'ul templo awu'un te sacerdoteetic soc te j'alwanejetique?

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.

Jeremías 14:19

Cajwal, ¿jc'axel bal la ach'oj bael ta spisil te Judá? ¿Lubat balix yu'un te lum Sión? ¿Bi yu'un la awejch'entesotic te ma'yuc ta poxtayele? La jmaliytic te ya x'esmajotique; ja'uc me to, ma'yuc bila lec la jtatic. La jmaliytic te ay yutsil q'uinal caiytic ta poxtayele; ja'uc me to, ja' nax ay xiwtesel.

Salmos 106:40

Te Cajwaltic jajch' sc'ajc'al yo'tan ta stojol te lum yu'un; la spijt'es jilel manchuc me mero yu'un.

Salmos 51:11

Ma me xapijt'eson soc ma me xach'ayon ta awo'tan; ma me xapojbon loq'uel te ch'ul espíritu awu'une.

Deuteronomio 32:19

Dios ilin yo'tan yu'un te jich la spasic la yile, la yilaybey te squerem-nich'nabic, la yilaybey te yantsil-nich'nabique.

Levítico 26:11

“Jo'on me ya xnainon ta awolilic, ma ba ya jch'ayex ta co'tan.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

1 Samuel 12:22

Pero te Cajwaltic, yo'tan ya x'ich'ot ta muc' te xch'ul-biile, jich ma ba ya spijt'esex, ja' ya sc'an te ja'ex te lum ya xc'oex yu'une.

Salmos 25:11

Cajwal, muc' te jmule, pasbon perdón; ac'a ta ich'el ta muc' te abiile.

Salmos 145:11

Ac'a me yalic te yutsil awat'el ta ajwalil; ac'a me yalic te yip awu'ele.

Isaías 62:6

Jerusalén, ta sba ats'ajc'ul cac'oj jcanantaywanejetic, c'aal ajc'ubal ma xlaj yo'tanic ta jyalel: —Ma me xcomex ta c'op te ya ac'oponic te Cajwaltique.

Ezequiel 20:22

Pero la jcom jba, ta swenta yutsil jc'oplal, swenta yu'un jich ma xbolob jc'oplal ta stojolic a te nacionetic la yilic la jloq'ues tel ta Egipto.