Jeremías 14:16 - Bible in Tzeltal de Oxchuc y Tenejapa

¹⁶ Te lum te ba sc'opone, ya me xlajic ta guerra soc ta wi'nal, soc nix te yinamic, te snich'nabic queremetic soc ach'ixetique. Te sbaq'uetalic te lajeme ya me yich'ic ch'ojel loq'uel ta calleetic ta Jerusalén, ma me ayuc mach'a ya smucbeyic. Ja' me jich ya cac'bey stojic te smulique.

Bible in Tzeltal Bachajón

¹⁶ Soc te pueblo te la yalbeyic te c'op ini ya me yich'ic ch'ojel loq'uel ta callehetic yu'un Jerusalén ta scaj wi'nal soc espada, mayuc mach'a ya xmucotic yu'un o te yihnamic o te ach'ix-queremetic yu'unique. Ya jmalbe ta stojolic te schopolilique.

Jeremías 14:16 Referans Kwoze

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

Proverbios 1:31

C'ux obol me abaic yu'un swocolil te awat'elique; tsobol me ya xjil ta atojolic te bila amen la anop ta awo'tanique.

Jeremías 18:21

Ja'uc me to, pasa yo'tic, ac'a lajuc te snich'nabic yu'un wi'nal o ta puñal; ac'a jiluc ta me'ba antsetic te yinamique, soc ni ma me ayuc yalatac ya xjilic. Ac'a milotuc yu'un milawal chamel te smamlalique; te queremetic, ac'a lajuquic ta guerra.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Apocalipsis 16:1

La caiy stojol te ay mach'a tulan c'opoj loq'uel tel ta bay yutil templo te jich la yalbey te juctul ch'ul abatetique: “Baanic, malaic ta balumilal te juqueb copaetic te nojel ta yilimba te Diose”, utotic.

San Mateo 15:14

Ac'a yil sbaic jiche te melel ya stojtesic ta be ma'sitetic ta sc'opic, ja'uc me to, pajal ma'sit c'oemic soc. Jich yu'un teme ay jtul ma'sit ya stojtes ta beel te mach'a pajal ma'sit soque, xchebalic me ya xch'ayic ta xaab —xi' te Jesuse.

Jeremías 9:22

Te sbaq'uetalic te ants-winiquetique limilic jilel ta lum, jich bit'il stsa' chambalam ta sba lumq'uinal, jich bit'il tomoltom ya xjil ta spat te jset'-trigoe. Ma'yuc mach'a ya xtal stsobey te sbaq'uetalique”, xiic me ta yalel ta oq'uel. Jich ya yal te Cajwaltique.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Jeremías 4:18

—Ta scaj te bi yilel awo'tan soc te at'eliletic awu'une, te bila c'oem ta pasel ta atojole; scaj te bila amen awu'un te ac'botat ch'aal sit te' c'oem, te ya yejch'entesbat awo'tane —xi' te Cajwaltique.

Isaías 9:16

Te jtsobwanejetic, ja' la sjowtesic te lume; te mach'atic la xch'uunbey sc'opic, ch'ayic ta jc'axel.

Isaías 51:20

Jich bit'il ja'mal chij te la yich' stsaquel ta chojac', te anich'nab mero ma'yuc yipic, limilic ta lum, bayuc nax ta xujc' calleetic. Ejch'enajemic yu'un yilimba te Cajwaltique, swenta stojtesel yu'un te Dios awu'une.

Jeremías 8:1

Te Cajwaltic jich ya yal: —Te bi c'aalil ya cale ya me sloq'uesbeyic tel ta muquenal sbaquel te muc' ajwaliletic soc te jtsobwanejetic yu'un Judá, te sacerdoteetic, te j'alwanejetic soc te mach'atic cuxinic ta Jerusalén.

Jeremías 8:2

Limil me ta lum ya xjilic ta sit te c'aal, te u soc spisil te eq'uetic te c'ux la yaiyic ta yo'tanique, te la yac' sbaic ta abatinel yu'unic, te la xch'uunique, te ay bila la sjojc'obeyic soc te la squejan sbaic ta stojolique. Ma'yuquix mach'a ya stambeyic sbaquelic te ya xcha'mucbeyic xane. Ya me xjilic ta sba lumq'uinal jich bit'il stsa' chambalam.

Jeremías 27:15

Te Cajwaltic tulan ya yal te ma ja'uc la sticun tele; tojol c'opetic nax ya yalic ta swenta te Cajwaltique. Jich me ya slajinex spuquel bael te Cajwaltique. Ya me xlajex ja'ex soc te j'alwanejetic te la yalbeyex te c'ope —xon.

Ezequiel 39:14

Soc xan, teme c'ax te juqueb u, ya me yich' ac'beyel yat'el jchajp mach'atic ya xloq'uic ta yocliyel te lumq'uinale, swenta yu'un ya smuquic teme ay to jilemic ta lume, swenta yu'un jich me lec ya xjil a te lumq'uinale.

Amós 7:17

Ja'uc me to, la yal te Cajwaltique: “Te awiname jmulawil ants me ya xc'ot ta spamal te lume, soc te anich'nab te quereme, te ach'ixe, ya me xlajic ta puñal. Te aq'uinale ya me yich' puquel ta swenta número ta na'el; te ja'at ya me xlajat ta bay sq'uinal te mach'a ma xch'uunejuc Dios. Te mach'atic israeletic chucul me ya x'ic'otic bael ta bay najt' yiloj sba soc te slumale”, xi' me te Cajwaltic —xi'.

Jeremías 9:20

Antsetic, aiya awaiyic stojol sc'op te Cajwaltique, aiya awaiyic te bila ya yalbate. P'ijubtesaic ta oq'uel te awantsil-alic soc te ajo'taque, te yacuc yalic ta oq'uel:

Jeremías 20:6

Te ja'at Pasur, ya me x'ic'otat bael ta Babilonia soc spisil mach'atic ay awu'un. Tey ya xlajat a, soc tey me ya xmujc'at a soc spisil te ajo'tac, te la awalbey lotil c'op ta j'alwaneje”, xi' ac'oplal yu'un te Cajwaltique —xi' te Jeremías.