Biblia Todo Logo
Bib sou entènèt

- Piblisite -




Jeremías 14:12 - Bible in Tzeltal de Oxchuc y Tenejapa

12 Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.

Gade chapit la Kopi

Bible in Tzeltal Bachajón

12 Aunque ya scom swe'elic, ma ba ya ca'iybe yawic, aunque ya yaq'uic scohtol chic'bil mahtaniletic soc mahtanil harina ma ba ya jtsac. Ya me jlajinlan ta espada, ta wi'nal soc ta jmilawal-chamel, xchi te Jehová.

Gade chapit la Kopi




Jeremías 14:12
32 Referans Kwoze  

Pero ya me x'at'ejon soc te quilimbae, ma me ba ya jna'bey yo'bolil sbaic ta jc'axel. Manchuc me ya sc'opononic ta aw, pero ma ba ya jac'bey te sc'opique —xi' te Cajwaltique.


Jich yu'un yo'tic, ya jticun tel te bila amen, te ma'yuc mach'a ya xju' scoltay sba jtuluc yu'une. Manchuc me ya yawtayonic ta sc'anbelonic scoltayel, ma me xcaiybey stojol. Jo'on Ajwalilon, jich ya cal.


Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.


“Te c'alal ya xc'ot sc'aalelal, ya me awic'onic, pero ma ba ya jac'beyex; ya aleonic, pero ma ba ya ataonic;


Jich la yal: —Jich te bit'il ma ba la sc'an la yaiybonic te jc'op te c'alal la quiq'ue, ja' nix jichon uuc, te c'alal ya sc'opononique ma ba ya jac'beyic.


Ya me sta sc'aalelal te ya awawtayic te Cajwaltique; ja'uc me to, ma ba ya sjac'beyex ac'opic. Te bi ora jich ya apasique, ya me snac' sba ta atojolic ta scaj te muliletic apasojique.


“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.


Ya jticunbey guerra ta stojolic, wi'nal soc chamel te ya xmilawane, ja' to me te ma'yuc jtuluc ya xjil ta slumalic te la cac'bey yu'uninic soc te antiguo sme'-statique —xi' te Cajwaltique.


Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.


Ya jpuc bael ta nacionetic te ma yilojuque, soc te ma yilojuc te sme'-statique; ya me cac' te ya yich'ic nutsel ta puñal, asta ma'yuc ya xjil jtuluc —xi' te Cajwaltique.


Ja'uc me to, ya yalic: “¿Bistuc ya jpastic ayuno? Melel ma xyil te Diose. ¿Bistuc ya cac' jwocoltic, teme ma'yuc ta wenta yu'une?” xiic ta yalel. Ja'uc me to, te bi c'aalil ya yich' pasel ayunoe, ja' ya awat'elinic chonbajel a, soc ya atenic xan ta at'el te awinictaque.


Te mach'a ma sc'an xch'uunbey smandal te Diose, ma stsacbot sc'op te c'alal ya sc'opone.


Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.


Te majt'aniletic ya yaq'uic te mach'atic amen yo'tanic, ya yilay te Cajwaltique; yan te mach'atic toj yo'tanique, bin nax yo'tan ya stsacbey sc'op stuquelic.


Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.


Te bi ora ya sta swocolic, ma ba ya x'ich'bot ta wenta yu'un Dios teme ya yalbey wocole.


Te Cajwaltic jich ya yal: —Ya jset' te lum cu'une, jich bit'il trigo. Ma me ayuc ya xjil jp'ijuc ta ts'usubil, ni ma me ayuc jp'ijuc higo ya xjil ta ste'el. Ja' nax me c'anubenic ya xjil te yabenale —xi'.


Ya me jmil spisil yajwal te alumal; winiquetic soc chambalametic ya me xlajic ta chamel te ya xmilawan te xiweltic sbae.


“Ta ora yo'tic, te caldeoetic sbut'ojiquix moel lum ta bay sts'ajc'ul te lum ta swenta yac'beyel guerra. Ja' ya x'ochic ta sc'abic a te scontrotac, yu'un guerra, wi'nal soc chamel. Cajwal, ya awilix te ya xc'otix ta pasel te bit'il awalojbonix sc'oplal a.


“Teme ya jticun chamel tey ta lumq'uinale, soc teme ta swenta quilimba ya cac' c'otuc tey a te lajele, teme ya cac' lajuc ants-winiquetic soc te chambalametique,


Soc te chijetic soc te wacaxetic yu'unic ya xba yalbeyic wocol a te Cajwaltique; ja'uc me to, ma ba ya staic, melel la sq'uej sba bael ta stojolic.


Ya yal te Cajwaltic: —Ma jmulan soc ya quilay te q'uinetic ya apasic, yu'un te ach'uunejon ta ac'opique; ma lecuc co'tan yu'un te ya atsobilay abaic, te muc' sc'oplal ta awo'tanique.


—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.


Ja'uc me to, ay yan bila ya apasic: Ya awajts'es ta ya'lel asitic te scajtijib smajt'an te Cajwaltic; c'ax bayal ya x'oq'uex yu'un, te ma binuc nax yo'tan Cajwaltic ya stsac te majt'aniletic awu'unique.


Ja' yu'un te ja'at Jeremías, ma me xc'opojat ta ac'anbelon xc'uxtayel te lume; ma me xc'opojat yu'un ta awalbelon wocol ta swentaic. Melel ma me ba ya caiy stojol c'alal ya ac'anbon coltayel loq'uel ta yolil te woclajele.


Te Cajwaltic la yalbon: —Manchuc me ya xtal stejc'an sbaic ta jtojol li'to te Moisés soc Samuel, te jo'one ma ja'uc ya jna'bey yo'bolil sba yu'un a te lume. Albeya, ac'a loc'uc bael ta jtojol, ac'a bajt'uquic.


Swiv nou:

Piblisite


Piblisite