Jeremías 14:10 - Bible in Tzeltal de Oxchuc y Tenejapa

¹⁰ Te Cajwaltic jich ya yalbey sc'oplal te lum Israele: —Ja' in lum to ya smulan te bayuc nax ya xbajt' ta spisil ora ta stojol yan, jich yu'un ma ba lec ya quil. Ora yo'tic ya me jna'bey te smulique, soc ya me quich' ta c'op yu'un —xi'.

Bible in Tzeltal Bachajón

¹⁰ Te Jehová hich la yalbe sc'oblal te pueblo ini: Bayel la smulanic te bayuc nax ya xbahtic, ma ba la scom yoquic. Ha yu'un te Jehová ma lecuc yo'tan yu'unic; ya me sna'beyix te smulic soc ya me yac'ticlambe castigo yu'un, xchi.

Jeremías 14:10 Referans Kwoze

Oseas 9:9

Jc'axel la sboltes sbaic ta jyalel, jich bit'il ta yorail sc'aalelal Gabaa. Te Cajwaltic ya sna'bey sbolil, soc ya yac'bey castigo yu'un te smulique.

Oseas 8:13

Ja'ic ya smulanic te milbil majt'aniletique, ya smilic soc ya sti'beyic sti'balul; ja'uc me to, jo'on Ajwalilon, ma lecuc co'tan yu'unic. Ya me jna'bey te smulic te la spasique, soc ya me cac'bey castigo yu'un, ya cac' sujt'el ta Egipto.

Salmos 119:101

C'ubul la quijq'uitayix jilel sbelal te bitic ma lecuc swenta yu'un jich me ya xc'ot ta pasel cu'un a te ac'ope.

Amós 5:22

Ma jc'an te chic'bil majt'anil ya awac'bonic yu'un quich'jibal ta muq'ue, ni te majt'aniletic harina; ma ba ya jtsacbat te jujp'en wacaxetic te ya amilic te seña te jun co'tan jbatique.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Hebreos 8:12

Ya me jpasbey perdón yu'un te bila amen spasojique, jich ma ba ya jna'bey xan ta co'tan te smulique”, xi' me te Diose.

Jeremías 31:34

Ma'yuquix mach'a ya xp'ijubtesot yu'un sjo'tac ni spat-xujc' ta swenta sna'belonic jba, melel spisilic me, bay muc'-biq'uit, ya me sna'bonic jba. Ya jpasbey perdón te bila amen spasoje, soc ma ba ya jna'bey xan te smulique. Jo'on Ajwalilon, jich ya cal —xi' te Cajwaltique.

Oseas 11:9

Ma jichuc ya x'at'ejon te bit'il ay sc'ajc'al te quilimbae; ma ba ya jcha'jin xan te Efraín. Melel jo'on Dioson, ma winicucon. Jo'on Ch'ul Dioson te ayon ta awolile, soc ma'yuc talem jinbelat —xi' te Cajwaltique.

Oseas 11:7

Te lum cu'un c'ubul ayic ta jtojol, tulan yo'tanic. Ya yawtayic te mach'a ay ta ch'ulchan ta sc'opique; ja'uc me to, ma'yuc mach'a ya xcoltayot yu'un.

Jeremías 8:5

Jich yu'un, Israel, ¿bi yu'un la atoy aba ta jtojol? Jerusalén, ¿bi yu'un te sbajt'el q'uinal ma x'ac'an ach'uunone? ¿Bi yu'un la awat'elin spasel te toybaile, te ma x'ac'an ya sujt'at tele?

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

1 Reyes 17:18

Te me'ba ants jich la yalbey te Elías: —Swinic Dios, ¿bi awentaon? ¿Tal bal awac'bon xan jna' te jmule, soc tal bal awac' lajuc te cale? —la yut.

1 Samuel 15:2

Jich ya yal te Cajwaltic te Spisil ya xju' yu'une: “Ya cac'bey castigo te amalequetic, swenta spacol te bi la spasbey te israeletic, ja' te la smac ta be te c'alal yacalic ta talel ta Egipto.

Jeremías 3:13

Ja' nax te yacuc ana' te amule, soc te la acontroin yu'un atoybail te Awajwal te Dios awu'une; te animajat ta sleel te mach'atic la ac'opon aba soc ta bay yet'al spisil te'etic te pim sc'abique, soc ma la ac'an la ach'uun te bila la cale. Jo'on Ajwalilon te jich ya cale”, uta me —xi' te Cajwaltique.

Ezequiel 29:16

Te lum Israel ma me ayuquix bi ora ya smuc'ulin yo'tan te Egipto. Ac'a me sna'ic te ja' mulil te bajt'ic ta sleel coltayel tey a. Jich me ya sna'ic te jo'on Ajwalilone’, xi' me”, uta me —xi' te Cajwaltique.

Oseas 7:2

Ma sna'ic stojol te ya quich'bey ta wenta te bila amen ya spasique. Ta ora yo'tic joytayotiquix yu'un te yat'elic, te ay nix ta jsit spisil ora.

Oseas 7:13

“Obol nax sbaic te la sq'uej sbaic bael ta jtojole. Ya xtaotic yu'un te jinele, melel la stoy sbaic loq'uel ta jtojol. Ya jc'an ya jcoltay te jichuque; ja'uc me to, ya spasonic ta lot, ya scontroinonic.

Amós 3:2

—Ja'ex nax atuquelic te la jtsaex ta yolilic spisil te lumetic ta balumilal. Jich yu'un ya cac'beyex castigo yu'un spisil te bila amen apasojique —xi'.

Éxodo 32:34

Jich yu'un beenan, ic'a bael te lum ta bay calojbate. Te ch'ul abat cu'une ja' me ya yic'at bael. Te c'alal ya xc'ot sc'aalelal te castigo, ya me cac'bey castigo yu'un te smulique —xi'.

Salmos 95:10

Cha'winic (40) ja'wil ilinon yu'un te alnich'an cu'une, soc jich la cal yu'un: “Te ants-winiquetic q'uejel nix baem yo'tanic a; ma xch'uunbonic te mandaliletic cu'une.