Jeremías 13:26 - Bible in Tzeltal de Oxchuc y Tenejapa

²⁶ Jich yu'un te jo'one ya me jt'ananat ta jc'axel, jich me ya cac'at ta q'uexlal.

Bible in Tzeltal Bachajón

²⁶ Ho'on nix ya jlicbat mohel atsec c'alal ta asit awelaw, hich ya xchicnaj aq'uexlal:

Jeremías 13:26 Referans Kwoze

Oseas 2:10

Ya jt'ananbey te sbaq'uetale, jich me ya jpasbey ta sit te mach'atic ya xmulanot yu'une. Ma'yuc mach'a ya scoltay loq'uel ta jc'ab.

Lamentaciones 1:8

Jerusalén bayal sleoj smul, te ja' ac'otix ta ilayel yu'une. Te mach'atic neel la yich'ic ta muc', ta ora yo'tic ya yilayiquix, melel la yilbeyic te chican sbaq'uetal c'oem. Jich yu'un yac ta oq'uel te Jerusalén, ya xq'uexawix jichuc ants, ya snac' sba yu'un.

Ezequiel 23:29

Te nacionetic ma me ayuc ac'oplal ta sitic; ya me yu'uninbat te bitic ataoj ta swenta awat'ele. Mero jc'axel me t'anal ya yijq'uitayat; t'anal me ya xjil te abaq'uetale, ja' te la apas mulwej soque. Ta scaj te mero libre ayat la awaiy abae, soc ta scaj te la awac' aba ta jmulawil antse,

Ezequiel 16:37

Ja' yu'un ya me jtsob spisil te mach'atic la smulanate, soc te la awac'bey yutsil yo'tanique, soc ta spisilic te mach'atic la amulane, soc ta spisil nix te mach'atic ma ba la amulane. Ya me jtsob ta ajoyobal, ta comonsitil ya me jt'ananbat te abaq'uetale, swenta yu'un mero t'analat a ya yilat.

Jeremías 13:22

Teme ya awal ta awo'tan: “¿Bi yu'un te jich yac ta c'oel ta pasele?”, ja' me x'ana' te scaj bayal mulil awu'une; ja' swentail te la st'ananatixe soc te la yuts'inate.

Jeremías 49:10

Yan te jo'one ma'yuc bi ya quijq'uitaybey jtebuc te lum yu'un Esaú. Quilojix ta bay ya snac' sbaique, jich ma xju'ix ya snac' sbaic. Te snich'nab, yermanotac soc te spat-xujq'ue spisilic la yich'ic jinel. Ma'yuc mach'a jil jtuluc tey a, te ya yal:

Nahúm 3:5

Te Cajwaltic te Spisil ya xju' yu'une, tulan ya yal: —Li' ayon to ta jcontroinbelat. Ya jolbat moel atsec c'alal ta awelaw, swenta yu'un ya me yilbat abaq'uetal te nacionetique, ya me yilbat te bila ya xq'uexawat yu'une.

Isaías 47:3

ac'a chicnajuc abaq'uetal, ac'a chicnajuc ta jc'axel. Ya me quich'bey spacol, ma'yuc mach'a ya xju' ya scomon, manchuc me ya yalbon wocol —xi' te Diose.

Oseas 2:12

Ya jlajinbey te ts'usubiletic soc te higueraetic yu'une, ja' te jich la yalbey sc'oplalic te antse: “Ja' jtojol te la yac'bonic te mach'atic la smulanonique”,te xie. Ya me jc'atp'un ta pimil wanc'altic, ja' me ya swe'elinic te ja'mal chambalametique.