Jeremías 13:25 - Bible in Tzeltal de Oxchuc y Tenejapa

²⁵ Jich me ya xc'ot ta awenta, Israel, jich ya sc'an te ya jpasbate. Jo'on Ajwalilon, jich ya cal. Melel la ach'ayon ta awo'tan, ja' ba awac' smuc'ulin awo'tan te lotil diosetic awu'une.

Bible in Tzeltal Bachajón

²⁵ Hich ya xc'oht ta acuenta, ha te bin la jp'is te yac awich', xchi te Jehová, como la ach'ayon ta awo'tan, soc ha la smuc'ulin awo'tan te lot.

Jeremías 13:25 Referans Kwoze

Job 20:29

Ja' me chapal yu'un Dios ya xc'ot ta swenta te mach'a amene; ja' me jich ya xc'ot ta swenta te bila chapale —xi' te Zofar.

San Mateo 24:51

Ya me yac'bey stoj ta lajel. Tey me ya xbajt' a te banti ya xbajt' te mach'atic cha'lam yo'tanique. Tey me ya xc'o yoq'uetay sba a soc tey me ya xc'o sjets'ulay ye a —xi' te Jesuse.

Jeremías 2:32

Te antse ¿ya bal xju' xch'ay ta yo'tan te xch'alil te ya yac' sba ta mulanel a? Ja'uc me to, te lum cu'une, mero c'ax bayalix c'aal te ch'ayon ta yo'tane.

Salmos 11:6

Te Cajwaltic ya me yac'bey woclajel jichuc ja'al; ya me xtal c'ajc' soc azufre ta stojolic te mach'atic amen yo'tanique, soc ya xtal c'ajc'al ic' ta stojolic te jich ya xbacub spisil bitic ay. Jich ya sc'an ya x'ac'bot stojic yu'un te Cajwaltique.

Salmos 9:17

Te mach'atic amenic soc te ma'yuquic ta stojol Dios, ja' nix te mach'atic ya xch'ay ta yo'tanic te Diose, ya me xlajinot ta jc'axel yu'un yip te lajele.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Jeremías 10:14

Bol yo'tanic, ma sna'ic q'uinal ta spisil te ants-winiquetique. Te mach'a ya spas te loc'ombaetic ya me sta q'uexlal yu'un; melel puro lo'laywanej te yat'ele, ma ba cuxul te loc'omba ya spase.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Isaías 28:15

Ya awalic te ja'exe: —Jpasojtiquix trato soc te lajele, soc te muquenale, swenta yu'un te c'alal ya xtal te bol jinwaneje, ma ba ya staotic. Jleojtiquix anjibal ta swenta lotetic, ya xc'opoj cu'untic te lo'laywaneje —te xaex yaiyele.

Isaías 17:4

—Te bi c'aalil ya cale, ya me xch'ay ta jc'axel yip te lum Samaria, te ja' toyol q'uinal ya yaiy yu'un te sts'umbal Jacob; te bit'il esmajeme, ya xch'ay ta jc'axel.

Romanos 1:25

La sc'atp'unic te smelelil c'op yu'un te Diose; ja' la xch'uunic te lotil c'ope. Jich la yich'ic ta muc' soc la slajin sbaic ta stojol te bila pasbil yu'un te Diose. Ma ja'uc la slajin sbaic ta stojol te mach'a Jpaswaneje, te ja' ay ta ich'el ta muc' sbajt'el q'uinale. Jichuc.

Isaías 34:17

Juju-jcojt' yac'ojbeyix yil te yawilique; ta sc'ab spucojbeyix te sq'uinale. Jc'axel me ya x'och ta swentaic; tey me ya xnainic a ta sbajt'el q'uinal.

Isaías 65:7

te bitic amen mulil spasojic soc nix te smulic te sme'-statique. Ja'ic te la xchiq'uic pom ta sba witstiquil, soc la me sbolc'optayonic ta ch'in witsetic. Neel ya calbey te bi yilel te yat'elique, jich me ya cac'bey stoj te bit'il ya sc'ane —xi'. Jich la yal te Cajwaltique.

Jeremías 3:21

“Ay c'opetic chican ta witstiquil ta jochol taquin q'uinal: Ja'ic te israeletic, te ya x'oq'uic ta sc'anel te yacuc xna'bot yo'bolil sbaique. Jowejic bael a ta bay toj be, soc la xch'ayon ta yo'tanic, jo'on te Ajwalilon te Dioson yu'unique.

Sofonías 3:2

Ma la ach'uunbey sc'op te Cajwaltique; ma la awich' ta muc' te tojtesel yu'une. Ma la smuc'ulin awo'tan; ma ba baat ta stojol te Dios awu'une.

Jeremías 18:15

Ja'uc me to, te lum cu'une ch'ayon ta yo'tanic, soc ya yac'bey pom te lotil diosetique. Jowejemic ta be, ja' te antiguo be, soc ja' st'unojic chujc'ul be te ma sna'beyic sbae.

Ezequiel 23:35

“Ja' yu'un jo'on Ajwalilon te jich ya cale: Melel la ach'ayon ta awo'tan soc la awalac'patiyon. Ja' yu'un ya me awil awocol ta castigo yu'un te la awac'bey awo'tan te mulile, soc te la awac' aba ta jmulawil antse —xi' te Cajwaltique.