Jeremías 13:23 - Bible in Tzeltal de Oxchuc y Tenejapa

²³ ¿Ya bal xju' yu'un ya sacubtes sba te ijc'al winique? ¿Ya bal xju' ya xch'aytes spintoil te leopardo-choje? Ja' nix jich te ja'exe, awat'elinejic spasel te bila amene, ma xju'ix awu'unic spasel te bila leque.

Bible in Tzeltal Bachajón

²³ ¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Jeremías 13:23 Referans Kwoze

Jeremías 2:22

Manchuc teme ya apoc aba ta ya'lel tan, o teme ya atuuntes spisil xapon te bay c'alal ya sc'an awo'tane, pero ta jtojol ja' nix jich bolobenat ya quil yu'un te amule. Jo'on Ajwalilon, jich ya cal.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Jeremías 17:9

“Bayal ya xlo'laywan te o'tanile. Nojel ta mulil ta jyalel, ma'yuc yan bila pajal soc. Ma'yuc mach'a ay sp'ijil yu'un sna'el.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Jeremías 2:30

Tojol la cac'bey castigo te anich'nabic, melel ma ba p'ijubic yu'un te p'ijubtesele. Ja'ex nix te jichex te bit'il c'ajc'al león-chojetic, la amilbonic te j'alwanejetic cu'un te c'opoj ta atojolique.

Isaías 1:5

Te ja'exe ya awat'elinic spasel te toybail, ta abaq'uetal ma'yuquix bay jochol te ya awich' xan castigo. Ta swolol ajol ejch'enajem, jc'axel ch'ayem te awip ta jyalele.

Proverbios 27:22

Te mach'a ma sna' q'uinal ma xju' ta loq'uesel te sbolile, manchuc me ya xc'ax swocol ta utel.

Jeremías 4:22

Te Cajwaltic jich ya yal: —Te lum cu'une ma sna' q'uinal, ma sna'bon jba. Nich'aniletic te jich nax ayic ta q'uinal, ma xc'opoj yo'tanic jtebuc. Ja' nax ay sp'ijilic ta spasel te bila amene, ma ja'uc ya sna'ic spasel te bila leque —xi' te Cajwaltique.

1 Samuel 19:21

C'alal la yaiy te Saúl, la sticun xan yan winiquetic, pero ja' nix jich ochic ta aq'uel ta c'op yu'un Dios. Swenta yoxebal buelta, te Saúl la sticun xan yan winiquetic, ja' nix jich c'ot ta swentaic.

2 Reyes 17:40

Te jaychajp nacionetique ma ba la yich'ic ta wenta, melel ja' nix la spasic bael te bila la spasic ta neelal toe. La xch'uun te Cajwaltique, soc ja' nix jich la squejan sbaic ta stojol te loc'ombaetic cuybilic ta Diose. Te patil alnich'anetic yu'unique ja' nix jich la spasic te bit'il anima sme'-statique. C'alal ora jich yacalic ta spasel.

Eclesiastés 1:15

Ma xju' ta tojtesel te bitic coxole, ma xju' ya awajtay te binti ma'yuc awu'une.